អន្តរជាតិ
តៃវ៉ាន់ខកចិត្ត ព្រោះគ្មានសិទ្ធិចូលរួមកិច្ចប្រជុំសុខភាពពិភពលោកដោយសារចិនរារាំង
រដ្ឋមន្រ្តីសុខាភិបាលតៃវ៉ាន់ Chen Shih-chung ក្នុងសន្និសីទសារព័ត៌មានមួយ (រូបភាព Taiwan Today)
×![]()
ដោយ: តន ចាន់រិទ្ធារ៉ា
កោះតៃវ៉ាន់ បានខកចិត្តយ៉ាងខ្លាំង ក្រោយខ្លួនមិនត្រូវបានអញ្ជើញឲ្យចូលរួមក្នុងកិច្ចប្រជុំប្រចាំឆ្នាំរបស់អង្គការសុខភាពពិភពលោកនៅទីក្រុងហ្សឺណែវ។ តៃវ៉ាន់ មិនអាចចូលរួមប្រជុំបាន ដ្បិតចិនដីគោកបានរារាំងដោយសារមិនពេញចិត្តនឹងមេដឹកនាំតៃវ៉ាន់បច្ចុប្បន្នដែលមានទំនោរងាកទៅរកការប្រកាសឯករាជ្យ។ ដោយសារគ្មានសិទ្ធិចូលរួមប្រជុំ តៃវ៉ាន់ ក៏ស្នើឲ្យមានការដាក់សម្ពាធលើចិនដីគោកដើម្បីកុំឲ្យរឿងបែបនេះកើតឡើងម្ដងទៀត។
ជាលើកដំបូងចាប់តាំងពីឆ្នាំ២០០៩ មក កោះតៃវ៉ាន់ មិនមានវត្តមានក្នុងកិច្ចរបស់អង្គការសុខភាពពិភពលោក (WHO) ឡើយ។ កិច្ចប្រជុំប្រចាំឆ្នាំនេះ ចាប់ផ្ដើមនៅថ្ងៃទី២២ ខែឧសភា នៅឯប្រទេសស្វ៊ីស ហើយតៃវ៉ាន់តែងទទួលបានការអញ្ជើញឲ្យចូលរួមជាអ្នកសង្កេតការពិសេសអស់រយៈពេល៨ឆ្នាំមកហើយ។ ប៉ុន្តែឆ្នាំនេះ កោះតៃវ៉ាន់មិនទទួលបានការអញ្ជើញឡើយ ហើយបើតាមដឹង គឺបណ្ដាលមកពីចិនដីគោកមិនយល់ព្រមតែម្ដង។
រដ្ឋមន្ត្រីសុខាភិបាលតៃវ៉ាន់ Chen Shih-chung ដែលបានទៅដល់ទីក្រុងហ្សឺណែវទៅហើយនោះ បានប្រាប់ទីភ្នាក់ងារ AFP ថា លោកខកចិត្តខ្លាំងណាស់ និងទទូចឲ្យអន្តរជាតិដាក់សម្ពាធលើក្រុងប៉េកាំង សំដៅធ្វើយ៉ាងណាឲ្យខ្លួនមានសិទ្ធិចូលរួមប្រជុំឡើងវិញនៅឆ្នាំក្រោយ។ ដោយឡែកមន្ត្រីជាន់ខ្ពស់ WHO បានលើកឡើងថា ទំនាក់ទំនងល្អរវាងចិន និងតៃវ៉ាន់ គឺជាលក្ខខណ្ឌសមស្របដែលអនុញ្ញាតឲ្យតៃវ៉ាន់ចូលរួមប្រជុំបាន តែឆ្នាំនេះទំនាក់ទំនងរវាងភាគីមិនល្អឡើយ ទើបតៃវ៉ាន់មិនត្រូវបានអញ្ជើញ។
