អន្តរជាតិ
ប្រមុខ UN៖ អាមេរិកនឹងលែងជាមហាអំណាចផុតលេខ បើបន្តរត់គេចពីបញ្ហាពិភពលោក
×![]()
ប្រមុខអង្គការសហប្រជាជាតិលោក អាន់តូនីញ៉ូ ហ្គូតេរ៉េស (Antonio Guterres) បារម្ភចំពោះការដកខ្លួននិងគេវេសរបស់ អាមេរិកពីការជួយដោះស្រាយបញ្ហាប្រឈមពិភពលោកនាពេលបច្ចុប្បន្ន។ ប៉ុន្តែលោកព្រមានថា បើអាមេរិកនៅតែមិនខ្វាយខ្វល់ដោះស្រាយបញ្ហាប្រឈមពិភពលោកទេ អ្នកផ្សេងគេនឹងជំនួសតំណែងអាមេរិកជាមេដឹកនាំពិភពលោកហើយ។
ចាប់តាំងពីឡើងកាន់តំណែងនៅដើមខែមករា អគ្គលេខាធិការអង្គការសហប្រជាតិលោក អាន់តូនីញ៉ូ ហ្គូតេរ៉េស មិនទាន់បានរិះគន់គោលនយោបាយសហដ្ឋអាមេរិកឡើយ។ ប៉ុន្តែនៅសប្តាហ៍នេះ ក្នុងទិវាជនភៀសខ្លួនពិភពលោក ប្រមុខអង្គការពិភពលោករូបនេះ បានចេញមុខទិតៀនរដ្ឋបាលក្រុងវ៉ាស៊ីនតោន ប្តេជ្ញារក្សាគោលនយោបាយដម្កល់ប្រយោជន៍អាមេរិកជាធំ ហើយអនុវត្តឡើងវិញគោលនយោបាយឯកោនិយមដូចមុនជំនាន់សង្គ្រាមលោកលើកទីពីរនោះ។
ក្នុងសន្និសីទសារព័ត៌មានថ្ងៃ ២០ មិថុនាកន្លងទៅ លោក ហ្គូតេរ៉េស បានព្រមានថា ការកាត់ជំនួយរបស់អាមេរិក សម្រាប់អង្គការសហប្រជាជាតិជាសញ្ញាប្រកាសអាសន្នសម្រាប់សហគមន៍អន្តរជាតិទាំងមូល ហើយវាក៏បង្កើតបញ្ហាច្រើនដែរក្នុងការដឹកនាំនិងគ្រប់គ្រងស្ថាប័នពិភពលោកអង្គការសហប្រជាជាតិនេះ។
១. ហ្គូតេរ៉េស ទទូចឲ្យ ដូណាល់ ត្រាំបន្តបើកទ្វារទទួលជនភៀសខ្លួន ផ្អែកលើស្ថានភាពមនុស្សធម៌
ក្នុងទិវាជនភៀសខ្លួនពិភពលោកនេះ លោក ហ្គូតេរ៉េស បានកត់សម្គាល់ថា ប្រទេសជាច្រើនបានចូលរួមសាមគ្គីគ្នាគាំទ្រនិងជួយដោះស្រាយបញ្ហាជនភៀសខ្លួនក្នុងនោះមានប្រទេសក្រីក្រដូចជាអ៊ូហ្គង់ដាជាដើមនោះ។ ប៉ុន្តែលោកក៏កត់សម្គាល់ឃើញផងដែរថា ប្រទេសអ្នកមានៗជាច្រើនចាប់ផ្តើមបិទទ្វារនិងបដិសេធទទួលយកជនភៀសខ្លួនដែលជារងគ្រោះនៃសង្គ្រាមនិងហិង្សាប្រដាប់អាវុធនោះ។ ក្នុងនោះមានសហរដ្ឋអាមេរិកក្រោមការដឹកនាំរបស់ប្រធានាធិបតី ដូណាល់ ត្រាំ ផងដែរ។
