ពីនេះ ពីនោះ
ព័ត៍មានសុខភាព
វិធីការពារ ការឈឺក្បាលដោយសារកម្តៅ ក្នុងខែក្តៅនេះ
× រដូវក្តៅ នឹងធ្វើឲ្យមនុស្សមួយចំនួនមានជំងឺ ជាពិសេស កូនក្មេងតូចៗ និងមនុស្សចាស់។ អាការៈឈឺក្បាល ត្រូវបានគេរកឃើញថា ជាសញ្ញាគ្រោះថ្នាក់ ហើយឧស្សាហ៍កើតញឹកញាប់ជាទីបំផុត ក្នុងរដូវកាលបែបនេះ។
បើអ៊ីចឹង តើអ្នកគួរធ្វើបែបណាខ្លះ ដើម្បីការពារការឈឺក្បាល ដោយសាររលកកម្តៅបែបនេះ?
1. ញ៉ាំទឹកឲ្យបានច្រើន ដើម្បីបង្ការការខ្វះជាតិទឹក ដែលជាមូលហេតុធ្វើឲ្យអ្នឈឺក្បាល
2. កុំញ៉ាំភេសជ្ជៈប៉ូវកម្លាំង ឬមានជាតិផ្អែមច្រើនពេក ដូចជា កាហ្វេ និងទឹកក្រូច ពីព្រោះ វានឹងធ្វើឲ្យអ្នករឹតតែបាត់បង់ជាតិទឹកទៅវិញនោះទេ
3. នៅក្រោមម្លប់ កុំឲ្យត្រូវថ្ងៃច្រើនពេក ពីព្រោះ កម្តៅថ្ងៃងាយនឹងធ្វើឲ្យអ្នកអស់កម្លាំង បាត់បង់ជាតិទឹក និងឈឺក្បាលខ្លាំង
4. ញ៉ាំអាហារមានតុល្យភាព ជាពិសេស អ្នកត្រូវញ៉ាំបន្លែ និងផ្លែឈើឲ្យបានច្រើន
5. ទឹកផ្លែឈើ និងទឹកបន្លែស្រស់ គឺជាអ្វីដែលរាងកាយរបស់អ្នកត្រូវការ
6. ថែរក្សាកម្តៅក្នុងផ្ទះ ឬបន្ទប់របស់អ្នកឲ្យត្រជាក់ និងមានសំណើម
7. ហាត់ប្រាណនៅពេលព្រឹក និងពេលល្ងាច ដែលមិនសូវមានពន្លឺថ្ងៃ និងត្រជាក់ស្រួល
8. ញ៉ាំទឹកដូង ពីព្រោះ វាជាប្រភពដ៏ល្អនៃអេឡិចត្រូលីត និងជួយបង្កើនកម្លាំងតាមវិធីធម្មជាតិ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com