កីឡាអន្តរជាតិ
អន្តរជាតិ
UEFA Super Cup៖ Real Madrid និង Man Utd ត្រៀមប៉ះគ្នានៅក្រុង Skopje នាថ្ងៃទី៨ ខែសីហា
× Manchester United ដែលជាម្ចាស់ជើងឯក UEFA Europa League នឹងត្រូវជួបជាមួយ Real Madrid ក្នុងនាមជាអ្នកឈ្នះពាន UEFA Champions League ក្នុងរដូវកាល ២០១៦-២០១៧ នេះ ដើម្បីដណ្តើមពាន UEFA Super Cup។
ពានរង្វាន់ UEFA Super Cup ជាពានមួយសម្រាប់ក្រុមម្ចាស់ជើងឯកនៅតំបន់អឺរ៉ុបពីរ គឺជើងឯក Europa League និង Champions League ធ្វើការប្រកួតប្រជែងគ្នា។ ក្រុមរបស់លោក Jose Mourinho ដែលជាម្ចាស់ពានលំដាប់ទី២នៅអឺរ៉ុប នឹងត្រូវប្រជែងពាន Super Cup ជាមួយក្រុមរបស់លោក Zinedine Zidane ដែលលើកពានកំពូលអឺរ៉ុប។
ការប្រកួតរវាក្រុមទាំងពីនឹងត្រូវធ្វើឡើងនៅថ្ងៃអង្គារ ទី៨ ខែសីហាឆ្នាំ២០១៧ ពោលគឺមុនការបើករដូវកាលថ្មីនៃក្របខណ្ឌ Premier League តែ៤ថ្ងៃប៉ុណ្ណោះ។
រីឯទីតាំងប្រកួតវិញក្រុមជើងឯក Super Cup បីដង Real Madrid រួមជាមួយ Manchester United ដែលធ្លាប់ឈ្នះពាននេះម្តងដែរនោះ នឹងត្រូវធ្វើដំណើរទៅជួបគ្នានៅកីឡដ្ឋាន Philip II National Arena ក្នុងរដ្ឋធានី Skopje ប្រទេសម៉ាសេដ្វាន។
ជំនួបនេះក៏ជាការប្រឈមមុខគ្នាមួយដែរ សម្រាប់លោក Mourinho ក្នុងនាមជាអតីតគ្រូចាស់របស់ក្រុមអធិរាជសរ ខណៈលោកមិនធ្លាប់ឈ្នះពាននេះទាល់សោះ ហើយ Cristiano Ronaldo ក៏នឹងត្រូវជួបក្រុមចាស់បិសាចក្រហម ដែលជាក្លិបនាំឲ្យរូបគេមានឈ្មោះបោះសំឡេងមកដល់សព្វថ្ងៃនេះផងដែរ៕
Tag:
បាល់ទាត់
UEFA Super Cup
Manchester United
Real Madrid
© រក្សាសិទ្ធិដោយ thmeythmey.com