លោក ហ្គូតេរ៉េស បានអំពាវនាវទៅកាន់ប្រទេសអភិវឌ្ឍទាំងអស់បន្តការជួយគាំទ្រដល់បណ្តាជនភៀសខ្លួនប្រហែល ៨០ភាគរយដែលកំពុងរស់នៅប្រទេសកំពុងអភិវឌ្ឍ និងបង្កើនចំនួនជនភៀសខ្លួនដែលពួកគេទទួលយកផងដែរ។
យ៉ាងណាក៏ដោយ អគ្គលេខាធិការរូបនេះទទួលស្គាល់ថា សហរដ្ឋអាមេរិកជាប្រទេសដែលទទួលយកជនភៀសខ្លួនច្រើនបំផុតមួយ ហើយមានសណ្តានចិត្ត និងមានគោលនយោបាយប្រសើរសម្រាប់ជនភៀសខ្លួនផង។ តែប្រធានាធិបតីថ្មី ដូណាល់ ត្រាំ ចាប់ផ្តើមប្តូរនយោបាយកាត់បន្ថយការទទួលយកជនភៀសខ្លួន។ លោកមានបំណងហាមប្រជាជនមកពីប្រទេសម៉ូស្លីមចូលអាមេរិកបណ្តោះអាសន្ន និងស្នើកាត់បន្ថយថវិកាសម្រាប់គាំទ្រជនភៀសខ្លួនដល់ ២៥ភាគរយ។
ប៉ុន្តែលោក ហ្គូតេរ៉េស បានអះអាងថា លោកនៅតែទទូចសុំឲ្យអាមេរិកត្រឡប់អនុវត្តគោលនយោបាយដែលខ្លួនធ្លាប់អនុវត្តកាលពីបីឬបួនឆ្នាំមុនដើម្បីជួយជនភៀសខ្លួន។ មិនត្រឹមតែប៉ុណ្ណោះ អតីតមន្ត្រីទទួលបន្ទុកជនភៀសខ្លួនរូបនេះ សន្យាទៅទស្សនកិច្ចទៅកាន់ក្រុងវ៉ាស៊ីនតោន និងប្រឹងប្រែងភ្ជាប់ទំនាក់ទំនងនិងពិភាក្សាជាមួយសមាជិកសភាអាមេរិកដើម្បីធានាថា អាមេរិកនឹងបន្តគាំទ្រនិងជួយជ្រោមជ្រែងអង្គការសហប្រជាជាតិក្នុងនាមជាម្ចាស់ជំនួយហិរញ្ញវត្ថុធំបំផុតនោះ។
២.បើអាមេរិកបន្តគេចពីបញ្ហា អ្នកផ្សេងនឹងជំនួសតំណែងអាមេរិកហើយ
ក្រៅពីការកាត់ជំនួយបរទេស និងបិទទ្វារទទួលជនភៀសខ្លួន អគ្គលេខាធិការអង្គការសហប្រជាជាតិខាងលើ ក៏បានលើកឡើងពីបញ្ហាមួយចំនួនដែលបង្ហាញពីការរត់គេចពីការទទួលខុសត្រូវ និងជួយដោះស្រាយបញ្ហាពិភពលោករបស់អាមេរិកក្នុងនាមជាមហាអំណាចពិភពលោកនោះ។
វាបង្ហាញឲ្យឃើញកាន់តែច្បាស់ថា សណ្តាប់ធ្នាប់ពិភពលោកប្រែប្រួលកាន់តែខ្លាំង ដោយសារខគោលនយោបាយដែលលោក ត្រាំ កំពុងអនុវត្ត ហើយប្រមុខអង្គការសហប្រជាជាតិនេះយល់ថា អាមេរិកនឹងបាត់បង់តំណែងជាមេដឹកនាំពិភពលោកទៀតបើបន្តដកខ្លួនចេញពីបញ្ហា។ តែវាមិនមែនជារឿងល្អសម្រាប់ពិភពលោកឡើយ ទោះបីមានអ្នកជំនួយតំណែងអាមេរិកក៏ដោយចុះ។
