ខ្មែរអាចធ្វើបាន!
កំណាព្យ បទ កាកគតិ
-ស្ទើរគ្រប់កិច្ចការ ពីមុនឃើញថា មិនសូវមានខ្មែរ
កាន់កិច្ចការធំ លុយដុំនៅក្បែរ បើមានត្រឹមតែ
-គេអ្នកចាត់តាំង ខ្មែរប្រើកម្លាំង ធ្វើការធម្មតា
ការងារសំខាន់ ត្រូវប្រើប្រាជ្ញា គេបានដៅថា
សម្រាប់អ្នកក្រៅ។
-ពេលនេះចាប់ប្រែ ខ្មែរធ្វើថៅកែ ក្លាយជាដង្ខៅ
ខ្មែរកាន់ប្រាក់លាន មានទាំងកូនចៅ ចង្អុលទិសដៅ
រៀបចំផែនការ។
-ជា Investor ថែមManager កាន់លានដុល្លារ
រៀបចំយុទ្ធសាស្ត្រ ចេញច្បាស់ផ្លែផ្កា បង្កើតទីផ្សារ
ធ្វើការក្នុងស្រុក។
-ខ្មែរអាចជួយខ្មែរ បានទាំងក្រុងស្រែ មុខប្រែទ្រព្យស្តុក
បង្កើតរបរ ខ្លះមានស្រណុក លែងចាកចោលស្រុក
សម្រុកធ្វើការ។
-មានអ្នកពូកែ បើកក្រុមហ៊ុនខ្មែរ ស្រុកក្រៅផងណា
បង្កើតBrand ខ្មែរ គេស្គាល់ខេមរា នេះបញ្ជាក់ថា
ខ្មែរអាចធ្វើបាន៕
និពន្ធដោយ ប៉ាកកាខ្មៅ!