កីឡាអន្តរជាតិ
អន្តរជាតិ
CR7ស៊ីថ្លៃជាង១លានដុល្លារពីការថតផ្សាយពាណិជ្ជកម្មកន្លះថ្ងៃ
× ក្រៅពីទទួលបានតម្លៃខ្លួនថ្លៃកប់ពពកពីវិស័យកីឡាបាល់ទាត់ Cristiano Ronaldo អាចរកប្រាក់បានច្រើនសន្ធឹកសន្ធាប់ទៀតពីការថតផ្សាយពាណិជ្ជកម្មឲ្យក្រុមហ៊ុនផ្សេងៗ។
បើតាមការចុះផ្សាយរបស់ DailyMail ខ្សែប្រយុទ្ធឆ្នើមរបស់ Real Madrid រូបនេះទទួលបានថ្លៃពលកម្មរហូតដល់៩២ម៉ឺនផោន ប្រមាណជិត១លាន២សែនដុល្លារ ពីការថតផ្សាយពាណិជ្ជកម្មកន្លះថ្ងៃឲ្យក្រុមហ៊ុនទូរគមនាគមន៍មួយរបស់ប្រទេសអារ៉ាបីសាអូឌីត។ ក្នុងតម្លៃជាង១លានដុល្លារនេះ Ronaldo គ្រាន់តែចុះកិច្ចសន្យាដើម្បីឲ្យក្រុមហ៊ុនខាងលើ អាចមានសិទ្ធិប្រើប្រាស់ ស្ពតវីដេអូ រូបភាព ហត្ថលេខាលើអាវចំនួន៥ និង Mention ឈ្មោះក្រុមហ៊ុននេះទៅក្នុងគណនីបណ្តាញសង្គមរបស់ខ្លួន២ដងប៉ុណ្ណោះ។
ប៉ុន្តែលក្ខខណ្ឌក្នុងការប្រើប្រាស់រូបភាពរបស់ប្រធានក្រុមបាល់ទាត់ជម្រើសជាតិព័រទុយហ្គាល់ វ័យ៣២ឆ្នាំ ដើម្បីផ្សព្វផ្សាយពាណិជ្ជកម្ម CR7 អនុញ្ញាតឲ្យក្រុមហ៊ុននេះប្រើតែក្នុងតំបន់មជ្ឈិមបូព៌ា និងអាហ្វ្រិកខាងជើងប៉ុណ្ណោះ មិនអាចប្រើនៅជុំវិញពិភពលោកបានទេ។
បើតាមការវាយតម្លៃរបស់ Gestitfute ជាក្រុមហ៊ុនរបស់ភ្នាក់ងារលោក Jorge Mendes បានគណនាប្រាក់ចំណូលដែល Ronaldo មានសព្វថ្ងៃមានសរុប ១៩០លានផោន ប្រហែលជា២៤៥លានដុល្លារអាមេរិក៕
Tag:
បាល់ទាត់
Cristiano Ronaldo
© រក្សាសិទ្ធិដោយ thmeythmey.com