លោក ហ្គូតេរ៉េស បានបញ្ជាក់ក្នុងសន្និសីទដូច្នេះ៖ «ខ្ញុំជឿជាក់ថា ប្រសិនជាអាមេរិកបន្តដកខ្លួនឆ្ងាយពីការភ្ជាប់ទំនាក់ទំនងជាមួយពិភពលោក វានឹងក្លាយជារឿងចៀសមិនផុតឡើយដែលថា ប្រទេសផ្សេងទៀតនឹងជំនួសតំណែងរបស់មហាអំណាចនេះ»។
ពាក់ព័ន្ធសហរដ្ឋអាមេរិកនេះ លោក ហ្គូតេរ៉េស ក៏បានឧទាហរណ៍ពាក់ព័ន្ធការប្រែប្រួលអាកាសធាតុ និងការដកខ្លួនរបស់អាមេរិកពីការជួយដោះស្រាយគ្រោះមហន្តរាយធម្មជាតិនេះដែរ។ កាលពីខែមុន លោក ដូណាល់ ត្រាំ បាន ប្រកាសដកអាមេរិកចេញពីកិច្ចព្រមព្រៀងក្រុងប៉ារីស ដែលជាកិច្ចព្រមព្រៀងពហុភាគីមានគោលដៅដោះស្រាយបញ្ហាប្រែប្រួលអាកាសធាតុពិភពលោក និងជាសមិទ្ធផលរបស់លោក បារ៉ាក់ អូបាម៉ា ដែរ។
អគ្គលេខាធិការអង្គការសហប្រជាជាតិរូបនេះបានលើកឡើងថា លោកមិនខ្លាចនឹងក្រោកឈរតទល់ជាមួយប្រធានាធិបតីអាមេរិកឡើយពាក់ព័ន្ធការប្រែប្រួលអាកាសធាតុនេះ។ ហើយមិនត្រឹមតែប៉ុណ្ណោះទេ លោកជំរុញនិងលើកទឹកចិត្តអង្គការសង្គមស៊ីវិល និងក្រុមហ៊ុនអាមេរិកដែលមានឆន្ទៈក្នុងការដោះស្រាយបញ្ហាប្រែប្រួលអាកាសធាតុកន្លងមក៕
ចាប់តាំងពីឡើងកាន់តំណែងនៅដើមខែមករា អគ្គលេខាធិការអង្គការសហប្រជាតិលោក អាន់តូនីញ៉ូ ហ្គូតេរ៉េស មិនទាន់បានរិះគន់គោលនយោបាយសហដ្ឋអាមេរិកឡើយ។ ប៉ុន្តែនៅសប្តាហ៍នេះ ក្នុងទិវាជនភៀសខ្លួនពិភពលោក ប្រមុខអង្គការពិភពលោករូបនេះ បានចេញមុខទិតៀនរដ្ឋបាលក្រុងវ៉ាស៊ីនតោន ប្តេជ្ញារក្សាគោលនយោបាយដម្កល់ប្រយោជន៍អាមេរិកជាធំ ហើយអនុវត្តឡើងវិញគោលនយោបាយឯកោនិយមដូចមុនជំនាន់សង្គ្រាមលោកលើកទីពីរនោះ។
ក្នុងសន្និសីទសារព័ត៌មានថ្ងៃ ២០ មិថុនាកន្លងទៅ លោក ហ្គូតេរ៉េស បានព្រមានថា ការកាត់ជំនួយរបស់អាមេរិក សម្រាប់អង្គការសហប្រជាជាតិជាសញ្ញាប្រកាសអាសន្នសម្រាប់សហគមន៍អន្តរជាតិទាំងមូល ហើយវាក៏បង្កើតបញ្ហាច្រើនដែរក្នុងការដឹកនាំនិងគ្រប់គ្រងស្ថាប័នពិភពលោកអង្គការសហប្រជាជាតិនេះ។
