អន្តរជាតិ
×![]()
ដោយ: តន ចាន់រិទ្ធារ៉ា
មេដឹកនាំវ័យក្មេងកូរ៉េខាងជើង គីម ជុងអ៊ុន បានផ្ដល់ភ្លើងខៀវឲ្យមានការពង្រាយមីស៊ីលបាលីស្ទិកប្រភេទថ្មី Pukguksong-2 ដែលជាមីស៊ីលរយៈចម្ងាយមធ្យម។ មីស៊ីលប្រភេទថ្មីនេះ ត្រូវបានបាញ់សាកល្បងចំនួនពីរដងក្នុងឆ្នាំ ២០១៧ នេះ ដោយលើកទីមួយក្នុងខែកុម្ភៈ និងលើកទីពីរនៅថ្ងៃទី២១ ខែឧសភា ម្សិលមិញ។ សារព័ត៌មានរដ្ឋកូរ៉េខាងជើង KCNA ផ្សាយថា ការបាញ់សាកល្បងលើកចុងក្រោយទទួលបានជោគជ័យ ទើបមេដឹកនាំកូរ៉េខាងជើងសម្រេចពង្រាយមីស៊ីលតែម្ដង។
កូរ៉េខាងជើង នៅថ្ងៃទី២២ ខែឧសភា បានប្រកាសពីជោគជ័យនៃការសាកល្បងមីស៊ីលរយៈចម្ងាយមធ្យមប្រភេទថ្មី Pukguksong-2 ដែលត្រូវបានបាញ់នៅថ្ងៃទី២១ ខែឧសភា ក្រោមការត្រួតពិនិត្យដោយផ្ទាល់ពីសំណាក់ប្រមុខដឹកនាំ គីម ជុងអ៊ុន ។ នេះ ជាលើកទីពីរក្នុងខែឧសភានេះ ដែលកូរ៉េខាងជើងធ្វើតេស្តមីស៊ីលរបស់ខ្លួន ដោយមិនបានអើពើការអំពាវនាវរបស់សហគមន៍អន្តរជាតិឲ្យបញ្ឈប់កម្មវិធីនុយក្លេអ៊ែរឡើយ។
បើតាមទីភ្នាក់ងារព័ត៌មាន Yonhap លោក គីម ជុងអ៊ុន សប្បាយចិត្តខ្លាំងនឹងជោគជ័យនេះ ព្រោះកម្រិតបាញ់ចំគោលដៅមានអាត្រាខ្ពស់ ហើយបានហៅមីស៊ីល Pukguksong-2 នេះ ជាអាវុធយុទ្ធសាស្ត្រទៀតផង។ មេដឹកនាំកូរ៉េខាងជើង ក៏ដាក់បញ្ជាឲ្យផលិតមីស៊ីលប្រភេទថ្មីឲ្យបានច្រើនថែមទៀត ដើម្បីពង្រាយនៅតាមអង្គភាពយុទ្ធសាស្ត្ររបស់កងទ័ពប្រជាជនកូរ៉េខាងសម្រាប់ការប្រយុទ្ធ និងដើម្បីពង្រឹងសមត្ថភាពនុយក្លេអ៊ែររបស់ប្រទេសដែរ។
មីស៊ីលបាលីស្ទិក Pukguksong-2 ដែលបាញ់កាលពីថ្ងៃទី១២ ខែកុម្ភៈ (រូបភាព Xinhua)
ទាក់ទងនឹងការសាកល្បងមីស៊ីលនៅថ្ងៃទី២១ ខែឧសភា មីស៊ីល Pukguksong-2 ត្រូវបានបាញ់ចេញពីទីតាំងក្នុងទីក្រុង Pukchang តម្រងទិសទៅខាងកើត ហើយហោះបានចម្ងាយជាង ៥០០គីឡូម៉ែត្រ មុននឹងធ្លាក់ចូលសមុទ្រ។ មីស៊ីលបាលីស្ទិករយៈចម្ងាយធម្យមប្រភេទថ្មីនេះ ក៏កំពុងស្ថិតក្រោមការអភិវឌ្ឍជាមួយបច្ចេកវិទ្យាដែលប្រើប្រាស់សម្រាប់មីស៊ីលបាញ់ចេញពីនាវាមុជទឹក (SLBM) ដែរ។
