ជាតិ
កញ្ញា មាន សូនីតា និង ណាក់ ស្រីណា អំពាវនាវពលរដ្ឋខ្មែរឲ្យគាំទ្រស្នាដៃភាពយន្តឯកសារស្តីពីអង្គរសង្ក្រាន្ត
×![]()
ភ្នំពេញ៖ កញ្ញា មាន សូនីតា និងកញ្ញា ណាក់ ស្រីណា ជាតួឯកនៅក្នុងស្ពតផ្សព្វផ្សាយព្រឹត្តិការណ៍អង្គរសង្ក្រាន្ត។ តារាសម្ដែងស្រស់ស្អាតទាំងពីររូបនេះ បានអំពាវនាវឲ្យទស្សនិកជន ចូលទស្សនាភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» ដែលរំលេចនូវវប្បធម៌ ជំនឿ សាសនា និងប្រពៃណី ពិសេសថវិកាដែលបានពីការលក់សំបុត្រមើលភាពយន្តឯកសារមួយនេះ នឹងយកទៅជួយដល់សកម្មភាពមនុស្សធម៌ផ្សេងៗនៅកម្ពុជា។
ក្នុងពិធីសម្ពោធខ្សែភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» កាលពីល្ងាចថ្ងៃទី២៧ ឧសភា នៅរោងភាពយន្ត Major Cineplex ផ្សារទំនើប Aeon មានការចូលរួមពីសំណាក់ផលិតករ ក្រុមការងារអង្គរសង្ក្រាន្ត និងសិល្បករជាច្រើនរូប។ ខ្សែភាពយន្តឯកសារដែលមានរយៈពេល ១ម៉ោង៣៣នាទីនេះ បានបង្ហាញពីរូបភាព នៅពីក្រោយខ្នងនៃព្រឹត្តិការណ៍អង្គរសង្ក្រាន្ត ដែលមានគ្រប់រសជាតិ ទាំងភាពសប្បាយរីករាយ ស្នាមញញឹម ការនឿយហត់ រវាងយុវជនរាប់ពាន់នាក់ ក្រុមការងារ និងសិល្បករនានា។ ជាពិសេស ភាពយន្តឯកសារមួយនេះ ក៏បានរំលេចនូវវប្បធម៌ ជំនឿ សាសនា និងប្រពៃណីរបស់ប្រជាជនខ្មែរផងដែរ។
កញ្ញា ណាក់ ស្រីណា ដែលជាតួឯកស្ពតអង្គរសង្ក្រាន្តរយៈពេល៣ឆ្នាំជាប់គ្នា បានលើកឡើងថាព្រឹត្តិការណ៍នេះ ធ្វើឲ្យនាងបានស្គាល់នូវតម្លៃវប្បធម៌ខ្មែរជាច្រើន មានទំនាក់ទំនងល្អជាមួយសិល្បករ និងយុវជនស្ម័គ្រចិត្ត។ ជាពិធីការិនី និងជាតារាសម្ដែងដ៏មានប្រជាប្រិយភាពផង កញ្ញា ណាក់ ស្រីណា បន្ថែមថាភាពយន្តនេះ បានបង្ហាញពីសកម្មភាពជាច្រើន ដែលនៅពីក្រោយខ្នងព្រឹត្តិការណ៍ដ៏ធំមួយនេះ ពិសេសេសកម្មភាពលំបាកៗ និងការតស៊ូរបស់ក្រុមការងារ រួមទាំងយុវជន។ កញ្ញា ស្រីណា និយាយថា៖ «ខ្ញុំស្ទើរតែស្រក់ទឹកភ្នែក នៅពេលឃើញសកម្មភាពរបស់យុវជន ដែលមានយុវជនខ្លះបានដួលសន្លប់ក្នុងពេលបំពេញការងារ»។
ចំណែកឯ តួឯកក្នុងស្ពតអង្គរសង្ក្រាន្តឆ្នាំ២០១៧នេះ កញ្ញា មាន សូនីតា បានលើកឡើងបន្ទាប់ពីទស្សនាខ្សែភាពយន្តឯកសារមួយនេះថា ភាពយន្តនេះ ជាសកម្មភាពពិតៗ ដែលមិនមែនជាការសម្ដែងនោះទេ ព្រោះជាការបំពេញភារកិច្ចរបស់បុគ្គលនីមួយៗ។ កញ្ញា មាន សូនីតា បញ្ជាក់ដូច្នេះ៖ «ភាពយន្តឯកសារនេះ មានអត្ថន័យគ្រប់វិនាទី ទាំងសកម្មភាពរបស់យុវជន និងសិល្បករបុរាណ និងសម័យ។ ហើយនេះជាទឹកចិត្តដ៏ធំ និងជាស្មារតីរបស់យុវជនគ្រប់រូប ដែលបង្ហាញសកម្មភាពពីក្រោយខ្នង នៃភាពជោគជ័យរបស់ព្រឹត្តិការណ៍អង្គរសង្ក្រាន្ត»។
ទន្ទឹមនឹងនេះ កញ្ញា ណាក់ ស្រីណា និងកញ្ញា មាន សូនីតា បានអំពាវនាវឲ្យប្រជាជនកម្ពុជា មកទស្សនាខ្សែភាពយន្តឯកសារមួយនេះ ឲ្យបានច្រើន ដើម្បីបានយល់ពីគ្រប់សកម្មភាព គ្រប់រសជាតិ និងសាមគ្គីភាពរបស់ពលរដ្ឋខ្មែរ នៅក្នុងព្រឹត្តិការណ៍អង្គរសង្ក្រាន្ត។