១. ហ្គូតេរ៉េស ទទូចឲ្យ ដូណាល់ ត្រាំបន្តបើកទ្វារទទួលជនភៀសខ្លួន ផ្អែកលើស្ថានភាពមនុស្សធម៌
ក្នុងទិវាជនភៀសខ្លួនពិភពលោកនេះ លោក ហ្គូតេរ៉េស បានកត់សម្គាល់ថា ប្រទេសជាច្រើនបានចូលរួមសាមគ្គីគ្នាគាំទ្រនិងជួយដោះស្រាយបញ្ហាជនភៀសខ្លួនក្នុងនោះមានប្រទេសក្រីក្រដូចជាអ៊ូហ្គង់ដាជាដើមនោះ។ ប៉ុន្តែលោកក៏កត់សម្គាល់ឃើញផងដែរថា ប្រទេសអ្នកមានៗជាច្រើនចាប់ផ្តើមបិទទ្វារនិងបដិសេធទទួលយកជនភៀសខ្លួនដែលជារងគ្រោះនៃសង្គ្រាមនិងហិង្សាប្រដាប់អាវុធនោះ។ ក្នុងនោះមានសហរដ្ឋអាមេរិកក្រោមការដឹកនាំរបស់ប្រធានាធិបតី ដូណាល់ ត្រាំ ផងដែរ។
លោក ហ្គូតេរ៉េស បានអំពាវនាវទៅកាន់ប្រទេសអភិវឌ្ឍទាំងអស់បន្តការជួយគាំទ្រដល់បណ្តាជនភៀសខ្លួនប្រហែល ៨០ភាគរយដែលកំពុងរស់នៅប្រទេសកំពុងអភិវឌ្ឍ និងបង្កើនចំនួនជនភៀសខ្លួនដែលពួកគេទទួលយកផងដែរ។
យ៉ាងណាក៏ដោយ អគ្គលេខាធិការរូបនេះទទួលស្គាល់ថា សហរដ្ឋអាមេរិកជាប្រទេសដែលទទួលយកជនភៀសខ្លួនច្រើនបំផុតមួយ ហើយមានសណ្តានចិត្ត និងមានគោលនយោបាយប្រសើរសម្រាប់ជនភៀសខ្លួនផង។ តែប្រធានាធិបតីថ្មី ដូណាល់ ត្រាំ ចាប់ផ្តើមប្តូរនយោបាយកាត់បន្ថយការទទួលយកជនភៀសខ្លួន។ លោកមានបំណងហាមប្រជាជនមកពីប្រទេសម៉ូស្លីមចូលអាមេរិកបណ្តោះអាសន្ន និងស្នើកាត់បន្ថយថវិកាសម្រាប់គាំទ្រជនភៀសខ្លួនដល់ ២៥ភាគរយ។
ប៉ុន្តែលោក ហ្គូតេរ៉េស បានអះអាងថា លោកនៅតែទទូចសុំឲ្យអាមេរិកត្រឡប់អនុវត្តគោលនយោបាយដែលខ្លួនធ្លាប់អនុវត្តកាលពីបីឬបួនឆ្នាំមុនដើម្បីជួយជនភៀសខ្លួន។ មិនត្រឹមតែប៉ុណ្ណោះ អតីតមន្ត្រីទទួលបន្ទុកជនភៀសខ្លួនរូបនេះ សន្យាទៅទស្សនកិច្ចទៅកាន់ក្រុងវ៉ាស៊ីនតោន និងប្រឹងប្រែងភ្ជាប់ទំនាក់ទំនងនិងពិភាក្សាជាមួយសមាជិកសភាអាមេរិកដើម្បីធានាថា អាមេរិកនឹងបន្តគាំទ្រនិងជួយជ្រោមជ្រែងអង្គការសហប្រជាជាតិក្នុងនាមជាម្ចាស់ជំនួយហិរញ្ញវត្ថុធំបំផុតនោះ។
