កីឡាអន្តរជាតិ
អន្តរជាតិ
Terry ទំនងជាចូលនិវត្តន៍ ក្រោយលើកពាន EPL ជាមួយ Chelsea រួចរាល់
× John Terry ប្រធានក្រុមបាល់ទាត់ Chelsea ទំនងជានឹងចូលនិវត្តន៍ពីអាជីពជាកីឡាករបាល់ទាត់នៅចុងបញ្ចប់រដូវកាលនេះ បន្ទាប់ពីជួយឲ្យតោខៀវលើកពាននៅរដូវកាលនេះ។
ខ្សែការពារចាស់វស្សា វ័យ៣៦ឆ្នាំដែលចូលរួមជាមួយតោខៀវតាំងអាយុ១៤ឆ្នាំ ពោលគឺចាប់ពីឆ្នាំ១៩៩៨មកនោះ បានប្រាប់ Sky Sports ក្រោយជំនួបដែល Chelsea យកឈ្នះ Watford ៤-៣ កាលពីរាត្រីថ្ងៃចន្ទ ថារូបគេអាចនឹងចូលនិវត្តន៍ពីអាជីពកីឡាករបាល់ទាត់ បន្ទាប់ពីលើកពានជាផ្លូវការនៅទឹកដី Stamford Bridge រូចហើយនោះ។
«ខ្ញុំមិនប្រាកដថាថ្ងៃអាទិត្យនេះជាការប្រកួតចុងក្រោយរបស់ខ្ញុំ ឬយ៉ាងណានោះទេ។ ខ្ញុំអាចនឹងចូលនិវត្តន៍ពីកីឡាករបាល់ទាត់ តែប្រសិនបើមានកាផ្តល់ឲ្យលេងបន្តក្នុងសំណើរត្រឹមត្រូវណាមួយដែលទទួលយកបាននោះ ខ្ញុំអាចនឹងលេងបន្តទៀត។ ខ្ញុំកំពុងពិភាក្សាជាមួយគ្រួសារថាតើគួរបញ្ចប់នៅទីនេះ (Chelsea) ឬក្លិបនៅបរទេស»។ នេះជាការលើកឡើងរបស់ John Terry។
Chelsea នឹងត្រូវទទួល Sunderland ក្នុងការប្រកួតបង្គ្រប់កិច្ចក្របខណ្ឌ Premier League ចុងក្រោយដើម្បីលើកពានជាផ្លូវការសម្រាប់ក្រុមដែលដឹកនាំដោយអ្នកចាត់ការថ្មីសញ្ជាតិអ៊ីតាលីលោក Antonio Conte ក្នុងរដូវការនេះ៕
Tag:
បាល់ទាត់
John Terry
Chelsea
ចូលនិវត្តន៍
© រក្សាសិទ្ធិដោយ thmeythmey.com