ជាតិ
គ.ជ.ប ចាប់ផ្តើមរាប់សន្លឹកឆ្នោតឡើងវិញ នៅការិយាល័យបោះឆ្នោតចំនួន២៣ ក្នុងខេត្តស្វាយរៀង
× ភ្នំពេញ៖ នៅព្រឹកថ្ងៃទី១២ ខែមិថុនា ឆ្នាំ២0១៧នេះ គណៈកម្មាធិការជាតិរៀបចំការបោះឆ្នោត (គ.ជ.ប) បានរាប់សន្លឹកឆ្នោតឡើងវិញ នៅការិយាល័យចំនួន២៣ ក្នុងឃុំដួង ខេត្តស្វាយរៀង។ ការរាប់សន្លឹកឆ្នោតនេះ គឺធ្វើឡើងនៅទីស្នាក់ការគ.ជ.ប។
ការរាប់សន្លឹកឆ្នោតឡើវិញនេះ គឺដោសារតែមានបណ្តឹងពីគណបក្សប្រជាជនកម្ពុជា និងគណបក្សសង្គ្រោះជាតិ។ យោងតាមលទ្ធផលបឋមនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាអាណត្តិទី៤ ដែលទើបនឹងបញ្ចប់ គណបក្សសង្គ្រោះជាតិ ទទួលបានសំឡេងច្រើនជាងគណបក្សប្រជាជនកម្ពុជា។ ប៉ុន្តែ លោក ហង្ស ពុទ្ធា អ្នកនាំពាក្យគ.ជ.ប បាននិយាយថា នៅពេលគណៈកម្មការរៀបចំការបោះឆ្នោត នៅក្នុងខេត្តស្វាយរៀង ចាប់ផ្តើមរាប់សន្លឹកឆ្នោតសាជាថ្មី បែរជាគណបក្សប្រជាជនកម្ពុជា បានសំឡេងច្រើនជាងគណបក្សសង្គ្រោះជាតិ ទៅវិញ។
ដោយសារមូលហេតុខាងលើនេះហើយ ទើបគ.ជ.ប សម្រេចរាប់សន្លឹកឆ្នោតឡើងវិញ នៅក្នុងការិយាល័យបោះឆ្នោតទាំង២៣ ក្នុងឃុំដួង ស្រុរមាសហែក ខេត្តស្វាយរៀង៕
Tag:
បោះឆ្នោតឃុំ-សង្កាត់
រាប់សន្លឹកឆ្នោតឡើងវិញ)
© រក្សាសិទ្ធិដោយ thmeythmey.com