អន្តរជាតិ
លោក ឌូទើតេ ប្រកាសទទួលខុសត្រូវម្នាក់ឯង បើមានបញ្ហាកើតឡើងពេលអនុវត្តច្បាប់អាជ្ញាសឹក
×![]()
ដោយ: តន ចាន់រិទ្ធារ៉ា
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានប្រកាសច្បាប់អាជ្ញាសឹកនៅទូទាំងតំបន់មិនដាណាវ ក្រោយមានការវាយប្រហារពីសំណាក់ក្រុមប្រដាប់អាវុធនៅទីក្រុងម៉ារ៉ាវី (Marawi)ខណៈលោកកំពុងទស្សនកិច្ចនៅរុស្ស៊ី។ ការប្រកាសច្បាប់អាជ្ញាសឹកនេះ ធ្វើឲ្យមានការបារម្ភថានឹងមានការរំលោភសិទ្ធិមនុស្សធ្ងន់ធ្ងរ ដ្បិតទាហាននឹងមានសិទ្ធិអំណាចខ្លាំងអាចចាប់ចងប្រជាជនបាន។ ប៉ុន្តែលោក ឌូទើតេ បានចេញមកធានាថា បើមានបញ្ហាអ្វីនោះ លោកនឹងទទួលខុសត្រូវតែម្នាក់ឯង។
បន្ទាប់ពីបានប្រកាសច្បាប់អាជ្ញាសឹកហើយនោះ ប្រធានាធិបតី រ៉ូឌ្រីហ្គោ ឌូទើតេ នៅថ្ងៃទី២៦ ខែឧសភា បានទៅផ្ដល់កម្លាំងចិត្តដោយចំពោះទាហានហ្វីលីពីនដែលចូលរួមប្រតិបត្តិការបោសសម្អាតក្រុមប្រដាប់អាវុធនៅទីក្រុងម៉ារ៉ាវី កោះមិនដាណាវ។ លោក ឌូទើតេ បានក្រុមទាហានរបស់លោកឲ្យធ្វើតាមកាតព្វកិច្ចរបស់ខ្លួនក្រោមច្បាប់អាជ្ញាសឹក និងមិនចាំបាច់ខ្វល់ខ្វាយអ្វីច្រើនឡើយ ព្រោះលោកនៅចាំជួយពួកគេរហូត។
បើតាមសារព័ត៌មាន Rappler ចំពោះមុខទាហានជាច្រើន លោក ឌូទើតេ ដែលឈរអមដោយមន្ត្រីទទួលបន្ទុកសន្តិសុខជាតិ និងក្រុមមេទ័ពជាច្រើននាក់ទៀត បាននិយាយថា៖ «ខ្ញុំនៅជាមួយអ្នកទាំងអស់គ្នាគ្រប់ពេល ហើយបើអ្នកចាញ់ ខ្ញុំក៏ចាញ់ដែរ។ ប៉ុន្តែសម្រាប់ច្បាប់អាជ្ញាសឹក និងការផលវិបាកដែលកើតឡើងពេលអនុវត្តច្បាប់នេះ ខ្ញុំតែម្នាក់គត់ដែលត្រូវទទួលខុសត្រូវ។ អ្នកទាំងអស់គ្នា ធ្វើតាមការងាររបស់ខ្លួនទៅបានហើយ។ ខ្ញុំគាំទ្រអ្នកទាំងអស់»។
ច្បាប់អាជ្ញាសឹកត្រូវបានប្រកាសនៅទូទាំងតំបន់កោះមិនដាណាវភាគខាងត្បូងហ្វីលីពីនដែលសម្បូរដោយក្រុមឧទ្ទាមមានជាប់ទាក់ទងក្រុមរដ្ឋឥស្លាម។ ប្រធានាធិបតី ឌូទើតេ បានដាក់បញ្ជាឲ្យកងទ័ពទាំងអស់កម្ទេចក្រុមសកម្មជនដែលមានអាវុធក្នុងដៃហើយវាយប្រហារមកលើក្រុមទាហាន ព្រោះក្រុមសកម្មជនទាំងនោះនឹងមានឱកាសវាយប្រហារម្ដងទៀតមិនខាន។ ប្រធានាធិបតីរូបនេះ ក៏ត្រៀមធ្វើគ្រប់យ៉ាងដើម្បីធានាថា ទាហានរបស់លោកមានលទ្ធភាពគ្រប់គ្រាន់ក្នុងការកម្ទេចក្រុមភេរវជន។
