អន្តរជាតិ
ក្រោយអង់គ្លេសលែងលះអឺរ៉ុប ពលរដ្ឋអឺរ៉ុបបីលាននាក់នៅអង់គ្លេសមិនត្រូវបណ្តេញចេញឡើយ
កិច្ចប្រជុំកំពូលមេដឹកនាំសហភាបអឺរ៉ុបទាំង២៨ប្រទេសនៅទីក្រុងព្រុចសែល (រូបភាព Reuters)
×![]()
ដោយ: តន ចាន់រិទ្ធារ៉ា
បណ្ដាប្រមុខរដ្ឋ និងប្រមុខរដ្ឋាភិបាលសមាជិកសហភាពអឺរ៉ុប នៅថ្ងៃទី២២ ខែមិថុនា បានជួបប្រជុំគ្នានៅទីស្នាក់ការសហភាពអឺរ៉ុបនៅទីក្រុងព្រុចសែលដើម្បីពិភាក្សាលើរបៀបវារៈជាច្រើនជាពិសេសសន្តិសុខ និងការពារជាតិ ក៏ដូចជាលំហូរអន្តោប្រវេសន៍ជាដើម។ នាយករដ្ឋមន្ត្រីអង់គ្លេស ថេរ៉េសា ម៉េយ៍ ក៏មានវត្តមានក្នុងជំនួបនេះដែរ តែពេលដល់មេដឹកនាំសហភាពអឺរ៉ុបបានពិភាក្សាគ្នាពីបញ្ហាអង់គ្លេសចាកចេញពីអឺរ៉ុប លោកស្រីស្រាប់តែអវត្តមានទៅវិញ។ ប៉ុន្តែលោកស្រី ម៉េយ៍ ក៏បានផ្ដល់សម្បទានថ្មីមួយទៀតទៅឲ្យអឺរ៉ុប គឺសិទ្ធិពលរដ្ឋអឺរ៉ុបដែលរស់នៅអង់គ្លេស។
មេដឹកនាំសហភាពអឺរ៉ុបទាំង ២៨ប្រទេស បានជួបគ្នានៅឯកិច្ចប្រជុំកំពូលនៅទីក្រុងព្រុចសែល ដើម្បីដោះស្រាយបញ្ហាប្រឈមបច្ចុប្បន្ន។ បញ្ហាជាច្រើនត្រូវបានលើកឡើងក្នុងជំនួបដ៏សំខាន់នេះ ទាំងបញ្ហាសន្តិសុខ ទាំងការចាកចេញរបស់ចក្រភពអង់គ្លេសពីសហភាពអឺរ៉ុបដែលការចរចាបានចាប់ផ្ដើមរួចហើយ។ ដោយមិនបញ្ចូលនាយករដ្ឋមន្ត្រីអង់គ្លេស មេដឹកនាំអឺរ៉ុប២៧ប្រទេសទៀត នឹងពិភាក្សាលើដំណើរវិវត្តន៍នៃការចរចាដែលអនុលោមតាមមាត្រា៥០ នៃសន្ធិសញ្ញា Lisbon ។
ជំនួបរយៈពេលពីរថ្ងៃនេះ ផ្ដល់ឱកាសឲ្យមេដឹកនាំអឺរុបទាំងអស់បង្ហាញពីការប្ដេជ្ញាចិត្តរបស់ខ្លួននៅក្នុងអង្គការតំបន់មួយដែលរឹងមាំ និងបើកទូលាយទៅកាន់ពិភពលោក។ រយៈពេលចុងក្រោយ អឺរ៉ុបជួបប្រទះភាពមិនច្បាស់លាស់ច្រើន ជាពិសេសបញ្ហាជនភៀសខ្លួនដែលមិនទាន់រកច្រកចេញបាន ហើយបន្ទាប់មកគឺការចាកចេញរបស់អង់គ្លេសទៀត។ ការវាយប្រហារភេរវកម្មនៅក្នុងរដ្ឋសមាជិកអឺរ៉ុប ក្លាយជាការព្រួយបារម្ភខ្លាំងមួយទៀត ដែលអឺរ៉ុបត្រូវបន្តយកចិត្តទុកដាក់។
១. ប្រជាជនអឺរ៉ុបអាចបន្តស្នាក់នៅអង់គ្លេស ក្រោយការចរចាបញ្ចប់