២.បើអាមេរិកបន្តគេចពីបញ្ហា អ្នកផ្សេងនឹងជំនួសតំណែងអាមេរិកហើយ
ក្រៅពីការកាត់ជំនួយបរទេស និងបិទទ្វារទទួលជនភៀសខ្លួន អគ្គលេខាធិការអង្គការសហប្រជាជាតិខាងលើ ក៏បានលើកឡើងពីបញ្ហាមួយចំនួនដែលបង្ហាញពីការរត់គេចពីការទទួលខុសត្រូវ និងជួយដោះស្រាយបញ្ហាពិភពលោករបស់អាមេរិកក្នុងនាមជាមហាអំណាចពិភពលោកនោះ។
វាបង្ហាញឲ្យឃើញកាន់តែច្បាស់ថា សណ្តាប់ធ្នាប់ពិភពលោកប្រែប្រួលកាន់តែខ្លាំង ដោយសារខគោលនយោបាយដែលលោក ត្រាំ កំពុងអនុវត្ត ហើយប្រមុខអង្គការសហប្រជាជាតិនេះយល់ថា អាមេរិកនឹងបាត់បង់តំណែងជាមេដឹកនាំពិភពលោកទៀតបើបន្តដកខ្លួនចេញពីបញ្ហា។ តែវាមិនមែនជារឿងល្អសម្រាប់ពិភពលោកឡើយ ទោះបីមានអ្នកជំនួយតំណែងអាមេរិកក៏ដោយចុះ។
លោក ហ្គូតេរ៉េស បានបញ្ជាក់ក្នុងសន្និសីទដូច្នេះ៖ «ខ្ញុំជឿជាក់ថា ប្រសិនជាអាមេរិកបន្តដកខ្លួនឆ្ងាយពីការភ្ជាប់ទំនាក់ទំនងជាមួយពិភពលោក វានឹងក្លាយជារឿងចៀសមិនផុតឡើយដែលថា ប្រទេសផ្សេងទៀតនឹងជំនួសតំណែងរបស់មហាអំណាចនេះ»។
ពាក់ព័ន្ធសហរដ្ឋអាមេរិកនេះ លោក ហ្គូតេរ៉េស ក៏បានឧទាហរណ៍ពាក់ព័ន្ធការប្រែប្រួលអាកាសធាតុ និងការដកខ្លួនរបស់អាមេរិកពីការជួយដោះស្រាយគ្រោះមហន្តរាយធម្មជាតិនេះដែរ។ កាលពីខែមុន លោក ដូណាល់ ត្រាំ បាន ប្រកាសដកអាមេរិកចេញពីកិច្ចព្រមព្រៀងក្រុងប៉ារីស ដែលជាកិច្ចព្រមព្រៀងពហុភាគីមានគោលដៅដោះស្រាយបញ្ហាប្រែប្រួលអាកាសធាតុពិភពលោក និងជាសមិទ្ធផលរបស់លោក បារ៉ាក់ អូបាម៉ា ដែរ។
អគ្គលេខាធិការអង្គការសហប្រជាជាតិរូបនេះបានលើកឡើងថា លោកមិនខ្លាចនឹងក្រោកឈរតទល់ជាមួយប្រធានាធិបតីអាមេរិកឡើយពាក់ព័ន្ធការប្រែប្រួលអាកាសធាតុនេះ។ ហើយមិនត្រឹមតែប៉ុណ្ណោះទេ លោកជំរុញនិងលើកទឹកចិត្តអង្គការសង្គមស៊ីវិល និងក្រុមហ៊ុនអាមេរិកដែលមានឆន្ទៈក្នុងការដោះស្រាយបញ្ហាប្រែប្រួលអាកាសធាតុកន្លងមក៕
Tag:
អាន់តូនីញ៉ូ ហ្គូតេរ៉េស
ដូណាល់ ត្រាំ
ជនភៀសខ្លួន
© រក្សាសិទ្ធិដោយ thmeythmey.com
