ពីនេះ ពីនោះ
តើពាក្យ «កក» និង «កករ» មានអត្ថន័យ និងបើខុសគ្នាយ៉ាងដូចម្តេច?
× នៅក្នុងវចនានុក្រមខ្មែរសម្តេច ជួន ណាត បានពន្យល់ និងបញ្ជាក់ពីភាពខុសគ្នានៃពាក្យ «កក» និង «កករ» នេះ យ៉ាងដូច្នេះថា៖
ពាក្យ «កក» ជាកិរិយាសព្ទ មានន័យថា ប្រែពីរាវទៅជាខន់ "កកតែនៅទន់" ។ ឧទាហរណ៍ថា ខ្លាញ់កក, ប្រេងដូងកក, ទឹកកក ជាដើម។
ប្រសិនបើជា «កិរិយាវិសេសន៍» ឬជា «គុណសព្ទ» វិញ គឺ កុះករ, តាន់តាប់, ជុំជិត, កុញ, ត្រៀបត្រា, បានសេចក្តីថា មើលទៅឃើញមនុស្សកក, ឈរកក ជាដើម។
ពាក្យ «កករ» ជានាមសព្ទ មានន័យថា ផង់ ឬកំទេចល្អិត ដែលនៅក្នុងសភាវៈ រាវ មានទឹក, សុរា និង ប្រេង ជាដើម។ ឧទាហរណ៍ថា កករប្រេង, កករចិត្ត "ចិត្តសៅហ្មងហាក់ដូចជាមានកករ" ។ល៕
© រក្សាសិទ្ធិដោយ thmeythmey.com