អ្វីគួរឲ្យកត់សម្គាល់ នេះជាលើកទី២ ដែលកូរ៉េខាងជើងបាញ់មីស៊ីលក្រោយលោក មូន ចេអ៊ីន ចូលកាន់តំណែងប្រធានាធិបតីកូរ៉េខាងត្បូងមិនដល់កន្លះខែស្រួលបួលផង។ កូរ៉េខាងជើង ទំនងចង់សាកល្បងការអត់ធ្មត់របស់មេដឹកនាំកូរ៉េខាងត្បូង ព្រោះលោកមានជំហរមិនតឹងតែងដាក់កូរ៉េខាងជើងឡើយ ហើយលោកជ្រើសរើសផ្លូវចរចាសម្រាប់បញ្ចប់វិបត្តិនុយក្លេអ៊ែរនេះ។ ប៉ុន្តែកូរ៉ខាងជើង បែរជាបន្តធ្វើសកម្មភាពផ្គើនម្ដងហើយម្ដងទៀតមិនចេះចប់សោះ។
បើទោះជាមានសម្ពាធគ្រប់ទិសទីក្ដី កូរ៉េខាងជើង នៅតែមិនបោះបង់មហិច្ឆតាអភិវឌ្ឍមីស៊ីល និងនុយក្លេអ៊ែររបស់ខ្លួនឡើយ ដោយលើកឡើងថាវាជាអាវុធការពារទឹកដីរបស់ខ្លួន។ មកទល់ពេលនេះ កូរ៉េខាងជើង បានសាកល្បងនុយក្លេអ៊ែរចំនួន៥លើកទៅហើយ ខណៈគ្រាន់តែឆ្នាំ២០១៧នេះ កូរ៉េខាងជើងបាញ់មីស៊ីលដល់ទៅ ៨ដង។ លោក គីម ជុងអ៊ុន ធ្លាប់ប្រកាសថា ខ្លួនស្ថិតក្នុងដំណាក់កាលចុងក្រោយនៃការអភិវឌ្ឍមីស៊ីលអន្តរទ្វីបដែលអាចបាញ់ដល់ទឹកដីអាមេរិកឯណោះ៕
កូរ៉េខាងជើង នៅថ្ងៃទី២២ ខែឧសភា បានប្រកាសពីជោគជ័យនៃការសាកល្បងមីស៊ីលរយៈចម្ងាយមធ្យមប្រភេទថ្មី Pukguksong-2 ដែលត្រូវបានបាញ់នៅថ្ងៃទី២១ ខែឧសភា ក្រោមការត្រួតពិនិត្យដោយផ្ទាល់ពីសំណាក់ប្រមុខដឹកនាំ គីម ជុងអ៊ុន ។ នេះ ជាលើកទីពីរក្នុងខែឧសភានេះ ដែលកូរ៉េខាងជើងធ្វើតេស្តមីស៊ីលរបស់ខ្លួន ដោយមិនបានអើពើការអំពាវនាវរបស់សហគមន៍អន្តរជាតិឲ្យបញ្ឈប់កម្មវិធីនុយក្លេអ៊ែរឡើយ។