ភាពយន្តឯកសារនេះ នឹងចាប់ផ្ដើមបញ្ចាំងនៅរោងភាពយន្ត Major Cineplex ផ្សារទំនើប Aeon ចាប់ពីថ្ងៃទី១ មិថុនាខាងមុខនេះ។ «អង្គរសង្ក្រាន្តមរតកនៃវប្បធម៌ខ្មែរ» ថវិកាដែលទទួលបានពីការលក់សំបុត្រ នឹងយកទៅជួយដល់កុមារកំព្រា និងមន្ទីរពេទ្យនានា នៅក្នុងប្រទេសកម្ពុជា៕
ក្នុងពិធីសម្ពោធខ្សែភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» កាលពីល្ងាចថ្ងៃទី២៧ ឧសភា នៅរោងភាពយន្ត Major Cineplex ផ្សារទំនើប Aeon មានការចូលរួមពីសំណាក់ផលិតករ ក្រុមការងារអង្គរសង្ក្រាន្ត និងសិល្បករជាច្រើនរូប។ ខ្សែភាពយន្តឯកសារដែលមានរយៈពេល ១ម៉ោង៣៣នាទីនេះ បានបង្ហាញពីរូបភាព នៅពីក្រោយខ្នងនៃព្រឹត្តិការណ៍អង្គរសង្ក្រាន្ត ដែលមានគ្រប់រសជាតិ ទាំងភាពសប្បាយរីករាយ ស្នាមញញឹម ការនឿយហត់ រវាងយុវជនរាប់ពាន់នាក់ ក្រុមការងារ និងសិល្បករនានា។ ជាពិសេស ភាពយន្តឯកសារមួយនេះ ក៏បានរំលេចនូវវប្បធម៌ ជំនឿ សាសនា និងប្រពៃណីរបស់ប្រជាជនខ្មែរផងដែរ។
កញ្ញា ណាក់ ស្រីណា ដែលជាតួឯកស្ពតអង្គរសង្ក្រាន្តរយៈពេល៣ឆ្នាំជាប់គ្នា បានលើកឡើងថាព្រឹត្តិការណ៍នេះ ធ្វើឲ្យនាងបានស្គាល់នូវតម្លៃវប្បធម៌ខ្មែរជាច្រើន មានទំនាក់ទំនងល្អជាមួយសិល្បករ និងយុវជនស្ម័គ្រចិត្ត។ ជាពិធីការិនី និងជាតារាសម្ដែងដ៏មានប្រជាប្រិយភាពផង កញ្ញា ណាក់ ស្រីណា បន្ថែមថាភាពយន្តនេះ បានបង្ហាញពីសកម្មភាពជាច្រើន ដែលនៅពីក្រោយខ្នងព្រឹត្តិការណ៍ដ៏ធំមួយនេះ ពិសេសេសកម្មភាពលំបាកៗ និងការតស៊ូរបស់ក្រុមការងារ រួមទាំងយុវជន។ កញ្ញា ស្រីណា និយាយថា៖ «ខ្ញុំស្ទើរតែស្រក់ទឹកភ្នែក នៅពេលឃើញសកម្មភាពរបស់យុវជន ដែលមានយុវជនខ្លះបានដួលសន្លប់ក្នុងពេលបំពេញការងារ»។
ចំណែកឯ តួឯកក្នុងស្ពតអង្គរសង្ក្រាន្តឆ្នាំ២០១៧នេះ កញ្ញា មាន សូនីតា បានលើកឡើងបន្ទាប់ពីទស្សនាខ្សែភាពយន្តឯកសារមួយនេះថា ភាពយន្តនេះ ជាសកម្មភាពពិតៗ ដែលមិនមែនជាការសម្ដែងនោះទេ ព្រោះជាការបំពេញភារកិច្ចរបស់បុគ្គលនីមួយៗ។ កញ្ញា មាន សូនីតា បញ្ជាក់ដូច្នេះ៖ «ភាពយន្តឯកសារនេះ មានអត្ថន័យគ្រប់វិនាទី ទាំងសកម្មភាពរបស់យុវជន និងសិល្បករបុរាណ និងសម័យ។ ហើយនេះជាទឹកចិត្តដ៏ធំ និងជាស្មារតីរបស់យុវជនគ្រប់រូប ដែលបង្ហាញសកម្មភាពពីក្រោយខ្នង នៃភាពជោគជ័យរបស់ព្រឹត្តិការណ៍អង្គរសង្ក្រាន្ត»។
ទន្ទឹមនឹងនេះ កញ្ញា ណាក់ ស្រីណា និងកញ្ញា មាន សូនីតា បានអំពាវនាវឲ្យប្រជាជនកម្ពុជា មកទស្សនាខ្សែភាពយន្តឯកសារមួយនេះ ឲ្យបានច្រើន ដើម្បីបានយល់ពីគ្រប់សកម្មភាព គ្រប់រសជាតិ និងសាមគ្គីភាពរបស់ពលរដ្ឋខ្មែរ នៅក្នុងព្រឹត្តិការណ៍អង្គរសង្ក្រាន្ត។
ភាពយន្តឯកសារនេះ នឹងចាប់ផ្ដើមបញ្ចាំងនៅរោងភាពយន្ត Major Cineplex ផ្សារទំនើប Aeon ចាប់ពីថ្ងៃទី១ មិថុនាខាងមុខនេះ។ «អង្គរសង្ក្រាន្តមរតកនៃវប្បធម៌ខ្មែរ» ថវិកាដែលទទួលបានពីការលក់សំបុត្រ នឹងយកទៅជួយដល់កុមារកំព្រា និងមន្ទីរពេទ្យនានា នៅក្នុងប្រទេសកម្ពុជា៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
