កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
កីឡាការិនី Maria Sharapova នឹងមិនបានចូលរួមការប្រកួតកីឡាវាយកូនបាល់ French Open ឡើយបន្ទាប់ពីមន្ត្រីរៀបចំការប្រកួតនេះសម្រេចមិនផ្តល់ Wildcard ដែលជាសិទ្ធិមិនចាំបាច់ប្រកួតវគ្គជម្រុះដល់នាង។
បើតាម New York Time ប្រធានសហព័ន្ធកីឡាវាយកូនបាល់បារាំងលោក Bernard Giudicelli Ferrandini ប្រកាសមិនផ្ដល់សិទ្ធិអនុគ្រោះដល់កីឡាការិនីសញ្ជាតិរុស្ស៊ី វ័យ៣០ឆ្នាំរូបនេះឲ្យចូលរួមការប្រកួតពានរង្វាន់ French Open កម្រិត Grand Slam ឆ្នាំ២០១៧ ដោយសារករណីធ្លាប់ប្រើសារធាតុញៀន ឬប៉ូវកម្លាំងកាលពីការប្រកួត Australian Open ឆ្នាំ២០១៦។
«យើងអាចផ្តល់ Wildcard សម្រាប់កីឡាករ ឬកីឡាការិនីណាដែលត្រឡប់មកប្រកួតវិញដោយសារបញ្ហារបួស ប៉ុន្តែយើងមិនអាចផ្តល់ Wildcard សម្រាប់ការត្រឡប់មកដោយសារការពិន័យករណីប្រើប្រាស់សារធាតុប៉ូវកំលាំងខុសនឹងច្បាប់កីឡានោះទេ»។ នេះជាការបញ្ជាក់របស់លោក Bernard Giudicelli Ferrandini។
សូមបញ្ជាក់ថា ការប្រកួតវាយកូនបាល់ក្នុងទីលានដីក្រហមកម្មវិធី Roland Garros ឬ French Open ឆ្នាំ២០១៧ លំដាប់Grand Slam នេះនឹងប្រព្រឹត្តធ្វើឡើងចាប់ពីថ្ងៃទី២៨ ខែឧសភា ដល់ថ្ងៃទី១១ ខែមិថុនា។
ម្ចាស់ជើងឯក Grand Slam ៥សម័យកាល Maria Sharopova ក៏បានដកខ្លួនពីកម្មវិធីវាយកូនបាល់ Italian Open ផងដែរ ក្រោយមានបញ្ហារបួសភ្លៅនៅពេលកំពុងធ្វើការប្រកួតក្នុងសិតទី៣ ជាមួយកីឡាការនី Marjana Lucic-Baroni ដោយបញ្ចប់ទៅក្នុងលទ្ធផល ៤-៦, ៦-៣ និង ២-១៕
បើតាម New York Time ប្រធានសហព័ន្ធកីឡាវាយកូនបាល់បារាំងលោក Bernard Giudicelli Ferrandini ប្រកាសមិនផ្ដល់សិទ្ធិអនុគ្រោះដល់កីឡាការិនីសញ្ជាតិរុស្ស៊ី វ័យ៣០ឆ្នាំរូបនេះឲ្យចូលរួមការប្រកួតពានរង្វាន់ French Open កម្រិត Grand Slam ឆ្នាំ២០១៧ ដោយសារករណីធ្លាប់ប្រើសារធាតុញៀន ឬប៉ូវកម្លាំងកាលពីការប្រកួត Australian Open ឆ្នាំ២០១៦។
«យើងអាចផ្តល់ Wildcard សម្រាប់កីឡាករ ឬកីឡាការិនីណាដែលត្រឡប់មកប្រកួតវិញដោយសារបញ្ហារបួស ប៉ុន្តែយើងមិនអាចផ្តល់ Wildcard សម្រាប់ការត្រឡប់មកដោយសារការពិន័យករណីប្រើប្រាស់សារធាតុប៉ូវកំលាំងខុសនឹងច្បាប់កីឡានោះទេ»។ នេះជាការបញ្ជាក់របស់លោក Bernard Giudicelli Ferrandini។
សូមបញ្ជាក់ថា ការប្រកួតវាយកូនបាល់ក្នុងទីលានដីក្រហមកម្មវិធី Roland Garros ឬ French Open ឆ្នាំ២០១៧ លំដាប់Grand Slam នេះនឹងប្រព្រឹត្តធ្វើឡើងចាប់ពីថ្ងៃទី២៨ ខែឧសភា ដល់ថ្ងៃទី១១ ខែមិថុនា។
ម្ចាស់ជើងឯក Grand Slam ៥សម័យកាល Maria Sharopova ក៏បានដកខ្លួនពីកម្មវិធីវាយកូនបាល់ Italian Open ផងដែរ ក្រោយមានបញ្ហារបួសភ្លៅនៅពេលកំពុងធ្វើការប្រកួតក្នុងសិតទី៣ ជាមួយកីឡាការនី Marjana Lucic-Baroni ដោយបញ្ចប់ទៅក្នុងលទ្ធផល ៤-៦, ៦-៣ និង ២-១៕
Tag:
វាយកូនបាល់
Maria Sharapova
wildcard
Franch Open
© រក្សាសិទ្ធិដោយ thmeythmey.com