នាយករដ្ឋមន្ត្រីអង់គ្លេស ថេរ៉េសា ម៉េយ៍ បានបង្ហាញវត្តមានចូលរួមក្នុងជំនួបកំពូលនៅបែលហ្ស៊ិកដែរ ដ្បិតអង់គ្លេសនៅមិនទាន់ចាកចេញនៅឡើយទេ។ លោកស្រី ម៉េយ៍ បន្តចូលរួមក្នុងកិច្ចប្រជុំនានារបស់អឺរ៉ុប លើកលែងតែកិច្ចប្រជុំស្ដីពីការចាកចេញរបស់អង់គ្លេសប៉ុណ្ណោះ។ ការចរចាលែងលះរវាងអឺរ៉ុប និងអង់គ្លេសបានចាប់ផ្ដើមនៅដើមសប្ដាហ៍នេះ ហើយអង់គ្លេសបានបន្ទន់ជំហរបន្តិចដោយយល់ព្រមចរចាតាមកាលបរិច្ឆេទរបស់អឺរ៉ុប គឺចរចាលែងលះមុន ទើបនិយាយគ្នារឿងពាណិជ្ជកម្មក្រោយ។
ក្នុងជំនួបថ្ងៃទី២២ ខែមិថុនា លោកស្រី ម៉េយ៍ ក៏បានផ្ដល់សម្បទានថ្មីមួយទៀតដែលអឺរ៉ុបធ្លាប់ទាមទារឲ្យអង់គ្លេសបញ្ជាក់ឲ្យច្បាស់លាស់ គឺអនាគតពលរដ្ឋអឺរ៉ុបជាងបីលាននាក់ដែលកំពុងរស់នៅអង់គ្លេស។ លោកស្រី ម៉េយ៍ បានប្រាប់មេដឹកនាំទាំង២៧ផ្សេងទៀតថា ប្រជាជនអឺរ៉ុបទាំងអស់នៅអង់គ្លេស នឹងមិនត្រូវបណ្ដេញចេញឡើយ ពេលអង់គ្លេចាកចេញពីអឺរ៉ុបនៅក្នុងឆ្នាំ២០១៩ នោះ ហើយពួកគេអាចទទួលបានសិទ្ធិដូចពលរដ្ឋអង់គ្លេសដែរ។
បើតាមសារព័ត៌មាន BBC ប្រជាជនអឺរ៉ុបដែលរស់នៅចក្រភពអង់គ្លេសបាន៥ឆ្នាំ នឹងទទួលបានសិទ្ធិ និងសេវាកម្មដូចប្រជាជនអង់គ្លេសធម្មតាដែរដូចជាការទទួលសេវអប់រំ សុខាភិបាល ប្រាក់សោធននិវត្តន៍ និងអត្ថប្រយោជន៍ផ្សេងទៀត។ ដោយឡែក អ្នកដែលមកដល់អង់គ្លេសមិនបាន៥ឆ្នាំ ត្រូវរង់ចាំដល់ពេលកំណត់សិន ទើបអាចទទួលសិទ្ធិប្រជាជនអង់គ្លេស។ ប្រជាជនអឺរ៉ុបដែលកំពុងរស់នៅអង់គ្លេសបារម្ភខ្លាំងក្រោយប្រជាមតិឆ្នាំមុន ព្រោះពួកគេអាចអស់សិទ្ធិ និងត្រូវបណ្ដេញចេញជាដើម។
សំណើរបស់នាយករដ្ឋមន្ត្រីអង់គ្លេសពេលនេះ ទទួលបានការសាទរពីមេដឹកនាំអឺរ៉ុប ប៉ុន្តែពួកគេចង់ឲ្យអង់គ្លេសបញ្ជាក់ឲ្យបានច្បាស់ជាងនេះ។ អធិការបតីអាល្លឺម៉ង់ Angela Merkel ចាត់ទុកសំណើរបស់អង់គ្លេស ជាការចាប់ផ្ដើមដ៏ល្អមួយក្នុងការចរចា ប៉ុន្តែដំណើរផ្លូវនៅវែងឆ្ងាយទៀត ហើយបញ្ហាជាច្រើនក៏មិនទាន់ដោះស្រាយដែរ។ មួយវិញទៀតការព្រួយបារម្ភរបស់ប្រជាជនអឺរ៉ុប ក៏មិនត្រូវបានបញ្ចូលក្នុងសំណើរបស់អង់គ្លេសដែរ។