ដូចបានដឹងស្រាប់ ទំនាក់ទំនងឆ្លងជ្រោយតៃវ៉ាន់មិនល្អឡើយ ក្រោយលោកស្រី Tsai Ing-wen ក្លាយជាប្រធានាធិបតីតៃវ៉ាន់កាលពីឆ្នាំមុន។ លោកស្រី មានជំហរប្រកាសឯករាជ្យរបស់តៃវ៉ាន់ ទោះជាចិនព្រមានដាច់ខាតក្ដី ហើយចាប់ពីពេលនោះ ចិនតែងប្រឆាំងរាល់វត្តមានរបស់តៃវ៉ាន់ក្នុងកិច្ចប្រជុំអន្តរជាតិទាំងអស់។ មុនអាណត្តិរបស់លោកស្រី Tsai ទំនាក់ទំនងរវាងចិន និងតៃវ៉ាន់ មានភាពល្អប្រសើរច្រើន ព្រោះនិន្នាការប្រកាសឯករាជ្យមិនសូវត្រូវបានលើកឡើងឡើយ។
មិនត្រឹមតែមន្ត្រីតៃវ៉ាន់ឡើយ សូម្បីតែអ្នកសារព័ត៌មានមកពីតៃវ៉ាន់ ក៏គ្មានសិទ្ធិចូលយកព័ត៌មានដែរ។ បើទោះជាមិនមានសិទ្ធិចូលរួមប្រជុំក្ដី រដ្ឋមន្ត្រីសុខាភិបាល ក៏បានជួបមន្ត្រីសុខាភិបាលមកពីប្រទេសដទៃទៀត និងបានស្នើឲ្យដាក់សម្ពាធលើចិនទៀតផង។ លោក Chen Shih-chung បញ្ជាក់ថា តៃវ៉ាន់ នឹងប្រឹងប្រែងយកកៅអីអ្នកសង្កេតការអចិន្ត្រៃយ៍ឲ្យបាន បើទោះជាវាជាគោលដៅដែលលំបាកក៏ដោយចុះ ព្រោះច្បាស់ណាស់ថា ចិននឹងជំទាស់ដាចខាត។
សូមបញ្ជាក់ផងដែរថា កោះតៃវ៉ាន់របូតកៅអីសមាជិកអង្គការសុខភាពពិភពលោកក្នុងឆ្នាំ១៩៧២ ខណៈកៅអីនោះត្រូវប្រគល់ទៅឲ្យចិនដីគោកវិញ។ មិនត្រឹមតែនៅអង្គការនេះឡើយ នៅតាមស្ថាប័នពិភពលោកផ្សេងទៀត ក៏កោះតៃវ៉ាន់អស់សមាជិកភាពដែរ ហើយសុទ្ធតែត្រូវអង្គុយជំនួសដោយក្រុងប៉េកាំងទាំងអស់។ មកទល់ពេលនេះ តៃវ៉ាន់ ក៏មិនសូវមានប្រទេសរាប់រកដែរ ដ្បិតប្រទេសភាគច្រើនបានភ្ជាប់ទំនាក់ទំនងការទូតជាមួយក្រុងប៉េកាំងអស់ហើយ៕
ជាលើកដំបូងចាប់តាំងពីឆ្នាំ២០០៩ មក កោះតៃវ៉ាន់ មិនមានវត្តមានក្នុងកិច្ចរបស់អង្គការសុខភាពពិភពលោក (WHO) ឡើយ។ កិច្ចប្រជុំប្រចាំឆ្នាំនេះ ចាប់ផ្ដើមនៅថ្ងៃទី២២ ខែឧសភា នៅឯប្រទេសស្វ៊ីស ហើយតៃវ៉ាន់តែងទទួលបានការអញ្ជើញឲ្យចូលរួមជាអ្នកសង្កេតការពិសេសអស់រយៈពេល៨ឆ្នាំមកហើយ។ ប៉ុន្តែឆ្នាំនេះ កោះតៃវ៉ាន់មិនទទួលបានការអញ្ជើញឡើយ ហើយបើតាមដឹង គឺបណ្ដាលមកពីចិនដីគោកមិនយល់ព្រមតែម្ដង។