លោក ឌូទើតេ ប្រកាសដាក់កោះមិនដាណាវទាំងមូលក្រោមច្បាប់អាជ្ញាសឹកនៅថ្ងៃអង្គារ ដើម្បីដោះស្រាយបញ្ហាប្រឈមសន្តិសុខធ្ញន់ធ្ងរនេះ។ យោធាហ្វីលីពីនបានពង្រាយឧទ្ធម្ភាគចក្រសម្រាប់ប្រយុទ្ធជាច្រើនគ្រឿង រួមជាមួយកម្លាំងពិសេសប្រឆាំងភេរវកម្មដើម្បីទប់ទល់ជាមួយក្រុមសកម្មប្រយុទ្ធជីហាត Maute នៅក្រុងម៉ារ៉ាវី ដែលជាកន្លែងរស់នៅរបស់ប្រជាជនហ្វីលីពីនប្រហែល ២សែននាក់។ មកទល់ពេលនេះ កងកម្លាំងរដ្ឋាភិបាល ១៣នាក់ និង ក្រុមភេរវជន ៣១នាក់ស្លាប់ផងដែរ។
ជាមួយគ្នានេះ លោក ឌូទើតេ ក៏គំរាមប្រកាសច្បាប់អាជ្ញាសឹកនៅតំបន់ផ្សេងទៀតទូទាំងប្រទេសហ្វីលីពីនផងដែរ ក្នុងករណីចាំបាច់។ ប៉ុន្តែប្រជាជនហ្វីលីពីនខ្លះដែលធ្លាប់រស់នៅក្រោមរបបដឹកនាំផ្តាច់ការលោក ហ្វ៊ែឌីណង់ ម៉ាកូស (Ferdinand Marcos) ព្រួយបារម្ភ នៅពេលដែលមានការប្រកាសប្រើប្រាស់ច្បាប់អាជ្ញាសឹកនេះ។ ប្រធានាធិបតី ម៉ាកូស បានប្រកាសដាក់ហ្វីលីពីនក្រោមច្បាប់អាជ្ញាសឹកក្នុងឆ្នាំ ១៩៧២ ដើម្បីក្តោបក្តាប់អំណាចរបស់ខ្លួន៕
បន្ទាប់ពីបានប្រកាសច្បាប់អាជ្ញាសឹកហើយនោះ ប្រធានាធិបតី រ៉ូឌ្រីហ្គោ ឌូទើតេ នៅថ្ងៃទី២៦ ខែឧសភា បានទៅផ្ដល់កម្លាំងចិត្តដោយចំពោះទាហានហ្វីលីពីនដែលចូលរួមប្រតិបត្តិការបោសសម្អាតក្រុមប្រដាប់អាវុធនៅទីក្រុងម៉ារ៉ាវី កោះមិនដាណាវ។ លោក ឌូទើតេ បានក្រុមទាហានរបស់លោកឲ្យធ្វើតាមកាតព្វកិច្ចរបស់ខ្លួនក្រោមច្បាប់អាជ្ញាសឹក និងមិនចាំបាច់ខ្វល់ខ្វាយអ្វីច្រើនឡើយ ព្រោះលោកនៅចាំជួយពួកគេរហូត។
