ពីនេះ ពីនោះ
តើអត្ថន័យនៃពាក្យ«ធ្ងន់ធ្ងរ»មានការប្រែប្រួលដូចម្តេច?
× ពាក្យ ធ្ងន់ធ្ងរ វចនានុក្រមសម្តេចសង្ឃជួនណាត ពន្យល់ថា ជាគុណសព្ទ ដែលសំដៅលើមនុស្សមានចិត្តធ្ងន់, ដែលចេះអត់ទ្រាំ, មានអំណត់, ប៉ិនអត់ប៉ិនទ្រាំ។ ឧទាហរណ៍ ចិត្តធ្ងន់ធ្ងរ, មនុស្សធ្ងន់ធ្ងរ។ ពាក្យធ្ងន់ធ្ងរនេះ គេនិយាយចំពោះតែចិត្ត, អធ្យាស្រ័យប៉ុណ្ណោះ ក្រៅពីនេះពាក្យដែលផ្សំជាមួយនឹងធ្ងន់នេះ មានច្រើន ត្រូវផ្សំតាមគួរដល់ដំណើរសេចក្តី។
ប៉ុន្តែ សម្រាប់បច្ចុប្បន្ន មនុស្សខ្មែរស្ទើរទូទាំងប្រទេស បានប្រើប្រាស់ពាក្យធ្ងន់ធ្ងរនេះ ក្នុងន័យផ្សេងទៅវិញ ដូចជាពាក្យថា ឈឺធ្ងន់ធ្ងរ របួសធ្ងន់ធ្ងរ។ វិបត្តិនយោបាយ ធ្លាក់ដល់កម្រិតធ្ងន់ធ្ងរ ឬថា កំហុសនេះ ធ្ងន់ធ្ងរណាស់ជាដើម៕
© រក្សាសិទ្ធិដោយ thmeythmey.com