រដ្ឋមន្ត្រីសុខាភិបាលតៃវ៉ាន់ Chen Shih-chung ដែលបានទៅដល់ទីក្រុងហ្សឺណែវទៅហើយនោះ បានប្រាប់ទីភ្នាក់ងារ AFP ថា លោកខកចិត្តខ្លាំងណាស់ និងទទូចឲ្យអន្តរជាតិដាក់សម្ពាធលើក្រុងប៉េកាំង សំដៅធ្វើយ៉ាងណាឲ្យខ្លួនមានសិទ្ធិចូលរួមប្រជុំឡើងវិញនៅឆ្នាំក្រោយ។ ដោយឡែកមន្ត្រីជាន់ខ្ពស់ WHO បានលើកឡើងថា ទំនាក់ទំនងល្អរវាងចិន និងតៃវ៉ាន់ គឺជាលក្ខខណ្ឌសមស្របដែលអនុញ្ញាតឲ្យតៃវ៉ាន់ចូលរួមប្រជុំបាន តែឆ្នាំនេះទំនាក់ទំនងរវាងភាគីមិនល្អឡើយ ទើបតៃវ៉ាន់មិនត្រូវបានអញ្ជើញ។
ដូចបានដឹងស្រាប់ ទំនាក់ទំនងឆ្លងជ្រោយតៃវ៉ាន់មិនល្អឡើយ ក្រោយលោកស្រី Tsai Ing-wen ក្លាយជាប្រធានាធិបតីតៃវ៉ាន់កាលពីឆ្នាំមុន។ លោកស្រី មានជំហរប្រកាសឯករាជ្យរបស់តៃវ៉ាន់ ទោះជាចិនព្រមានដាច់ខាតក្ដី ហើយចាប់ពីពេលនោះ ចិនតែងប្រឆាំងរាល់វត្តមានរបស់តៃវ៉ាន់ក្នុងកិច្ចប្រជុំអន្តរជាតិទាំងអស់។ មុនអាណត្តិរបស់លោកស្រី Tsai ទំនាក់ទំនងរវាងចិន និងតៃវ៉ាន់ មានភាពល្អប្រសើរច្រើន ព្រោះនិន្នាការប្រកាសឯករាជ្យមិនសូវត្រូវបានលើកឡើងឡើយ។
មិនត្រឹមតែមន្ត្រីតៃវ៉ាន់ឡើយ សូម្បីតែអ្នកសារព័ត៌មានមកពីតៃវ៉ាន់ ក៏គ្មានសិទ្ធិចូលយកព័ត៌មានដែរ។ បើទោះជាមិនមានសិទ្ធិចូលរួមប្រជុំក្ដី រដ្ឋមន្ត្រីសុខាភិបាល ក៏បានជួបមន្ត្រីសុខាភិបាលមកពីប្រទេសដទៃទៀត និងបានស្នើឲ្យដាក់សម្ពាធលើចិនទៀតផង។ លោក Chen Shih-chung បញ្ជាក់ថា តៃវ៉ាន់ នឹងប្រឹងប្រែងយកកៅអីអ្នកសង្កេតការអចិន្ត្រៃយ៍ឲ្យបាន បើទោះជាវាជាគោលដៅដែលលំបាកក៏ដោយចុះ ព្រោះច្បាស់ណាស់ថា ចិននឹងជំទាស់ដាចខាត។
សូមបញ្ជាក់ផងដែរថា កោះតៃវ៉ាន់របូតកៅអីសមាជិកអង្គការសុខភាពពិភពលោកក្នុងឆ្នាំ១៩៧២ ខណៈកៅអីនោះត្រូវប្រគល់ទៅឲ្យចិនដីគោកវិញ។ មិនត្រឹមតែនៅអង្គការនេះឡើយ នៅតាមស្ថាប័នពិភពលោកផ្សេងទៀត ក៏កោះតៃវ៉ាន់អស់សមាជិកភាពដែរ ហើយសុទ្ធតែត្រូវអង្គុយជំនួសដោយក្រុងប៉េកាំងទាំងអស់។ មកទល់ពេលនេះ តៃវ៉ាន់ ក៏មិនសូវមានប្រទេសរាប់រកដែរ ដ្បិតប្រទេសភាគច្រើនបានភ្ជាប់ទំនាក់ទំនងការទូតជាមួយក្រុងប៉េកាំងអស់ហើយ៕
Tag:
តៃវ៉ាន់
ចិន
WHO
© រក្សាសិទ្ធិដោយ thmeythmey.com
