ធនាគារជាតិបញ្ចេញប្រាក់ ៨ពាន់លានរៀល ក្នុងការដេញថ្លៃខែនេះ

ជាតិ

សេដ្ឋកិច្ច

ធនាគារជាតិបញ្ចេញប្រាក់ ៨ពាន់លានរៀល ក្នុងការដេញថ្លៃខែនេះ

21, Jun 2017 , 9:19 am

រូបភាព

ដោយ:

ភ្នំពេញ៖ តាមរយៈការដេញថ្លៃលើកទី៩ក្នុងខែនេះ ធនាគារជាតិនៃកម្ពុជា បានបញ្ចេញប្រាក់រៀលចំនួន ៨ ពាន់លានរៀល (ជាង ១,៩៧ លានដុល្លារ) ។

បើតាមសេចក្ដីជូនដំណឹងរបស់ធនាគារជាតិ នៅថ្ងៃទី២០ខែមិថុនា មានគ្រឹះស្ថានតែមួយប៉ុណ្ណោះចូលរួមដេញថ្លៃ ដែលដេញបានប្រាក់ ៨ពាន់លានរៀល ជាមួយអត្រាការប្រាក់ ៣ភាគរយក្នុងមួយឆ្នាំ។

ក្នុងការដេញថ្លៃប្រតិបត្តិការផ្ដល់សន្ទនីយភាពដោយមានការធានា (LPCO) លើកទី៩នេះ ធនាគារកណ្ដាលដាក់ឲ្យដេញថ្លៃប្រាក់សរុប ៤០ពាន់លានរៀលដូចសព្វដងដែរ។ តាមរយៈប្រតិបត្តិការនេះ ធនាគារជាតិបញ្ចេញប្រាក់រៀលទៅឲ្យគ្រឹះស្ថានហិរញ្ញវត្ថុដែលខ្វះប្រាក់រៀលបង្វិល និងបានចូលរួមដេញថ្លៃ ដើម្បីបង្កើនទំហំចរាចរសាច់ប្រាក់រៀលលើទីផ្សារ៕