២. មេដឹកនាំអឺរ៉ុបពិភាក្សាប្ដូរទីតាំងស្ថាប័នហិរញ្ញវត្ថុ និងឱសថចេញពីក្រុងឡុងដ៍
ការចាកចេញរបស់អង់គ្លេសពីសហភាពអឺរ៉ុប នៅតែបន្តគ្រប់ដណ្ដប់កិច្ចប្រជុំកំពូលសហភាពអឺរ៉ុប។ បណ្ដាមេដឹកនាំអឺរ៉ុបានពិភាក្សាជុំវិញការផ្លាស់ប្ដូរទីស្នាក់ការស្ថាប័នហិរញ្ញវត្ថុ និងឱសថដែលបច្ចុប្បន្នមានទីតាំងនៅទីក្រុងឡុងដ៍ ក្រោយការចាកចេញរបស់អង់គ្លេស។ អឺរ៉ុបនឹងសម្រេចចិត្តទីតាំងថ្មីនៅអំឡុងកិច្ចប្រជុំនៅចុងរដូវស្លឹកជ្រុះខាងមុខ។ នៅពេលនេះ រដ្ឋអឺរ៉ុបកំពុងប្រជែងគ្នាទទួលជាម្ចាស់ផ្ទះស្ថាប័នទាំងពីរនេះ។
អនុលោមតាមការព្រមព្រៀងកន្លងមក សមាជិកអឺរ៉ុបទាំងអស់មានពេលដល់ខែកក្កដា ដើម្បីដាក់សំណើទីក្រុងរបស់ពួកគេសម្រាប់ធ្វើជាស្នាក់ការរបស់អាជ្ញាធរធនាគារអឺរ៉ុប (EBA) និងអាជ្ញាធរឱសថអឺរ៉ុប (EMA)។ គណៈកម្មការអឺរ៉ុបនឹងសម្រេចចិត្តនៅខែកញ្ញា លើបេក្ខភាពទីក្រុងសមស្របណាមួយ។ បន្ទាប់មក មេដឹកនាំអឺរ៉ុបទាំងអស់នឹងសម្រេចចិត្តដោយឯកច្ឆន្ទនៅខែតុលា មុននឹងការបោះឆ្នោតចុងក្រោយ។
នៅមុននេះ ទស្សនាវដ្តីអាល្លឺម៉ង់មួយផ្សាយថា បារាំង និងអាល្លឺម៉ង់កំពុងចែកគ្នាធ្វើជាម្ចាស់ស្ថាប័ននេះម្នាក់មួយ ដោយ EBA នឹងត្រូវតាំងនៅ Frankfurt ឯ EMA មានស្នាក់ការនៅ Lille ។ ប៉ុន្តែបារាំង និងអាល្លឺម៉ង់ បានទាតចោលការផ្សាយនេះហើយ។ គេមានឃើញមានបេក្ខភាពជាច្រើនសម្រាប់ការធ្វើម្ចាស់ផ្ទះ EMA ដូចជា Barcelona របស់អេស្ប៉ាញ, Milan របស់អ៊ីតាលី, Copenhagen របស់ដាណឺម៉ា និង Dublin របស់អៀឡង់។
ចំណែកឯ ការប្រជែងសម្រាប់ធ្វើជាទីស្នាក់ការរបស់ EBA ក៏មានច្រើនដែរ។ បេក្ខភាពសំខាន់ៗមានទីក្រុងអាល្លឺម៉ង់ Frankfurt ហើយបារាំងមានបីទីក្រុងដូចជា រដ្ឋធានី Paris ទីក្រុងLyon និងStrasbourg ឯហូឡង់មានទីក្រុង Amsterdam ខណៈអូទ្រីសមានទីក្រុង Vienna ។ យ៉ាងណាក្ដី មិនមែនឲ្យជាទីក្រុងធំសុទ្ធតែអាចធ្វើជាស្នាក់ការបានឡើយ តែត្រូវបំពេញលក្ខខណ្ឌផ្សេងដូចជាហេដ្ឋរចនាសម្ព័ន្ធទីក្រុង ប្រព័ន្ធដឹកជញ្ជូន និងការងារជាដើម៕
