ជាតិ
សេដ្ឋកិច្ច
លោក ថោង ខុន ជំរុញក្រុមហ៊ុនវិនិយោគនៅតំបន់ឆ្នេរ និងកោះ ដើម្បីទាក់ទាញទេសចរចិន
×![]()
ភ្នំពេញ៖ រដ្ឋមន្ត្រីក្រសួងទេសចរណ៍ លោក ថោង ខុន បានជំរុញក្រុមហ៊ុនចិន Shenzhen Win-Win Decoration & Designing ឲ្យបោះទុនវិនិយោគនៅតំបន់ឆ្នេរ និងកោះរបស់កម្ពុជា ដែលនឹងធ្វើឲ្យភ្ញៀវទេសចរចិនចាប់អារម្មណ៍មកកម្សាន្តនៅតំបន់នោះ។
ការណែនាំរបស់ លោក ថោង ខុន លើការបណ្ដាក់ទុនវិនិយោគនៅតំបន់ឆ្នេរ បានធ្វើឡើងក្នុងជំនួបរវាងលោក និងគណៈប្រតិភូ Shenzhen Win-Win Decoration & Designing នៅថ្ងៃទី៨ខែមិថុនា ខណៈក្រុមហ៊ុនមួយនេះកំពុងស្វែងរកឱកាសវិនិយោគតំបន់ទេសចរណ៍នៅកម្ពុជា។ នេះបើតាមព័ត៌មានដែលផ្សព្វផ្សាយលើទំព័រហ្វេសប៊ុកក្រសួងទេសចរណ៍។
រដ្ឋមន្ត្រីក្រសួងទេសចរណ៍រូបនេះ បានជំរុញឲ្យក្រុមហ៊ុនមួយនេះពិនិត្យលទ្ធភាពសិក្សាគម្រោងអភិវឌ្ឍទេសចរណ៍នៅតំបន់ឆ្នេរ និងកោះ ដោយអភិវឌ្ឍជាផលិតផលទេសចរណ៍ផ្ទះទីពីរ សម្រាប់ទាក់ទាញទេសចរចូលនិវត្តន៍ចិនឲ្យមកកម្សាន្តនៅតំបន់ទាំងនោះ។ លោក ថោង ខុន ប្រាប់វិនិយោគិនចិនឲ្យដឹងផងដែរថា បច្ចុប្បន្ន គណៈកម្មាធិការគ្រប់គ្រង និងអភិវឌ្ឍន៍តំបន់ឆ្នេរសមុទ្រកម្ពុជា ដែលមានក្រសួងរៀបចំដែនដី នគរូបនីយកម្ម និងសំណង់ ក្រសួងបរិស្ថាន និងក្រសួងទេសចរណ៍កំពុងរៀបចំផែនទីប្រើប្រាស់ដីតំបន់ឆ្នេរ និងកោះ ដែលនឹងផ្ដល់ការលានុវត្តថ្មីក្នុងការអភិវឌ្ឍផលិតផលទេសចរណ៍ថ្មី ពិសេសនៅតាមតំបន់ឆ្នេរសមុទ្រកម្ពុជា។
រូបពីក្រសួងទេសចរណ៍
ជាការឆ្លើយតប តំណាងក្រុមហ៊ុនចិនមួយនេះបានគាំទ្រការណែនាំរបស់ លោក ថោង ខុន ដោយបញ្ជាក់ថាក្រុមហ៊ុននឹងនាំយកបទពិសោធន៍ជោគជ័យពីប្រទេសចិនមកអនុវត្តនៅកម្ពុជាលើផ្នែកទេសចរណ៍។
