មិត្តភាពអន្តរជាតិ៖ ២០ឆ្នាំក្រោយមក កម្ពុជានៅតែមិនឈ្នះឥណ្ឌូណេស៊ី

កីឡាជាតិ

ជាតិ

មិត្តភាពអន្តរជាតិ៖ ២០ឆ្នាំក្រោយមក កម្ពុជានៅតែមិនឈ្នះឥណ្ឌូណេស៊ី

08, Jun 2017 , 8:31 pm

រូបភាព

ចាន់ វឌ្ឍនាកា ព្យាយាមវាយលុកទៅកាន់ក្រុមឥណ្ឌូណេស៊ី

កម្ពុជាប្រឹងវាយបកលើឥណ្ឌូណេស៊ី។ រូបថត ទេព ពិទូរ្យ

ជម្រើស១១នាក់ដំបូង ពលរដ្ឋ, វឌ្ឍនាកា, បូរ៉ាវី, វិសាល, តុលា, យ៉ាទី, សុធារដ្ឋ, ឈឿន, មុន្នីឧត្តម, ឌីណា, ផល្លីន

ដោយ: ទេព ពិទូរ្យ

ខ្សែប្រយុទ្ធ Irfan Bachdim អតីតកីឡាករយុវជនក្លិប Ajax Amsterdam បានស៊ុតបាល់បញ្ចូលទីនៅនាទី២៥ និងខ្សែបម្រើ Gian Zola រកបាន១គ្រាប់នៅចុងម៉ោងដើម្បីនាំឲ្យឥណ្ឌូណេស៊ីឈ្នះកម្ពុជា ២-០ ក្នុងជំនួបមិត្តភាពអន្តរជាតិនៅពហុកីឡដ្ឋានជាតិអូឡាំពិក នាល្ងាចថ្ងៃព្រហស្បតិ៍ ទី៨ ខែមិថុនា នេះ។

ជ័យជម្នះនៅថ្ងៃនេះ នាំឲ្យឥណ្ឌូណេស៊ី រក្សាកំណត់ត្រាឈ្នះកម្ពុជា ក្នុងរយៈពេល២០ឆ្នាំ ដោយកាលពីឆ្នាំ១៩៩៧ ក្រុមទាំងពីរស្មើគ្នា ១-១ នាការប្រកួតជម្រុះ World Cup ប្រចាំតំបន់។ ជាមួយគ្នានេះផងដែរ កម្ពុជា នៅតែមិនស្គាល់ជាតិឈ្នះឥណ្ឌូណេស៊ី ក្នុងរយៈពេល៤៤ឆ្នាំ ដោយជ័យជម្នះចុងក្រោយរបស់កម្ពុជាលើឥណ្ឌូណេស៊ី គឺក្នុងជំនួបវគ្គជុំទីមួយ President's Cup នៅក្រុងសេអ៊ូល ប្រទេសកូរ៉េខាងត្បូង ដោយនៅកាលណោះ កម្ពុជាឈ្នះ ៣-២៕