អត្ថបទពាណិជ្ជកម្ម
×![]()
ភ្នំពេញ៖នៅព្រឹកថ្ងៃសៅរ៍ទី២៧ ខែឧសភា ចាប់ពីម៉ោង ៨ព្រឹកទៅ១២ថ្ងៃត្រង់នៅឯសណ្ឋាគារហ៊ីម៉ាវ៉ារី យើងឃើញមានវត្តមានសហព័ន្ធយុវជនកម្ពុជា ក្លឹបនៃក្តីស្រលាញ់The Love Club និងSt John’s Ambulance Phnom Penh ដើម្បីធ្វើសកម្មភាពនេះឡើង ជាមួយនឹងមជ្ឈមណ្ឌល ជាតិផ្តល់ឈាម។ ក្នុងនោះផងដែរ ក៏មានការចូលរួមរបស់លោកឯកឧត្តម គីម រិទ្ធី អនុប្រធានសហភាពសហព័ន្ធយុវជនកម្ពុជា លោកវេជ្ជបណ្ឌិតហុក គឹមចេង (NBTC Director) និងលោក Andrew Tay ( Zone President of St.John Ambulance Brigade & Board Director of Himawari Hotel Apartments)។
ប្រធានសណ្ឋាគារដ៏ប្រណិត ដែលមានទីតាំងស្ថិតនៅក្នុងរាជធានីភ្នំពេញជាមួយនឹងការបរិច្ចាគឈាមរបស់ខ្លួនជាលើកដំបូង កាលពីព្រឹកថ្ងៃសៅរ៍ បានពន្យល់ថារូបលោកចង់ បង្ហាញអំពីការប្តេជ្ញាចិត្តផ្ទាល់ខ្លួនរបស់លោក ក្នុងការដោះស្រាយតម្រូវការរបស់ប្រទេសកម្ពុជាដ៏បន្ទាន់បំផុតមួយទាក់ទងនឹង ការខ្វះខាតឈាមសម្រាប់បញ្ចូលដើម្បីសង្គ្រោះជីវិត ។
លោក Andrew Tay បានអោយដឹងថា «ការចូលរួម ក្នុងសកម្មភាពនេះគឺមានភាពល្អប្រសើរជាងការរំពឹងទុក» ដោយលោកបានពន្យល់ថាព្រឹត្តិការណ៍នេះ ត្រូវបានកំណត់រៀបចំឡើងដើម្បីជួយបង្កើនការយល់ដឹងអំពី តម្រូវការក្នុងការបរិច្ចាគស្របពេលដែលទិវាបរិច្ចាគឈាមពិភពលោកនៅថ្ងៃទី១៤ ខែមិថុនាខិតជិតមកដល់។ លោកក៏មានបំណងផងដែរក្នុងការផ្លាស់ប្តូរការយល់ឃើញ អំពីការទៅបរិច្ចាគឈាមក្នុងប្រទេសដែលមានការខ្វះខាតនៃការបរិច្ចាគឈាមដោយស្ម័គ្រចិត្តនេះ។
វប្បធម៍ចែករំលែក
លោក Tay បាននិយាយថា «កិច្ចសហការគ្នាគឺមានសារៈសំខាន់ណាស់ដើម្បី ធានាឱ្យបាននូវការទទួលបានជោគជ័យ។ មិនមែនមានន័យថាវាគឺ ជាតួនាទីរបស់រាជរដ្ឋាភិបាលប៉ុណ្ណោះទេ។ យើងត្រូវតែផ្ញើសារដល់ប្រជាជនកម្ពុជាទាំងអស់អំពីសារៈសំខាន់ នៃការបរិច្ចាគឈាម។ យើងត្រូវការដើម្បីបង្កើនការយល់ដឹងនិងការចូលរួមកាន់តែច្រើន ក្នុងកិច្ចខិតខំប្រឹងប្រែងជាដៃគូនេះ»។
ជាមួយគ្នានេះផងដែរ លោកក៏មានចំណាប់អារម្មណ៍ក្នុងការជួយនូវអ្វីដែលលោក សំដៅទៅកាន់ «វប្បធម៍នៃការចែករំលែក» ក្នុងចំណោមបុគ្គលិករបស់លោកនិងប្រទេស កម្ពុជាទាំងមូលផងដែរ។ ក្រៅពីគ្រួសាររបស់យើងផ្ទាល់ យើងក៏ត្រូវតែមានការគិតសម្រាប់ ប្រជាជននិងជួយមនុស្សដែលយើងមិនស្គាល់ផងដែរ។ ការបរិច្ចាគឈាមគឺ ពិតជាមានសារះសំខាន់ខ្លាំងណាស់ដែលមានន័យថា យើងកំពុងតែជួយជីវិតនរណាម្នាក់ ដែលយើងមិនស្គាល់។»
