ជាតិ
សេដ្ឋកិច្ច
រដ្ឋមន្ត្រីពាណិជ្ជកម្ម បង្កើតក្រុមការងារដោះស្រាយបញ្ហាផលិតកម្ម ថ្លៃទំនិញ និងរកទីផ្សារ
ប៉ាន សូរសក្តិ (រូបភាពពីក្រសួងពាណិជ្ជកម្ម)
×![]()
ភ្នំពេញ៖ ក្រសួងពាណិជ្ជកម្មបង្កើតក្រុមការងារឃ្លាំមើល និងដោះស្រាយបញ្ហាផលិតកម្ម និងថ្លៃមុខទំនិញចាំបាច់មួយចំនួន។ នេះបើតាមប្រកាសរបស់ក្រសួង ដែលចុះថ្ងៃទី១៦ខែមិថុនា។
ក្រុមការងារនេះរួមមាន លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម ជាប្រធាន និងអនុប្រធានចំនួនពីររូប រួមទាំងសមាជិកជាច្រើនរូបដែលជាមន្ត្រីបច្ចេកទេសរបស់ក្រសួង និង ប្រធានមន្ទីរពាណិជ្ជកម្មរាជធានីខេត្ត។
ក្រុមការងារនេះមានភារកិច្ចតាមដានស្ថានភាពប្រែប្រួលនៃផលិតកម្ម និងទំនិញចរាចរលើទីផ្សារ ដូចជា ស្រូវអង្ករ ត្រី សាច់មាន់ សាច់ជ្រូក ប្រេងឥន្ធនៈ និងដំឡូងមី។ ក្រុមការងារនេះក៏ត្រូវដាក់ចេញវិធានការចាំបាច់របស់ខ្លួន និងសហការជាមួយស្ថានប័នពាក់ព័ន្ធ ដើម្បីដោះស្រាយបញ្ហាផលិតកម្ម ថ្លៃទំនិញ និងរកទីផ្សារក្នុងនិងក្រៅប្រទេស។
បើតាមប្រកាសខាងលើ ក្រុមការងារនេះអាចប្រើប្រាស់កញ្ចប់ថវិការបស់ក្រសួងពាណិជ្ជកម្ម ឬថវិការបស់ដៃគូអភិវឌ្ឍន៍នានា និងថវិកាពីប្រភពផ្សេងៗទៀត។
គួរបញ្ជាក់ថា ក្រុមការងារនេះត្រូវបានង្កើតឡើង ស្របពេលដែលបញ្ហាទីផ្សារលក់កសិផលរបស់កសិករ, បញ្ហាថ្លៃដើមផលិតខ្ពស់ កំពុងរង់ចាំដោះស្រាយ។ ចំពោះបញ្ហាថ្លៃទំនិញ ថ្លៃសាច់ជ្រូក គឺជាឧទាហរណ៍ជាក់ស្ដែងមួយ ដែលថ្លៃសាច់ជ្រូកដាក់លក់លើទីផ្សារនៅតែមានតម្លៃខ្ពស់ បើទោះតម្លៃសត្វជ្រូករស់ធ្លាក់ថ្លៃខ្លាំងក៏ដោយ៕
ក្រុមការងារនេះរួមមាន លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម ជាប្រធាន និងអនុប្រធានចំនួនពីររូប រួមទាំងសមាជិកជាច្រើនរូបដែលជាមន្ត្រីបច្ចេកទេសរបស់ក្រសួង និង ប្រធានមន្ទីរពាណិជ្ជកម្មរាជធានីខេត្ត។
ក្រុមការងារនេះមានភារកិច្ចតាមដានស្ថានភាពប្រែប្រួលនៃផលិតកម្ម និងទំនិញចរាចរលើទីផ្សារ ដូចជា ស្រូវអង្ករ ត្រី សាច់មាន់ សាច់ជ្រូក ប្រេងឥន្ធនៈ និងដំឡូងមី។ ក្រុមការងារនេះក៏ត្រូវដាក់ចេញវិធានការចាំបាច់របស់ខ្លួន និងសហការជាមួយស្ថានប័នពាក់ព័ន្ធ ដើម្បីដោះស្រាយបញ្ហាផលិតកម្ម ថ្លៃទំនិញ និងរកទីផ្សារក្នុងនិងក្រៅប្រទេស។
បើតាមប្រកាសខាងលើ ក្រុមការងារនេះអាចប្រើប្រាស់កញ្ចប់ថវិការបស់ក្រសួងពាណិជ្ជកម្ម ឬថវិការបស់ដៃគូអភិវឌ្ឍន៍នានា និងថវិកាពីប្រភពផ្សេងៗទៀត។
គួរបញ្ជាក់ថា ក្រុមការងារនេះត្រូវបានង្កើតឡើង ស្របពេលដែលបញ្ហាទីផ្សារលក់កសិផលរបស់កសិករ, បញ្ហាថ្លៃដើមផលិតខ្ពស់ កំពុងរង់ចាំដោះស្រាយ។ ចំពោះបញ្ហាថ្លៃទំនិញ ថ្លៃសាច់ជ្រូក គឺជាឧទាហរណ៍ជាក់ស្ដែងមួយ ដែលថ្លៃសាច់ជ្រូកដាក់លក់លើទីផ្សារនៅតែមានតម្លៃខ្ពស់ បើទោះតម្លៃសត្វជ្រូករស់ធ្លាក់ថ្លៃខ្លាំងក៏ដោយ៕
Tag:
ថ្លៃទំនិញ
© រក្សាសិទ្ធិដោយ thmeythmey.com
