ក្រោមការដឹកនាំរបស់គ្រូបង្វឹកថ្មីខេមបូឌានថាយហ្គឺរមិនទាន់ស្គាល់បរាជ័យឡើយ

កីឡាជាតិ

ជាតិ

ក្រោមការដឹកនាំរបស់គ្រូបង្វឹកថ្មីខេមបូឌានថាយហ្គឺរមិនទាន់ស្គាល់បរាជ័យឡើយ

16, May 2017 , 9:19 am

រូបភាព

ដោយ:

ចាប់តាំងពីការតែងតាំង លោក Oriol Mehedano ជាគ្រូបង្គោលជំនួស លោក Kenichi Yatsuhashi ក្លិបខេមបូឌានថាយហ្គឺរមិនដែលស្គាល់ពាក្យថា បរាជ័យនោះឡើយក្នុងចំណោម៤ប្រកួតនាពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៧។ លើសពីនេះលោក Oriol បានជួយឲ្យក្លិបនេះឡើងចំណាត់ថ្នាក់៣កម្រិតនៅក្នុងតារាងពិន្ទុថែមទៀតផង។

ក្រោយចូលកាន់តំណែងជាគ្រូបង្គោលក្លិបខេមបូឌានថាយហ្គឺរតាំងពីថ្ងៃទី១៨ ខែមេសា លោក Oiriol Mehedano ដឹកនាំក្លិបមួយនេះមិនឲ្យស្គាល់ពាក្យបរាជ័យនោះទេក្នុងចំណោម៤ប្រកួតក្នុងពានរង្វាន់ក្របខណ្ឌមិត្តហ្វូនខេមបូឌានលីកឆ្នាំ២០១៧។ ក្រោមការដឹកនាំរបស់គ្រូបង្វឹកថ្មីរូបនេះ ក្នុងជំនួបដំបូងខេមបូឌានថាយហ្គឹរយកឈ្នះក្រុមគីរីវង់សុខសែនជ័យក្នុងលទ្ធផល ៦-១។

ហើយបន្តដឹកនាំក្រុមនេះស្មើ ១-១ ជាមួយក្រុមឈរកំពូលតារាងព្រះខ័នរាជស្វាយរៀងក្នុងជំនួបលើកទី២ មុនយកឈ្នះក្រុមអគ្គិសនីកម្ពុជា ១-០ ក្នុងជំនួបលើកទី៣ និងយកឈ្នះវេស្ទើនភ្នំពេញ ៣-២ ក្នុងជំនួបបញ្ចប់ជើងទី១នៃពានរង្វាន់ក្របខណ្ឌមិត្តហ្វូនខេមបូឌានលីកកាលពីថ្ងៃទី១៣ ខែឧសភា សប្តាហ៍មុន។

ក្រោមការដឹកនាំរបស់គ្រូបង្វឹករូបនេះដែរ គឺបានជួយក្រុមខេមបូឌានថាយហ្គឺរ ដែលឈរលេខរៀងទី៩ក្នុងសប្តាហ៍ទី៧ក្រោមការដឹកនាំរបស់លោក Kenichi Yatsuhashi ឲ្យមកឈរលេខរៀងទី៦ក្នុងសប្តាហ៍ទី១១នៃពានរង្វាន់ក្របខណ្ឌលីកកំពូលកម្ពុជា ដោយមាន១៧ពិន្ទុ៕