កីឡាអន្តរជាតិ
អន្តរជាតិ
Arsenal លើកពាន FA Cup លើកទី១៣ ជាកំណត់ត្រា
× Arsenal បានក្លាយជាក្លិបដែលជោគជ័យជាងគេក្នុងពានរង្វាន់ Emirates FA Cup ដោយទទួលបានពាននេះជាលើកទី១៣ ក្រោយយកឈ្នះ Chelsea ២-១ ក្នុងវគ្គផ្តាច់ព្រ័ត្រនៅកីឡដ្ឋាន Wembly។
៤នាទីដំបូង Alexis Sanchez បានស៊ុតបាល់បញ្ចូលទីនាំមុខសម្រាប់ Arsenal។ Chelsea ដែលមានជាម្ចាស់ជើងឯក Premier League បានបាត់បង់សមាជិកម្នាក់នៅនាទី៦៨ ដោយ Victor Moses ទទួលបានកាតលឿងជាលើកទីពីរ។
ទោះបីជាយ៉ាងណាក៏ដោយ Diego Costa បានវាយបកស្មើ ១-១ សម្រាប់តោខៀវនៅនាទី៧៦ ប៉ុន្តែការរីករាយមិនដល់៤នាទីផង Aaron Ramsey បានតែតបាល់បញ្ចូលទីយ៉ាងល្អ ក្រោយការបញ្ជូនរបស់ Olivier Giroud ដែលនាំឲ្យកាំភ្លើងធំទទួលជ័យជម្នះ ២-១ ។
Arsenal បានក្លាយជាក្រុមដែលទទួលបានកំណត់ត្រាឈ្នះ FA Cup ចំនួន១៣ដង ខណៈលោក Arsene Wenger ឈ្នះចំនួន៧ដងក្នុងនាមជាអ្នកចាត់ការទូទៅរបស់កាំភ្លើងធំ។ នេះជាកាដូសម្រាប់ក្រុមអ្នកគាំទ្រ បន្ទាប់ពី Arsenal បញ្ចប់រដូវកាល Premier League ក្នុងចំណាត់ថ្នាក់លេខ៥ ដោយត្រូវធ្លាក់ទៅលេងពាន Europa League នារដូវកាលក្រោយ៕
© រក្សាសិទ្ធិដោយ thmeythmey.com