មេដឹកនាំសហភាពអឺរ៉ុបទាំង ២៨ប្រទេស បានជួបគ្នានៅឯកិច្ចប្រជុំកំពូលនៅទីក្រុងព្រុចសែល ដើម្បីដោះស្រាយបញ្ហាប្រឈមបច្ចុប្បន្ន។ បញ្ហាជាច្រើនត្រូវបានលើកឡើងក្នុងជំនួបដ៏សំខាន់នេះ ទាំងបញ្ហាសន្តិសុខ ទាំងការចាកចេញរបស់ចក្រភពអង់គ្លេសពីសហភាពអឺរ៉ុបដែលការចរចាបានចាប់ផ្ដើមរួចហើយ។ ដោយមិនបញ្ចូលនាយករដ្ឋមន្ត្រីអង់គ្លេស មេដឹកនាំអឺរ៉ុប២៧ប្រទេសទៀត នឹងពិភាក្សាលើដំណើរវិវត្តន៍នៃការចរចាដែលអនុលោមតាមមាត្រា៥០ នៃសន្ធិសញ្ញា Lisbon ។
ជំនួបរយៈពេលពីរថ្ងៃនេះ ផ្ដល់ឱកាសឲ្យមេដឹកនាំអឺរុបទាំងអស់បង្ហាញពីការប្ដេជ្ញាចិត្តរបស់ខ្លួននៅក្នុងអង្គការតំបន់មួយដែលរឹងមាំ និងបើកទូលាយទៅកាន់ពិភពលោក។ រយៈពេលចុងក្រោយ អឺរ៉ុបជួបប្រទះភាពមិនច្បាស់លាស់ច្រើន ជាពិសេសបញ្ហាជនភៀសខ្លួនដែលមិនទាន់រកច្រកចេញបាន ហើយបន្ទាប់មកគឺការចាកចេញរបស់អង់គ្លេសទៀត។ ការវាយប្រហារភេរវកម្មនៅក្នុងរដ្ឋសមាជិកអឺរ៉ុប ក្លាយជាការព្រួយបារម្ភខ្លាំងមួយទៀត ដែលអឺរ៉ុបត្រូវបន្តយកចិត្តទុកដាក់។
១. ប្រជាជនអឺរ៉ុបអាចបន្តស្នាក់នៅអង់គ្លេស ក្រោយការចរចាបញ្ចប់
នាយករដ្ឋមន្ត្រីអង់គ្លេស ថេរ៉េសា ម៉េយ៍ បានបង្ហាញវត្តមានចូលរួមក្នុងជំនួបកំពូលនៅបែលហ្ស៊ិកដែរ ដ្បិតអង់គ្លេសនៅមិនទាន់ចាកចេញនៅឡើយទេ។ លោកស្រី ម៉េយ៍ បន្តចូលរួមក្នុងកិច្ចប្រជុំនានារបស់អឺរ៉ុប លើកលែងតែកិច្ចប្រជុំស្ដីពីការចាកចេញរបស់អង់គ្លេសប៉ុណ្ណោះ។ ការចរចាលែងលះរវាងអឺរ៉ុប និងអង់គ្លេសបានចាប់ផ្ដើមនៅដើមសប្ដាហ៍នេះ ហើយអង់គ្លេសបានបន្ទន់ជំហរបន្តិចដោយយល់ព្រមចរចាតាមកាលបរិច្ឆេទរបស់អឺរ៉ុប គឺចរចាលែងលះមុន ទើបនិយាយគ្នារឿងពាណិជ្ជកម្មក្រោយ។