បើតាមសារព័ត៌មាន Rappler ចំពោះមុខទាហានជាច្រើន លោក ឌូទើតេ ដែលឈរអមដោយមន្ត្រីទទួលបន្ទុកសន្តិសុខជាតិ និងក្រុមមេទ័ពជាច្រើននាក់ទៀត បាននិយាយថា៖ «ខ្ញុំនៅជាមួយអ្នកទាំងអស់គ្នាគ្រប់ពេល ហើយបើអ្នកចាញ់ ខ្ញុំក៏ចាញ់ដែរ។ ប៉ុន្តែសម្រាប់ច្បាប់អាជ្ញាសឹក និងការផលវិបាកដែលកើតឡើងពេលអនុវត្តច្បាប់នេះ ខ្ញុំតែម្នាក់គត់ដែលត្រូវទទួលខុសត្រូវ។ អ្នកទាំងអស់គ្នា ធ្វើតាមការងាររបស់ខ្លួនទៅបានហើយ។ ខ្ញុំគាំទ្រអ្នកទាំងអស់»។
ច្បាប់អាជ្ញាសឹកត្រូវបានប្រកាសនៅទូទាំងតំបន់កោះមិនដាណាវភាគខាងត្បូងហ្វីលីពីនដែលសម្បូរដោយក្រុមឧទ្ទាមមានជាប់ទាក់ទងក្រុមរដ្ឋឥស្លាម។ ប្រធានាធិបតី ឌូទើតេ បានដាក់បញ្ជាឲ្យកងទ័ពទាំងអស់កម្ទេចក្រុមសកម្មជនដែលមានអាវុធក្នុងដៃហើយវាយប្រហារមកលើក្រុមទាហាន ព្រោះក្រុមសកម្មជនទាំងនោះនឹងមានឱកាសវាយប្រហារម្ដងទៀតមិនខាន។ ប្រធានាធិបតីរូបនេះ ក៏ត្រៀមធ្វើគ្រប់យ៉ាងដើម្បីធានាថា ទាហានរបស់លោកមានលទ្ធភាពគ្រប់គ្រាន់ក្នុងការកម្ទេចក្រុមភេរវជន។
លោក ឌូទើតេ ប្រកាសដាក់កោះមិនដាណាវទាំងមូលក្រោមច្បាប់អាជ្ញាសឹកនៅថ្ងៃអង្គារ ដើម្បីដោះស្រាយបញ្ហាប្រឈមសន្តិសុខធ្ញន់ធ្ងរនេះ។ យោធាហ្វីលីពីនបានពង្រាយឧទ្ធម្ភាគចក្រសម្រាប់ប្រយុទ្ធជាច្រើនគ្រឿង រួមជាមួយកម្លាំងពិសេសប្រឆាំងភេរវកម្មដើម្បីទប់ទល់ជាមួយក្រុមសកម្មប្រយុទ្ធជីហាត Maute នៅក្រុងម៉ារ៉ាវី ដែលជាកន្លែងរស់នៅរបស់ប្រជាជនហ្វីលីពីនប្រហែល ២សែននាក់។ មកទល់ពេលនេះ កងកម្លាំងរដ្ឋាភិបាល ១៣នាក់ និង ក្រុមភេរវជន ៣១នាក់ស្លាប់ផងដែរ។
ជាមួយគ្នានេះ លោក ឌូទើតេ ក៏គំរាមប្រកាសច្បាប់អាជ្ញាសឹកនៅតំបន់ផ្សេងទៀតទូទាំងប្រទេសហ្វីលីពីនផងដែរ ក្នុងករណីចាំបាច់។ ប៉ុន្តែប្រជាជនហ្វីលីពីនខ្លះដែលធ្លាប់រស់នៅក្រោមរបបដឹកនាំផ្តាច់ការលោក ហ្វ៊ែឌីណង់ ម៉ាកូស (Ferdinand Marcos) ព្រួយបារម្ភ នៅពេលដែលមានការប្រកាសប្រើប្រាស់ច្បាប់អាជ្ញាសឹកនេះ។ ប្រធានាធិបតី ម៉ាកូស បានប្រកាសដាក់ហ្វីលីពីនក្រោមច្បាប់អាជ្ញាសឹកក្នុងឆ្នាំ ១៩៧២ ដើម្បីក្តោបក្តាប់អំណាចរបស់ខ្លួន៕
© រក្សាសិទ្ធិដោយ thmeythmey.com
