ជាតិ
ឱកាសសម្រាប់និស្សិតកម្ពុជា ក្នុងការប្រជែងអាហារូបករណ៍ថ្នាក់បរិញ្ញាបត្រសិក្សានៅឡាវ
× ភ្នំពេញ៖ ក្រសួងអប់រំ យុវជន និងកីឡា បានប្រកាសស្ដីពីការប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រទៅសិក្សានៅប្រទេសឡាវ សម្រាប់ឆ្នាំសិក្សា២០១៧-២០១៨។ អាហារូបករណ៍នេះ ផ្ដល់ជូននូវមុខជំនាញសម្រាប់សិក្សារួមមាន ភាសា និងអក្សរសាស្ត្រឡាវ ព័ត៌មានវិទ្យា គ្រប់គ្រងព្រៃឈើ សេដ្ឋកិច្ចជនបទ និងការច្នៃកសិផល សេដ្ឋកិច្ច ពាណិជ្ជកម្ម ស្ថាបត្យកម្ម ច្បាប់ និងវិទ្យាសាស្ត្រនយោបាយ និងសំណង់ស៊ីវិល។
សម្រាប់ឆ្នាំសិក្សា ២០១៧-២០១៨នេះ ក្រសួងអប់រំ យុវជន និងកីឡា នឹងប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រ ដើម្បីទៅបន្តការសិក្សានៅប្រទេសឡាវ។ អាហារូបករណ៍ ផ្ដល់សម្រាប់និស្សិតកម្ពុជា ដែលមានបំណងចង់បន្តការសិក្សាថ្នាក់បរិញ្ញាបត្រនៅប្រទេសឡាវ។
អាហារូបករណ៍ខាងលើនេះ ផ្ដោតទៅមុខជំនាញមួយចំនួនរួមមាន ភាសា និងអក្សរសាស្ត្រឡាវ ព័ត៌មានវិទ្យា គ្រប់គ្រងព្រៃឈើ សេដ្ឋកិច្ចជនបទ និងការច្នៃកសិផល សេដ្ឋកិច្ច ពាណិជ្ជកម្ម ស្ថាបត្យកម្ម ច្បាប់ និងវិទ្យាសាស្ត្រនយោបាយ និងសំណង់ស៊ីវិល។
សម្រាប់លក្ខខណ្ឌនៃការចុះឈ្មោះ បេក្ខជនទាំងពីរភេទត្រូវមានសញ្ជាតិខ្មែរ មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ។ ជាពិសេស បេក្ខជនទាំងពីរភេទត្រូវមានអាយុមិនលើសពី៣៥ឆ្នាំ និងមានសុខភាពល្អ។
បេក្ខជនទាំងអស់ អាចដាក់ពាក្យចាប់ពីថ្ងៃផ្សាយដំណឹងនេះ រហូតដល់ថ្ងៃទី ៨ ខែសីហា ឆ្នាំ២០១៧ នៅការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារូបករណ៍។ សម្រាប់អាសយដ្ឋានអគារ លេខ២៣ ផ្លូវ៣៦០ សង្កាត់បឹងកេងកង១ ខណ្ឌចំការមន រាជធានីភ្នំពេញ។ ដោយឡែកសម្រាប់កាលបរិច្ឆេទប្រឡង នឹងប្រព្រឹត្តទៅនៅថ្ងៃទី ១៣ ខែសីហា ឆ្នាំ២០១៧៕
© រក្សាសិទ្ធិដោយ thmeythmey.com