កីឡាជាតិ
ជាតិ
ចំណងការទូត៥០ឆ្នាំ៖ U17 កម្ពុជា ស្វាគមន៍ U17 វៀតណាមនាម៉ោង៦ល្ងាចនេះ
× ក្រុមកីឡាបាល់ទាត់ជម្រើសជាតិអាយុក្រោម១៧ឆ្នាំរបស់កម្ពុជា ទទួលភ្ញៀវ U17 វៀតណាម ក្នុងការប្រកួតមិត្តភាពអន្តរជាតិ ដើម្បីអបអរខួបលើកទី៥០ឆ្នាំនៃទំនាក់ទំនងការទូតកម្ពុជា-វៀតណាម នៅពហុកីឡដ្ឋានជាតិនាវេលាម៉ោង៦ល្ងាចនេះ។
ថ្វីត្បិតតែនេះជាជំនួបមិត្តភាព ប៉ុន្តែក្រុម U17 កម្ពុជាដែលដឹកនាំដោយគ្រូបង្វឹកជប៉ុន Inoue Kazunori និង U17 វៀតណាម ក្រោមការដឹកនាំរបស់លោក Phan The Hieu សុទ្ធតែចង់បានជ័យជម្នះរៀងៗខ្លួន ដើម្បីពង្រឹងសមត្ថភាពក្រុមសម្រាប់ការប្រកួតសំខាន់ៗនាពេលខាងមុខ។
កីឡាករ U17 របស់កម្ពុជា រួមមាន៖ សៀង ចន្ធា, សាន គឹមហេង,សេត ម៉ាន់ស៊ូត, ឈឿង វិស៊ីនុ, ត្រាយ វិចិត្រ, ផុន តៃនិញ, ពៅ ចាន់ថេត, ទូច គីមឆាយ, ផាច សុជាវីឡា, ថា ច័ន្ទរិទ្ធី, ទុន សុំឆៃ, ឡុង ម៉េងហាវ, សៀន សុភត្ត្រា, យឺ សាហ្វី, ទៀត គឹមហេង, ហេង ទីណា, ហ៊ុល គឹមហ៊ុយ, ផន អយ៕
© រក្សាសិទ្ធិដោយ thmeythmey.com