លោកTayបានបន្តឲ្យដឹងថាលោកមិនមានការព្រួយបារម្ភអំពីភ្ញៀវមួយចំនួនដែលស្ថិតនៅក្នុងសណ្ឋាគារ ហ៊ីម៉ាវ៉ារីដែលជាសណ្ឋាគារលំដាប់ផ្កាយប្រាំ មានការព្រួយបារម្ភអំពីការបរិច្ចាគឈាមនោះទេ។ វាមានចំនួនប្រហែលតែមួយភាគបី នៃឈាមទាំងអស់ប្រើប្រាស់នៅក្នុងប្រទេសកម្ពុជាសម្រាប់ការបញ្ចូល ដែលបានដោយស្ម័គ្រចិត្តពីម្ចាស់ជំនួយ ហើយតម្រូវអោយ មានការពិនិត្យឱ្យបានត្រឹមត្រូវរកមេរោគមុនពេលឈាមទាំងនោះត្រូវបានយកមកប្រើប្រាស់នេះបើយោងតាម លោកហុក គឹមចេងប្រធានមជ្ឈមណ្ឌលជាតិផ្ដល់ឈាមមជ្ឈមណ្ឌលនេះបាន ផ្ដល់នូវឈាមដោយឥតគិតថ្លៃទៅកាន់មន្ទីរពេទ្យនិងគ្លីនិកផ្សេងៗ។ លោកTay បានថ្លែងឲ្យដឹងថា «បរិច្ចាគឈាម។ចាប់ផ្ដើមធ្វើវាក្នុងពេលឥឡូវនេះ។ បរិច្ចាគឱ្យបានញឹកញាប់។ កុំធ្វើការរង់ចាំរហូតដល់អាសន្នកើតមានឡើង។ កុំរង់ចាំរហូត ដល់សាច់ញាតិរបស់យើងស្ថិតនៅក្នុងមន្ទីរពេទ្យ»។
ទស្សនៈវិស័យឆ្នាំ ២០២០
អ្នកដែលបានចូលរួមនៅក្នុងកម្មវិធីបរិច្ចាគឈាមលំដាប់ផ្កាយប្រាំ កាលពីថ្ងៃសៅរ៍មានគោលដៅតែមួយគឺ ដើម្បីធានាឲ្យបានថា មជ្ឈមណ្ឌលជាតិផ្តល់ឈាមមាន អ្នកស្ម័គ្រ ចិត្ត គ្រប់គ្រាន់ក្នុងការបរិច្ចាគឈាមដើម្បីផ្គត់ផ្គង់ដល់ប្រជាជនកម្ពុជាទាំងអស់ដែលត្រូវការបញ្ចូលឈាមត្រឹមឆ្នាំ២០២០។ដើម្បីសម្រេចបាននូវកត្តានេះពួកគេផ្តោតសំខាន់លើយុវជនដែលជនភាគច្រើននៃពួកគេមានភាពងាយស្រួលក្នុងការផ្លាស់ប្តូរឥរិយាបថនិងផ្នត់គំនិត។
ក្លឹបនៃក្តីស្រលាញ់The Love Club ជាឧទាហរណ៍បានប្រើប្រាស់បណ្ដាញ សង្គម ហ្វេសប៊ុករបស់ខ្លួនដើម្បីផ្សព្វផ្សាយសាររួមបញ្ចូលទាំងការបង្ហោះវីដេអូខ្លីៗដែលពន្យល់អំពីអត្ថប្រយោជន៍នៃការបរិច្ចាគឈាម (ឧទាហរណ៍វាជួយកាត់បន្ថយហានិភ័យនៃជំងឺមហារីក) និងលើកទឹកចិត្តដល់អ្នកទស្សនាដែលស្រឡាញ់ប្រទេសរបស់ខ្លួនអោយបង្ហាញការស្រឡាញ់ប្រទេសតាមរយះសកម្មភាព។ ក្លឹបនៃក្តីស្រលាញ់ក៏បានធ្វើការបើកដំណើ ការកម្មវិធី ទូរស័ព្ទមួយដែលនឹងផ្តល់ជូនអ្នកប្រើប្រាស់នូវព័ត៍មានអំពីការបរិច្ចាគឈាមប្រាប់ពួកគេពីកន្លែងនិងពេលវេលាដែលពួកគេអាចធ្វើសកម្មភាពទាំងនេះបាន។
