ពីនេះ ពីនោះ
ព័ត៍មានសុខភាព
ការនោម និងបន្ទោបង់ ញឹកញ៉ាប់ប៉ុណ្ណាទើបហៅថាធម្មតា?
× ទម្លាប់នៅពេលព្រឹកសម្រាប់មនុស្សភាគច្រើន អាចជាការតាំងសមាធិ ការបន់ស្រន់ និងការហាត់យូហ្គា ប៉ុន្តែអ្នកខ្លះទៀត បែរជាត្រូវទៅបន្ទប់ទឹកដើម្បីបន្ទោបង់ទៅវិញ។ បើសិនជាអ្នកគិតថា យើងកំពុងតែនិយាយរំខានអំពីការនោម និងបន្ទោបង់ច្រើនពេកនោះ អ្នកប្រហែលជាយល់ខុសហើយ។
រាល់អ្វីគ្រប់យ៉ាងដែលចេញពីក្នុងខ្លួនយើងគឺជាព័ត៌មានដ៏សំខាន់មួយដែលអាចប្រាប់យើងយ៉ាងច្រើនអំពីស្ថានភាពសុខភាពទូទៅបាន។ ជាក់ស្តែកចំពោះភាពញឹកញាប់នៃការនោម និងបន្ទោបង់តែម្តង។ រាងកាយរបស់មនុស្សម្នាក់ៗតែងតែមានភាពពិសេសរៀងៗខ្លួន។
តើអ្នកគួរតែបន្តោបង់ញឹកញាប់ប៉ុណ្ណាទៅ?
រឿងដែលល្អនោះគឺថា អ្នកគួរតែបន្ទោបង់យ៉ាងហោចណាស់ ១ ទៅ២ដងក្នុងមួយថ្ងៃ ប៉ុន្តែបើសិនជាអ្នកអាចគ្រប់គ្រងបានមួយថ្ងៃម្តងនោះ វាក៏កាន់តែល្អដែរ។
បើសិនជាអ្នកអាចបន្ទោបង់បានតែម្តងក្នុងរយៈពេល ៤ថ្ងៃ នោះអ្នកកំពុងតែទល់លាមកហើយ។ ម្យ៉ាងវិញទៀត បើសិនជាអ្នកបន្ទោបង់រាកសុទ្ធតែទឹកច្រើនជាងបីដងក្នុងមួយថ្ងៃ មានន័យថាអ្នកកំពុងតែមានបញ្ហារាករូសហើយ។
ខណៈពេលដែលស្ថិតក្នុងបន្ទប់ទឹក អ្នកមិនគួរណាប្រឹងដើម្បីឲ្យលាមកចេញឡើយ ព្រោះវាជាសញ្ញាបញ្ជាក់អំពីការទល់លាមកដែរ។ វាគួរតែចេញមកដោយធម្មតា និងខ្លួនឯង ហើយក៏មិនបាច់មានការបង្ខំអ្វីដែរ។
ចូរចាំជានិច្ចថា រាងកាយនឹងបញ្ជូនសញ្ញាប្រាប់អ្នកនៅពេលបន្ទោបង់។
តើគួរនោមញឹកញាប់ប៉ុណ្ណាទៅ?
ចំនួនដងដែលអ្នកនោមក្នុងរយៈពេល ២៤ម៉ោងក៏ជារឿងមួយសំខាន់ដែរ។ វាត្រូវបានគេចាត់ទុកថាធម្មតាក្នុងពេលដែលអ្នកអាចនោមបានពី ៦ ទៅ៨ដងក្នុងមួយថ្ងៃ។
បើសិនជាអ្នកនោមញឹក រឿងនោះច្រើនតែបណ្តាលមកពីការញ៉ាំរបស់មានជាតិបញ្ចុះទឹកនោមដូចជា កាហ្វេអ៊ីន មានផ្ទៃពោះ ឬមានបញ្ហាលេចនោមដោយមិនដឹងខ្លួន។
ការដែលមានអារម្មណ៍ថានោមក្រហាយៗ ជាសញ្ញាបញ្ជាក់អំពីការបង្ករោគនៅផ្លូវទឹកនោម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com