ជាតិ
ដាំកូនឈើព្រៃ និងឈើហូបផ្លែ៥ម៉ឺនដើម ដើម្បីស្ដារព្រៃឈើដែលបាត់បង់នៅភ្នំគូលែន
រូបភាពពីហ្វេសប៊ុកក្រសួងបរិស្ថាន
×![]()
កូនឈើព្រៃ និងឈើហូបផ្លែចំនួន ៥ម៉ឺនដើម ទៅដាំ លើផ្ទៃដីជាង ១៦ហិកតា នៅលើឧទ្យានជាតិ ភ្នំគូលែន ដើម្បីអបអរទិវាជីវៈចម្រុះអន្តរជាតិ ថ្ងៃទី២២ ខែឧសភា។ លោក សាយ សំអាល់ រដ្ឋមន្ត្រីក្រសួង បរិស្ថាន បញ្ជាក់ថា ការដាំកូនឈើនេះ គឺក្នុងបំណងដាំស្ដារព្រៃឈើដែលបាត់បង់ និងបង្កើតធនធានជីវៈចម្រុះដែលមានក្នុងតំបន់ភ្នំគូលែន។ 
កូនឈើព្រៃ និងឈើហូបផ្លែ សរុបចំនួន៥ម៉ឺនដើម ត្រូវបានដាំនៅលើផ្ទៃដីជាង១៦ហិកតា ក្នុងទីតាំងចំនួន៤ នៃឃុំត្បែង ស្រុកបន្ទាយស្រី និងឃុំខ្នងភ្នំ ស្រុកស្វាយលើ ខេត្តសៀមរាប ជាផ្នែកមួយនៃឧទ្យានជាតិព្រះជ័យវរ្ម័ន នរោត្តម ភ្នំគូលែន។ ការដាំកូនឈើនេះ ប្រព្រឹត្តទៅនៅថ្ងៃទី២៣ ខែឧសភា ក្រោមវត្តមានលោក សាយ សំអាល់ រដ្ឋមន្ត្រីក្រសួងបរិស្ថាន លោក ម៉ុង ឫទ្ធី ប្រធានគណៈកម្មការទី៣ ព្រឹទ្ធសភា និងសិស្សនិស្សិតប្រមាណ ១ពាន់នាក់។ នេះបើតាមហ្វេសប៊ុកផ្លូវការរបស់ក្រសួងបរិស្ថាន។
ប្រភពដដែល បានស្រង់សម្តី លោក សាយ សំអាល់ ដែលបានថ្លែងក្នុងពិធីនោះថា ការដាំកូនឈើនាពេលនេះ ធ្វើឡើងក្នុងបំណងដាំស្តារមកវិញ នូវព្រៃឈើដែលបានបាត់បង់ដោយការទន្ទ្រានយកដីធ្វើចម្ការ និងដើម្បីធ្វើឱ្យកកើតឡើងនូវធនធានជីវៈចម្រុះដែលមានក្នុងតំបន់នេះ។ លោករដ្ឋមន្ត្រីជឿថា ការដាំស្តារព្រៃឈើឡើងវិញនេះ ក៏នឹងជួយទៅដល់ការធានាបាននូវនិរន្តរភាពនៃការផ្គត់ផ្គង់ទឹក សម្រាប់ពលរដ្ឋរស់នៅលើភ្នំគូលែន ក៏ដូចជាក្នុងខេត្តសៀមរាបទាំងមូល។
លោក សាយ សំអាល់បន្ថែមដូច្នេះថា៖«មុខងារប្រព័ន្ធអេកូឡូស៊ីរបស់ភ្នំគូលែន គឺជាប្រភពផ្តល់ទឹកសាបយ៉ាងសំខាន់សម្រាប់ខេត្តសៀមរាប និងអត្ថប្រយោជន៍ដ៏សំខាន់មួយទៀត គឺការការពារបាននូវសម្បត្តិបេតិកភណ្ឌនៅលើភ្នំគូលែន ដែលនឹងជួយទៅដល់ការអភិវឌ្ឍវិស័យទេសចរណ៍ធម្មជាតិ និងវប្បធម៌»៕
កូនឈើព្រៃ និងឈើហូបផ្លែ សរុបចំនួន៥ម៉ឺនដើម ត្រូវបានដាំនៅលើផ្ទៃដីជាង១៦ហិកតា ក្នុងទីតាំងចំនួន៤ នៃឃុំត្បែង ស្រុកបន្ទាយស្រី និងឃុំខ្នងភ្នំ ស្រុកស្វាយលើ ខេត្តសៀមរាប ជាផ្នែកមួយនៃឧទ្យានជាតិព្រះជ័យវរ្ម័ន នរោត្តម ភ្នំគូលែន។ ការដាំកូនឈើនេះ ប្រព្រឹត្តទៅនៅថ្ងៃទី២៣ ខែឧសភា ក្រោមវត្តមានលោក សាយ សំអាល់ រដ្ឋមន្ត្រីក្រសួងបរិស្ថាន លោក ម៉ុង ឫទ្ធី ប្រធានគណៈកម្មការទី៣ ព្រឹទ្ធសភា និងសិស្សនិស្សិតប្រមាណ ១ពាន់នាក់។ នេះបើតាមហ្វេសប៊ុកផ្លូវការរបស់ក្រសួងបរិស្ថាន។
ប្រភពដដែល បានស្រង់សម្តី លោក សាយ សំអាល់ ដែលបានថ្លែងក្នុងពិធីនោះថា ការដាំកូនឈើនាពេលនេះ ធ្វើឡើងក្នុងបំណងដាំស្តារមកវិញ នូវព្រៃឈើដែលបានបាត់បង់ដោយការទន្ទ្រានយកដីធ្វើចម្ការ និងដើម្បីធ្វើឱ្យកកើតឡើងនូវធនធានជីវៈចម្រុះដែលមានក្នុងតំបន់នេះ។ លោករដ្ឋមន្ត្រីជឿថា ការដាំស្តារព្រៃឈើឡើងវិញនេះ ក៏នឹងជួយទៅដល់ការធានាបាននូវនិរន្តរភាពនៃការផ្គត់ផ្គង់ទឹក សម្រាប់ពលរដ្ឋរស់នៅលើភ្នំគូលែន ក៏ដូចជាក្នុងខេត្តសៀមរាបទាំងមូល។
លោក សាយ សំអាល់បន្ថែមដូច្នេះថា៖«មុខងារប្រព័ន្ធអេកូឡូស៊ីរបស់ភ្នំគូលែន គឺជាប្រភពផ្តល់ទឹកសាបយ៉ាងសំខាន់សម្រាប់ខេត្តសៀមរាប និងអត្ថប្រយោជន៍ដ៏សំខាន់មួយទៀត គឺការការពារបាននូវសម្បត្តិបេតិកភណ្ឌនៅលើភ្នំគូលែន ដែលនឹងជួយទៅដល់ការអភិវឌ្ឍវិស័យទេសចរណ៍ធម្មជាតិ និងវប្បធម៌»៕
© រក្សាសិទ្ធិដោយ thmeythmey.com
