ជាតិ
សេដ្ឋកិច្ច
សម្ដេច ហ៊ុន សែន នឹងចូលរួមកិច្ចប្រជុំនៅចិនដោយត្រូវចុះហត្ថលេខាលើកិច្ចព្រមព្រៀងជិត២០
× ភ្នំពេញ៖ រដ្ឋាភិបាលកម្ពុជា សម្ដេច ហ៊ុន សែន នឹងចុះហត្ថលេខាលើកិច្ចព្រមព្រៀងជិត ២០ ជាមួយរដ្ឋាភិបាលចិន បន្ទាប់ពីចូលរួមក្នុងកិច្ចប្រជុំកំពូល«គំនិតផ្ដួចផ្ដើមខ្សែក្រវាត់មួយ វិថីមួយ» នៅទីក្រុងប៉េកាំង ដែលប្រព្រឹត្តទៅនៅថ្ងៃទី១៤ និងទី១៥ ខែឧសភាខាងមុខនេះ។
ថ្លែងក្នុងសន្និសីទកាសែតក្នុងវេទិកាសេដ្ឋកិច្ចពិភពលោកស្ដីពីអាស៊ាន នៅថ្ងៃទី១១ខែឧសភា សម្ដេច ហ៊ុន សែន បញ្ជាក់ដូច្នេះថា៖«ខ្ញុំនឹងទៅចូលរួមកិច្ចប្រជុំខាងមុខនេះ ហើយបន្ទាប់ទៅខ្ញុំនឹងបំពេញទស្សនកិច្ចនៅប្រទេសចិន។ ពេលនោះកិច្ចព្រមព្រៀងជិត ២០ នឹងត្រូវបានចុះហត្ថលេខា បន្ទាប់ពីកិច្ចព្រមព្រៀងមួយចំនួនធំត្រូវបានចុះហត្ថលេខានៅភ្នំពេញរួចហើយ»។
តែយ៉ាងណាប្រមុខរដ្ឋាភិបាលកម្ពុជា មិនបានបញ្ជាក់ថា កិច្ចព្រមព្រៀងដែលនឹងត្រូវចុះហត្ថលេខានេះទាក់ទងនឹងវិស័យអ្វីខ្លះនោះទេ។
រដ្ឋាភិបាលកម្ពុជា និងរដ្ឋាភិបាលចិន បានចុះកិច្ចព្រមព្រៀងចំនួន ២៨ ក្នុងឱកាសដំណើរទស្សនកិច្ចរបស់ប្រធានាធីបតីចិន លោក ស៊ី ជិនពីង នៅកម្ពុជា កាលពីខែតុលាឆ្នាំ២១០៦ កន្លងទៅ។ ក្នុងនោះមានកិច្ចព្រមព្រៀងដែលចិនបង្កើនកូតាអង្ករដល់ ២០ម៉ឺនតោនដល់កម្ពុជា និងការអនុគ្រោះពន្ធលើផលិតផលកសិកម្មមួយចំនួន និងកិច្ចព្រមព្រៀងផ្សេងៗទៀត៕
© រក្សាសិទ្ធិដោយ thmeythmey.com