St. John Ambulance Phnom Penhដែលផ្តោតសំខាន់លើការបណ្តុះបណ្តាលការសង្គ្រោះបថមក៏បានបានផ្តល់អាទិភាពដល់ការបរិច្ចាគឈាមជាកត្តាមួយដ៏សំខាន់ផងដែរ។ ជាមួយគ្នានេះដែរសហភាពសហព័ន្ធយុវជនកម្ពុជាដែលគ្របដណ្តប់រាល់ខេត្តទាំងអស់នៅក្នុងប្រទេសកម្ពុជាបានលើកទឹកចិត្តយុវជនឱ្យចូលរួមក្នុងកិច្ចខិតខំប្រឹងប្រែងដើម្បីធានាថាប្រជាជនកម្ពុជាទាំងអស់មានសិទ្ធិទទួលបានឈាមដែលមានសុវត្ថិភាពនៅពេលដែលពួកគេត្រូវការជាចាំបាច់។
ការធ្វើឱ្យមានការផ្លាស់ប្ដូរ
លោកវេជ្ជបណ្ឌិតហុក គឹមចេងបានពន្យល់អោយដឹងថា ការអប់រំនិងការ ទុកចិត្ត គឺជាកត្តាពីរយ៉ាងដែលចាំបាច់ក្នុងការលើកទឹកចិត្តនិងបញ្ចុះបញ្ចូលប្រជាជនកម្ពុជាក្នុងការស្ម័គ្រចិត្តបរិច្ចាគឈាមឲ្យកាន់តែច្រើន។ប្រជាជនកម្ពុជាខ្វះការយល់ដឹងអំពីសារៈសំខាន់នៃការបរិច្ចាគឈាម។«ពួកគេមិនដឹងថាហេតុអ្វីដែលពួកគេគួរតែធ្វើវានោះទេ។ ប្រជាជនមួយ ចំនួនគិតថាវាអាចនឹងគ្មានសុវត្ថិភាពក្នុងការបរិច្ចាគខណះដែឡអ្នកខ្លះទៀតខ្វះទំនុកចិត្តនៅក្នុងប្រព័ន្ធគ្រប់គ្រងសម្រាប់ការបរិច្ចាគឈាម។ ពួកគេមានការព្រួយបារម្ភថា មជ្ឈមណ្ឌលជាតិផ្តល់ឈាមអាចនឹងយកឈាមដែលបរិច្ចាគទាំងនោះទៅលក់។»
នេះគឺជាការយល់ឃើញមួយដែលខុស។មន្ទីរពេទ្យនិងគ្លីនិកអាចគិតប្រាក់សម្រាប់ការថែទាំនិងការព្យាបាលរបស់ពួកគេប៉ុន្តែវាគឺជាការខុសច្បាប់សម្រាប់ពួកគេក្នុងការយកប្រាក់ពីឈាមដែលផ្ដល់ដោយមជ្ឈមណ្ឌលជាតិផ្តល់ឈាម។
លោកវេជ្ជបណ្ឌិតហុក គឹមចេងបានធ្វើការកត់សម្គាល់ថា ការជម្នះនូវការ យល់ ឃើញដែលខុសនាពេលកន្លងមកនិងជម្នះរាល់កង្វះខាតចំណេះដឹងគឺជាកត្តាដ៏សំខាន់ដើម្បីបង្កើនការផ្គត់ផ្គង់ឈាមប្រកបដោយសុវត្ថិភាព។ ប្រទេសកម្ពុជាអាចមានឈាម ដែល មានសុវត្ថិភាពគ្រប់គ្រាន់សម្រាប់ការបញ្ចូលប្រសិនបើត្រឹមតែមួយភាគរយនៃចំនួនប្រជាជនផ្ដល់ឈាមដោយស្ម័គ្រចិត្តនិងទៀតទាត់។ វាគឺជាគោលដៅដែលរូបលោកនិងអ្នកដទៃ ផ្សេងៗទៀតចូលរួមជាកិច្ចខិតខំប្រឹងប្រែងដើម្បីបង្កើនការបរិច្ចាគជាមួយនឹងការជឿជាក់ថាគោលដៅនេះនឹងអាចសម្រេចបានត្រឹមឆ្នាំ ២០២០។«យើងត្រូវការចំនួនការ បរិច្ចាគឈាម តែ៥៥០០០ប៉ុណ្ណោះក្នុងមួយឆ្នាំ។»
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