កម្ពុជាស្រូបទាញទេសចរចិនចំនួន ៨០ម៉ឺននាក់ក្នុងចំណោមទេសចរចិនក្នុងតំបន់អាស៊ាន ២០លាននាក់ និងពិភពលោកចំនួន ១២៦លាននាក់នៅឆ្នាំ២០១៦ ។ ហើយក្នុងរយៈពេលបីខែដើមឆ្នាំនេះ ភ្ញៀវទេសចរចិនមកកម្ពុជាមានចំនួន ២៧ម៉ឺននាក់ កើនឡើង ២៥ភាគរយ បើធៀបនឹងរយៈពេលដូចគ្នាកាលពីឆ្នាំមុន៕
ការណែនាំរបស់ លោក ថោង ខុន លើការបណ្ដាក់ទុនវិនិយោគនៅតំបន់ឆ្នេរ បានធ្វើឡើងក្នុងជំនួបរវាងលោក និងគណៈប្រតិភូ Shenzhen Win-Win Decoration & Designing នៅថ្ងៃទី៨ខែមិថុនា ខណៈក្រុមហ៊ុនមួយនេះកំពុងស្វែងរកឱកាសវិនិយោគតំបន់ទេសចរណ៍នៅកម្ពុជា។ នេះបើតាមព័ត៌មានដែលផ្សព្វផ្សាយលើទំព័រហ្វេសប៊ុកក្រសួងទេសចរណ៍។
រដ្ឋមន្ត្រីក្រសួងទេសចរណ៍រូបនេះ បានជំរុញឲ្យក្រុមហ៊ុនមួយនេះពិនិត្យលទ្ធភាពសិក្សាគម្រោងអភិវឌ្ឍទេសចរណ៍នៅតំបន់ឆ្នេរ និងកោះ ដោយអភិវឌ្ឍជាផលិតផលទេសចរណ៍ផ្ទះទីពីរ សម្រាប់ទាក់ទាញទេសចរចូលនិវត្តន៍ចិនឲ្យមកកម្សាន្តនៅតំបន់ទាំងនោះ។ លោក ថោង ខុន ប្រាប់វិនិយោគិនចិនឲ្យដឹងផងដែរថា បច្ចុប្បន្ន គណៈកម្មាធិការគ្រប់គ្រង និងអភិវឌ្ឍន៍តំបន់ឆ្នេរសមុទ្រកម្ពុជា ដែលមានក្រសួងរៀបចំដែនដី នគរូបនីយកម្ម និងសំណង់ ក្រសួងបរិស្ថាន និងក្រសួងទេសចរណ៍កំពុងរៀបចំផែនទីប្រើប្រាស់ដីតំបន់ឆ្នេរ និងកោះ ដែលនឹងផ្ដល់ការលានុវត្តថ្មីក្នុងការអភិវឌ្ឍផលិតផលទេសចរណ៍ថ្មី ពិសេសនៅតាមតំបន់ឆ្នេរសមុទ្រកម្ពុជា។
រូបពីក្រសួងទេសចរណ៍
ជាការឆ្លើយតប តំណាងក្រុមហ៊ុនចិនមួយនេះបានគាំទ្រការណែនាំរបស់ លោក ថោង ខុន ដោយបញ្ជាក់ថាក្រុមហ៊ុននឹងនាំយកបទពិសោធន៍ជោគជ័យពីប្រទេសចិនមកអនុវត្តនៅកម្ពុជាលើផ្នែកទេសចរណ៍។
កម្ពុជាស្រូបទាញទេសចរចិនចំនួន ៨០ម៉ឺននាក់ក្នុងចំណោមទេសចរចិនក្នុងតំបន់អាស៊ាន ២០លាននាក់ និងពិភពលោកចំនួន ១២៦លាននាក់នៅឆ្នាំ២០១៦ ។ ហើយក្នុងរយៈពេលបីខែដើមឆ្នាំនេះ ភ្ញៀវទេសចរចិនមកកម្ពុជាមានចំនួន ២៧ម៉ឺននាក់ កើនឡើង ២៥ភាគរយ បើធៀបនឹងរយៈពេលដូចគ្នាកាលពីឆ្នាំមុន៕
Tag:
ទេសចរណ៍
ថោង ខុន
ឆ្នេរសមុទ្រ
© រក្សាសិទ្ធិដោយ thmeythmey.com
