សាស្ត្រាចារ្យ ជ័យ ថាវី ប្រាប់ពីវិធីសាស្ត្ររៀនមុខវិជ្ជាគីមី ឲ្យបាននិទ្ទេសល្អ

ជាតិ

សង្គមជាតិ

សាស្ត្រាចារ្យ ជ័យ ថាវី ប្រាប់ពីវិធីសាស្ត្ររៀនមុខវិជ្ជាគីមី ឲ្យបាននិទ្ទេសល្អ

18, Jun 2017 , 9:19 am

រូបភាព

ដោយ:

លោកសាស្ត្រាចារ្យ ជ័យ ថាវី បាននិយាយថាដើម្បីឲ្យការប្រឡងគីមី ក៏ដូចជាមុខវិជ្ជាផ្សេងៗទទួលបានលទ្ធផលល្អ ទាមទារឲ្យសិស្សចាំបាច់ត្រូវរៀនឲ្យបានទៀងទាត់ និងចាប់ផ្តើមតាំងពីដើមឆ្នាំមក។ ត្រង់ន័យនេះ មិនមែនមានន័យសិស្សដែលមិនសូវបានរៀនតាំងពីដើមឆ្នាំ អស់ឱកាសដណ្តើមយកពិន្ទុខ្ពស់ក្នុងការប្រឡងបាក់ឌុបនាពេលខាងមុខនោះទេ ពួកគេនៅមានឱកាស ប៉ុន្តែទាមទារឲ្យប្រឹងប្រែងជាងគេ។

លោកសាស្ត្រាចារ្យមុខវិទ្យាគីមីវិទ្យារូបនេះ បញ្ជាក់ដូច្នេះថា៖«រៀនគីមីឲ្យពូកែ មិនមែនជិតដល់ថ្ងៃប្រឡងយើងមករៀនទេ។ គេត្រូវរៀនរយៈពេលមួយឆ្នាំពេញ។ ការរៀន គឺយើងសន្សំតក់ៗ ម្តងយើងបានមួយចំណុច ម្តងមួយចំណុច ហើយគួបផ្សំនឹងទេពកោសល្យគ្រូបង្រៀន»។

ក្រៅពីប្រឹងប្រែងរៀនតាំងពីដើមឆ្នាំលោកសាស្ត្រាចារ្យរូបនេះបានណែនាំឲ្យសិស្ស ដែលនឹងត្រូវប្រឡងបាក់ឌុប ដែលនឹងប្រព្រឹត្តទៅក្នុងសីហាខាងមុខនេះ ថែរក្សាសុខភាពរបស់ខ្លួនឲ្យបានល្អដែរ ចៀសវាងធ្លាក់ខ្លួនឈឺ ខកខានការរៀនសូត្រ ឬការប្រឡងណាមួយ។ មិនត្រឹមតែប៉ុណ្ណោះ លោក សាស្ត្រាចារ្យ ជ័យ ថាវី ក៏ណែនាំសិស្សចៀសវាងការប្រើទូរសព្ទថតមេរៀន។ លោក ជ័យ ថាវី យល់ថា ការថតមេរៀនជំនួសឲ្យការកត់ត្រាបែបនេះ នឹងជះឥទ្ធិពលមិនល្អដល់លទ្ធផលនៃ ការសិក្សាទៅវិញ ពីព្រោះមិនបានហ្វឹកហាត់សរសេរ និងពិចារណាលំហាត់ដែលខ្លួនបានថតនោះ។

ខាងក្រោមនេះជាការពន្យល់បន្ថែមរបស់លោកសាស្ត្រាចារ្យ ជ័យ ថាវី៖