ពីនេះ ពីនោះ
អ្វីទៅជា «កាបូនខ្មៅ» និង «កាបូនបម្រុង»?
× ភ្នំពេញ៖ ពាក្យ «កាបូនខ្មៅ» និង «កាបូនបម្រុង» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
«កាបូនខ្មៅ» (Black carbon) ជាប្រភេទ អាអេរ៉ូសូល ដែលត្រូវបានកំណត់ដោយផ្អែកលើរង្វាស់នៃការស្រូបពន្លឺនិងកម្រិតប្រតិកម្មគីមី និង/ឬភាពស៊ប់នឹងកម្ដៅ។ ពេលខ្លះ កាបូនខ្មៅសំដៅដល់ម្រែងភ្លើង។
ចំណែកឯ «កាបូនបម្រុង» (Carbon buffer) ជាបរិមាណឥណទានកាបូន ដែលត្រូវបានកំណត់ដោយផ្អែកលើការវិភាគហានិភ័យឬវិធាននៃស្តង់ដាមួយដែលត្រូវបានកំណត់ទុក ដោយឡែកនិងហាមមិនឱ្យធ្វើពាណិជ្ជកម្ម ដើម្បីធានាសុពលភាពឥណទានកាបូនពីគម្រោងមួយ ពេលមានហេតុការណ៍ការលេចធ្លាយកាបូន ឬភាពមិនអចិន្ត្រៃយ៍។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
© រក្សាសិទ្ធិដោយ thmeythmey.com