ពីនេះ ពីនោះ
ព័ត៍មានសុខភាព
រូបមន្តបញ្ចុះអាស៊ីតអ៊ុយរិក ដែលជាមូលហេតុនាំឲ្យឈឺសន្លាក់
× ការដែលកើតជាអាស៊ីតអ៊ុយរិកគ្រីស្តាលក្នុងសន្លាក់ភាគច្រើនបណ្តាលមកពីជម្រើសរបបអាហារមិនបានត្រឹមត្រូវ។ បើសិនជាមិនមានការព្យាបាលទេ វាអាចនឹងកើតជាជំងឺរលាកសន្លាក់មួយឈ្មោះថា ហ្គោដ ដែលមានការឈឺចាប់ខ្លាំង។
ការហើមប្រហែលជាមានតិចតួចទេ ប៉ុន្តេវាអាបណ្តាលឲ្យគាំងសន្លាក់ ឬឈឺចាប់ធ្ងន់ធ្ងរត្រឹមតែយៈពេលពីរបីម៉ោងប៉ុណ្ណោះ។ មូលហេតុធំបំផុតនោះគឺកម្រិតអាស៊ីតអ៊ុយរិកក្នុងឈាមមានខ្ពស់ ហើយនេះក៏ដោយសារតែការបញ្ចេញចោលមិនបានគ្រប់គ្រាន់ ឬរាងកាយបង្កើតច្រើនពេក។
អាស៊ីតអ៊ុយរិកត្រូវបានបង្កើតឡើងនៅពេលរាងកាយបំបែកសារធាតុ Purine។ Purine គឺជាសារធាតុគីមីមួយប្រភេទដែលត្រូវបានគេរកឃើញក្នុងអាហារជាច្រើន ហើយវាក៏មានក្នុងរាងកាយរបស់យើងដែរ។ នៅពេលតម្រងនោមមិនអាចបញ្ចេញអាស៊ីតអ៊ុយរិកបាន វានឹងបង្កើតជាគ្រីស្តាល ហើយកកកុញនៅជុំវិញសន្លាក់។
តើអ្នកមានដឹងទេថា ទឹកត្រសក់អាចជួយបញ្ចេញចោលនូវការកកអាស៊ីតអ៊ុយរិកក្នុងសន្លាក់ដែរទេ? អ្នកប្រហែលជាមានការឈឺចាប់តិចតួចនៅពេលញ៉ាំទឹកមួយ ព្រោះវាជាសញ្ញានៃការសះរបួស។
ដូច្នេះខ្ញុំសូមណែនាំនូវរូបមន្តព្យាបាលភេសជ្ជៈមួយប្រភេទដែលអាចជួយបញ្ចុះកម្រិតអាស៊ីតអ៊ុយរិកពីក្នុងខ្លួនបាន។
គ្រឿងផ្សំ៖
• ឃឹនឆាយពីរគុម្ព
• ត្រសក់ទំហំមធ្យមមួយផ្លែ
• ក្រូចឆ្មាមួយចំហៀង
• មើមខ្ញីខ្ចីមួយដុំតូច
របៀបធ្វើ៖
• លាងសម្អាតគ្រឿងផ្សំទាំងអស់
• កាត់ត្រសក់ជាដុំតូចៗ
• កាត់ក្រូចឆ្មាជាដុំតូចៗ ដោយមិនយល់សំបក
• ចិតសំបកខ្ញីចេញឲ្យអស់
• ដាក់គ្រឿងផ្សំទាំងអស់ចូលម៉ាស៊ីនក្រឡុកឲ្យសប់
• អ្នកអាចញ៉ាំវាបានហើយ ក្រោយពីបាយរួច៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com