ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
លោក មាស សារិន ថា កីឡាទាញព្រ័ត្រនឹងមានវត្តមានក្នុងកីឡាជាតិ និងស៊ីហ្គេមឆ្នាំ២០២៣
24, May 2017 ,
8:19 am
រូបភាព
×
ដោយ:
ប្រធានសហព័ន្ធកីឡាទាញព្រ័ត្រកម្ពុជាលោក មាស សារិន បញ្ជាក់ថា កីឡាទាញព្រ័ត្រនឹងមានវត្តមានក្នុងព្រឹត្តិការណ៍កីឡាជាតិ និងព្រឹត្តិការណ៍កីឡាស៊ីហ្គេមនាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ជាមួយគ្នានេះ លោកបានដាក់ចេញផែនការយុទ្ធសាស្ត្រសំខាន់ៗមួយចំនួន ដើម្បីអភិវឌ្ឍន៍សមត្ថភាពសម្រាប់ត្រៀមសម្របខ្លួនក្នុងព្រឹត្តិការណ៍ទាំងនេះផងដែរ។
ពីពិធីបិទការប្រកួតកីឡាទាញព្រ័ត្រជ្រើសរើសជើងឯកថ្នាក់ជាតិប្រចាំឆ្នាំ២០១៧ នៅវិមានពហុកីឡដ្ឋានជាតិកាលពីរសៀលថ្ងៃទី២២ ខែឧសភា ម្សិលមិញ លោក មាស សារិន ប្រធានសហព័ន្ធកីឡាទាញព្រ័ត្រកម្ពុជាបានបញ្ជាក់ថា កីឡាទាញព្រ័ត្របាននិងកំពុងអភិវឌ្ឍន៍សមត្ថភាព ដើម្បីត្រៀមចូលរួមក្នុងព្រឹត្តិការណ៍កីឡាជាតិ និងស៊ីហ្គេមឆ្នាំ២០២៣ នាពេលខាងមុខ។
ការលើកឡើងបែបនេះដោយសារ លោក យល់ថា កីឡាទាញព្រ័ត្រមានសមត្ថភាព និងធនធានគ្រប់គ្រាន់ក្នុងការធ្វើជាម្ចាស់ផ្ទះការប្រកួតជើងឯកផ្សេងៗ។ ជាក់ស្តែងកាលពីថ្ងៃទី១៩ ខែឧសភា សហព័ន្ធនេះ បានរៀបចំការប្រកួតជើងឯកថ្នាក់ជាតិលើកដំបូងប្រចាំឆ្នាំ២០១៧ ហើយបានបញ្ចប់យ៉ាងជោគជ័យកាលពីម្សិលមិញ។
ជាមួយគ្នានេះ ដើម្បីអភិវឌ្ឍន៍សមត្ថភាព បច្ចេកទេសរបស់កីឡាករ គ្រូបង្វឹក អាជ្ញាកណ្តាល ចៅក្រម សម្រាប់ត្រៀមចូលរួមការប្រកួតថ្នាក់ជាតិ និងអន្តរជាតិផ្សេងៗនាពេលខាងមុខ។ ប្រធានសហព័ន្ធរូបនេះ បានដាក់ចេញនូវយុទ្ធសាស្ត្រសំខាន់ៗមួយចំនួនរួមមាន ទី១ រៀបចំបណ្តុះបណ្តាលធនធានថ្នាលដើម្បីបង្កើនបរិមាណកីឡាករ, ទី២ ពង្រឹង និងពង្រីកក្លិប-សមាគមកីឡាទាញព្រ័ត្រនៅតាមបណ្តាខេត្តឲ្យបានទូលំទូលាយ។
ទី៣ បើកវគ្គបណ្តុះបណ្តាលចៅក្រម អាជ្ញាកណ្តាលរៀងរាល់១ឆ្នាំមួយដងយ៉ាងតិច, ទី៤ ពង្រឹងរចនាសម្ព័ន្ធគ្រប់គ្រងក្នុងសហព័ន្ធ និងក្លិបជាសមាជិក ជាពិសេសពង្រឹកការហ្វឹកហាត់របស់កីឡាករ និងទី៥ ស្វែររកដៃគូឧបត្ថម្ភដើម្បីរៀបចំការប្រកួតជើងឯកផ្សេងៗឲ្យបានច្រើនដងក្នុងមួយឆ្នាំៗ។
គួរបញ្ជាក់ថា ការប្រកួតជើងឯកថ្នាក់ជាតិលើកដំបូងរបស់សហព័ន្ធកីឡាទាញព្រ័ត្រកម្ពុជាមាន៨រាជធានី-ខេត្តចូលរួម គឺខេត្តកំពត សៀមរាប កណ្ដាល ព្រៃវែង ស្ទឹងត្រែង ស្វាយរៀង កំពង់ឆ្នាំង និងរាជធានីភ្នំពេញ។ ក្នុងនោះមានសមាគម-ក្លិបសរុបចំនួន២០ ដោយបែងចែកជា៤៧ក្រុម និងមានអត្តពលិកសរុបចំនួន៤៧០នាក់។ អត្តពលិកទាំងនេះ ប្រកួតប្រជែងលើ៥វិញ្ញាសា គឺវិញ្ញាសាបុរស-នារីអាយុក្រោម២៣ឆ្នាំ, បុរស-នារីអាយុលើ២៣ឆ្នាំ និងវិញ្ញាសាចម្រុះបុរស-នារីអាយុលើ២៣ឆ្នាំ។
ក្រោយឆ្លងកាត់ការប្រកួតដ៏ស្វិតស្វាញអស់រយៈពេល៤ថ្ងៃនៅវិមានពហុកីឡដ្ឋានជាតិ ចំណាត់ថ្នាក់លេខ១ បានទៅក្រុមក្រសួងការពារជាតិ(មាស២), ចំណាត់ថ្នាក់លេខ២បានទៅក្រុមវិទ្យាស្ថានអប់រំកាយ និងកីឡា(មាស១, ប្រាក់២ និងសំរឹទ្ធ២), ចំណាត់ថ្នាក់លេខ៣ បានទៅក្រុមរាជសីហ៏មានរិទ្ធិ(មាស១) និងលេខ៤បានទៅក្រុមអង្គការមិត្តសម្លាញ់ និងខេត្តកំពត ដោយទទួលបានមេដាយប្រាក់១ និងសំរិទ្ធ១ដូចគ្នា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ទាញព្រ័ត្រ
មាស សារិន
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
7 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម