ជាតិ
នយោបាយជាតិ
ថ្ងៃដំបូង មេបក្ស ហ្វ៊ុនស៊ិនប៉ិចនិងមេបក្សសំបុកឃ្មុំ ទៅឃោសនានៅខេត្តកំពង់ចាម
× នៅថ្ងៃឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ដំបូងនេះ ប្រធានគណបក្សហ្វ៊ុនស៊ិនប៉ិច និងប្រធានគណបក្សសំបុកឃ្មុំសង្គមប្រជាធិបតេយ្យ បានសម្រេចរើសខេត្តកំពង់ចាម ជាខេត្តចាប់ផ្តើមដំបូងនៃយុទ្ធនាការឃោសនាបោះឆ្នោតរបស់គណបក្សទាំងពីរនេះ។
សម្តេចក្រុមព្រះ នរោត្តម រណឫទ្ធ ប្រធានគណបក្សហ្វ៊ុនស៊ិនប៉ិច បានយាងឃោសនាបោះឆ្នោតថ្ងៃដំបូងនៅខេត្តកំពង់ចាម។ នេះបើតាមលោក ញ៉េប ប៊ុនជិន អនុប្រធានកណបក្សហ្វ៊ុនស៊ិនប៉ិច។លោក ប៊ុនជិន មិនអាចបញ្ជាក់ពីឃុំ-សង្កាត់ដែលព្រះអង្គយាងឃោសនានោះទេ ដោយសារពេលនេះ រូបលោកកំពុងតែរៀបចំឃោសនា នៅខេត្តបាត់ដំបង។
ចំណែកលោក ម៉ម សូណង់ដូ ប្រធានគណបក្សសំបុកឃ្មុំសង្គមប្រជាធិបតេយ្យវិញ ក៏បានទៅឃោសនារកសំឡេងឆ្នោតនៅក្នុងខេត្តកំពង់ចាមនៅថ្ងៃដំបូងនេះផងដែរ។ លោក សូណង់ដូ ឃោសនា នៅក្នុងស្រុកបាធាយ និងស្រុកជើងព្រៃខេត្តកំពង់ចាម។ លោក ម៉ម សូណង់ដូ បានថ្លែងប្រាប់សារព័ត៌មានថ្មីៗ ពីទីកន្លែងលោកឃោសនាមកថា មូលហេតុដែលោកសម្រេចទៅឃោសនានៅក្នុងឃុំសំពងជ័យ ស្រុកជើងព្រៃ និងឃុំតាំងក្រសាំង ស្រុកបាធាយ ខេត្តកំពង់ចាម ព្រោះធ្វើតាមសំណូមពរពលរដ្ឋនៅក្នុងតំបន់នេះ។
Tag:
បោះឆ្នោតឃុំ-សង្កាត់
© រក្សាសិទ្ធិដោយ thmeythmey.com