បើតាមទីភ្នាក់ងារព័ត៌មាន Yonhap លោក គីម ជុងអ៊ុន សប្បាយចិត្តខ្លាំងនឹងជោគជ័យនេះ ព្រោះកម្រិតបាញ់ចំគោលដៅមានអាត្រាខ្ពស់ ហើយបានហៅមីស៊ីល Pukguksong-2 នេះ ជាអាវុធយុទ្ធសាស្ត្រទៀតផង។ មេដឹកនាំកូរ៉េខាងជើង ក៏ដាក់បញ្ជាឲ្យផលិតមីស៊ីលប្រភេទថ្មីឲ្យបានច្រើនថែមទៀត ដើម្បីពង្រាយនៅតាមអង្គភាពយុទ្ធសាស្ត្ររបស់កងទ័ពប្រជាជនកូរ៉េខាងសម្រាប់ការប្រយុទ្ធ និងដើម្បីពង្រឹងសមត្ថភាពនុយក្លេអ៊ែររបស់ប្រទេសដែរ។
មីស៊ីលបាលីស្ទិក Pukguksong-2 ដែលបាញ់កាលពីថ្ងៃទី១២ ខែកុម្ភៈ (រូបភាព Xinhua)
ទាក់ទងនឹងការសាកល្បងមីស៊ីលនៅថ្ងៃទី២១ ខែឧសភា មីស៊ីល Pukguksong-2 ត្រូវបានបាញ់ចេញពីទីតាំងក្នុងទីក្រុង Pukchang តម្រងទិសទៅខាងកើត ហើយហោះបានចម្ងាយជាង ៥០០គីឡូម៉ែត្រ មុននឹងធ្លាក់ចូលសមុទ្រ។ មីស៊ីលបាលីស្ទិករយៈចម្ងាយធម្យមប្រភេទថ្មីនេះ ក៏កំពុងស្ថិតក្រោមការអភិវឌ្ឍជាមួយបច្ចេកវិទ្យាដែលប្រើប្រាស់សម្រាប់មីស៊ីលបាញ់ចេញពីនាវាមុជទឹក (SLBM) ដែរ។
អ្វីគួរឲ្យកត់សម្គាល់ នេះជាលើកទី២ ដែលកូរ៉េខាងជើងបាញ់មីស៊ីលក្រោយលោក មូន ចេអ៊ីន ចូលកាន់តំណែងប្រធានាធិបតីកូរ៉េខាងត្បូងមិនដល់កន្លះខែស្រួលបួលផង។ កូរ៉េខាងជើង ទំនងចង់សាកល្បងការអត់ធ្មត់របស់មេដឹកនាំកូរ៉េខាងត្បូង ព្រោះលោកមានជំហរមិនតឹងតែងដាក់កូរ៉េខាងជើងឡើយ ហើយលោកជ្រើសរើសផ្លូវចរចាសម្រាប់បញ្ចប់វិបត្តិនុយក្លេអ៊ែរនេះ។ ប៉ុន្តែកូរ៉ខាងជើង បែរជាបន្តធ្វើសកម្មភាពផ្គើនម្ដងហើយម្ដងទៀតមិនចេះចប់សោះ។
បើទោះជាមានសម្ពាធគ្រប់ទិសទីក្ដី កូរ៉េខាងជើង នៅតែមិនបោះបង់មហិច្ឆតាអភិវឌ្ឍមីស៊ីល និងនុយក្លេអ៊ែររបស់ខ្លួនឡើយ ដោយលើកឡើងថាវាជាអាវុធការពារទឹកដីរបស់ខ្លួន។ មកទល់ពេលនេះ កូរ៉េខាងជើង បានសាកល្បងនុយក្លេអ៊ែរចំនួន៥លើកទៅហើយ ខណៈគ្រាន់តែឆ្នាំ២០១៧នេះ កូរ៉េខាងជើងបាញ់មីស៊ីលដល់ទៅ ៨ដង។ លោក គីម ជុងអ៊ុន ធ្លាប់ប្រកាសថា ខ្លួនស្ថិតក្នុងដំណាក់កាលចុងក្រោយនៃការអភិវឌ្ឍមីស៊ីលអន្តរទ្វីបដែលអាចបាញ់ដល់ទឹកដីអាមេរិកឯណោះ៕
Tag:
កូរ៉េខាងជើង
គីម ជុងអ៊ុន
នុយក្លេអ៊ែរ
© រក្សាសិទ្ធិដោយ thmeythmey.com
