ថៃ នឹងផ្តល់ពូជសណ្តែកដីមើមបីកង់ ដល់កសិករខ្មែរដាំដុះ

ជាតិ

សេដ្ឋកិច្ច

ថៃ នឹងផ្តល់ពូជសណ្តែកដីមើមបីកង់ ដល់កសិករខ្មែរដាំដុះ

22, Jun 2017 , 9:59 pm

រូបភាព

ដោយ:

កសិករកម្ពុជា១១ ខេត្ត នឹងទទួលបានពូជសណ្តែកដីមើមបីកង់ ពីអ្នកវិនិយោគថៃ។ ពូជសណ្តែកដីទាំងនោះ នឹងត្រូវឲ្យកសិករ តាមរយៈសភាពាណិជ្ជកម្មកម្ពុជា។ ខេត្តទាំង១១នោះ មានខេត្តស្ទឹងត្រែង រតនគិរី មណ្ឌលគិរី ក្រចេះ កំពង់ចាម ព្រៃវែង ស្វាយរៀង តាកែវ កំពត កែប និងខេត្តត្បូងឃ្មុំ។

អ្នកវិនិយោគិនថៃ បានអះអាងថា នឹងផ្ដល់ឲ្យពូជសណ្តែកដីមើមបីកង់ ឲ្យប្រជាកសិករកម្ពុជាចំនួន១១ខេត្ត ដាំដុះ ហើយនឹងប្រមូលទិញយកវិញតាមតម្លៃទីផ្សារ នៅពេលប្រមូលផល។ ការអះអាងនេះ ត្រូវបានលើកឡើងនៅក្នុងកិច្ចប្រជុំគណៈកម្មាធិការសភាពាណិជ្ជកម្មកម្ពុជា-ថៃ កាលពីថ្ងៃទី១៩ ខែមិថុនា កន្លងទៅ នៅសាលាខេត្តក្រចេះ។

បើតាមទីភ្នាក់ងារសារព័ត៌មានកម្ពុជា ខេត្តទាំង១១នោះ មានខេត្តស្ទឹងត្រែង រតនគិរី មណ្ឌលគិរី ក្រចេះ កំពង់ចាម ព្រៃវែង ស្វាយរៀង តាកែវ កំពត កែប និងខេត្តត្បូងឃ្មុំ។ គ្រាប់ពូជទាំងនេះ នឹងផ្តល់ជូនកសិករកម្ពុជា តាមរយៈសភាពាណិជ្ជកម្មកម្ពុជា។

ខេត្តក្រចេះ មានផ្ទៃដីជាតំបន់សេដ្ឋកិច្ចពិសេសមួយកន្លែងទំហំ ជិត១ពាន់ហិកតា សម្រាប់បង្កើតជាតំបន់ពាណិជ្ជកម្ម និងឧស្សាហកម្ម។ បច្ចុប្បន្នមានក្រុមហ៊ុនចំនួន៤៧ កំពុងដំណើរការដាំដុះដំណាំកសិកម្ម និងអាចសហការគ្នាលើផ្នែកកសិឧស្សហកម្មនេះបន្ថែមទៀត។ នេះបើតាមលោក វ៉ា ថន អភិបាលស្តីទីខេត្តក្រចេះ។ ដោយឡែកប្រធានសភាពាណិជ្ជកម្មខេត្តមណ្ឌលគិរី ស្ទឹងត្រែង ក្រចេះ និងរតនគីរី បានសាទរចំពោះគម្រោងថ្មីនេះ និងអះអាងថានឹងចូលរួមសហការ ធ្វើយ៉ាងណា ជួយបង្កើនសន្តិសុខស្បៀងជូនប្រជាពលរដ្ឋ៕

ប្រភព៖ AKP