ក្នុងជំនួបថ្ងៃទី២២ ខែមិថុនា លោកស្រី ម៉េយ៍ ក៏បានផ្ដល់សម្បទានថ្មីមួយទៀតដែលអឺរ៉ុបធ្លាប់ទាមទារឲ្យអង់គ្លេសបញ្ជាក់ឲ្យច្បាស់លាស់ គឺអនាគតពលរដ្ឋអឺរ៉ុបជាងបីលាននាក់ដែលកំពុងរស់នៅអង់គ្លេស។ លោកស្រី ម៉េយ៍ បានប្រាប់មេដឹកនាំទាំង២៧ផ្សេងទៀតថា ប្រជាជនអឺរ៉ុបទាំងអស់នៅអង់គ្លេស នឹងមិនត្រូវបណ្ដេញចេញឡើយ ពេលអង់គ្លេចាកចេញពីអឺរ៉ុបនៅក្នុងឆ្នាំ២០១៩ នោះ ហើយពួកគេអាចទទួលបានសិទ្ធិដូចពលរដ្ឋអង់គ្លេសដែរ។
បើតាមសារព័ត៌មាន BBC ប្រជាជនអឺរ៉ុបដែលរស់នៅចក្រភពអង់គ្លេសបាន៥ឆ្នាំ នឹងទទួលបានសិទ្ធិ និងសេវាកម្មដូចប្រជាជនអង់គ្លេសធម្មតាដែរដូចជាការទទួលសេវអប់រំ សុខាភិបាល ប្រាក់សោធននិវត្តន៍ និងអត្ថប្រយោជន៍ផ្សេងទៀត។ ដោយឡែក អ្នកដែលមកដល់អង់គ្លេសមិនបាន៥ឆ្នាំ ត្រូវរង់ចាំដល់ពេលកំណត់សិន ទើបអាចទទួលសិទ្ធិប្រជាជនអង់គ្លេស។ ប្រជាជនអឺរ៉ុបដែលកំពុងរស់នៅអង់គ្លេសបារម្ភខ្លាំងក្រោយប្រជាមតិឆ្នាំមុន ព្រោះពួកគេអាចអស់សិទ្ធិ និងត្រូវបណ្ដេញចេញជាដើម។
សំណើរបស់នាយករដ្ឋមន្ត្រីអង់គ្លេសពេលនេះ ទទួលបានការសាទរពីមេដឹកនាំអឺរ៉ុប ប៉ុន្តែពួកគេចង់ឲ្យអង់គ្លេសបញ្ជាក់ឲ្យបានច្បាស់ជាងនេះ។ អធិការបតីអាល្លឺម៉ង់ Angela Merkel ចាត់ទុកសំណើរបស់អង់គ្លេស ជាការចាប់ផ្ដើមដ៏ល្អមួយក្នុងការចរចា ប៉ុន្តែដំណើរផ្លូវនៅវែងឆ្ងាយទៀត ហើយបញ្ហាជាច្រើនក៏មិនទាន់ដោះស្រាយដែរ។ មួយវិញទៀតការព្រួយបារម្ភរបស់ប្រជាជនអឺរ៉ុប ក៏មិនត្រូវបានបញ្ចូលក្នុងសំណើរបស់អង់គ្លេសដែរ។
២. មេដឹកនាំអឺរ៉ុបពិភាក្សាប្ដូរទីតាំងស្ថាប័នហិរញ្ញវត្ថុ និងឱសថចេញពីក្រុងឡុងដ៍
ការចាកចេញរបស់អង់គ្លេសពីសហភាពអឺរ៉ុប នៅតែបន្តគ្រប់ដណ្ដប់កិច្ចប្រជុំកំពូលសហភាពអឺរ៉ុប។ បណ្ដាមេដឹកនាំអឺរ៉ុបានពិភាក្សាជុំវិញការផ្លាស់ប្ដូរទីស្នាក់ការស្ថាប័នហិរញ្ញវត្ថុ និងឱសថដែលបច្ចុប្បន្នមានទីតាំងនៅទីក្រុងឡុងដ៍ ក្រោយការចាកចេញរបស់អង់គ្លេស។ អឺរ៉ុបនឹងសម្រេចចិត្តទីតាំងថ្មីនៅអំឡុងកិច្ចប្រជុំនៅចុងរដូវស្លឹកជ្រុះខាងមុខ។ នៅពេលនេះ រដ្ឋអឺរ៉ុបកំពុងប្រជែងគ្នាទទួលជាម្ចាស់ផ្ទះស្ថាប័នទាំងពីរនេះ។
អនុលោមតាមការព្រមព្រៀងកន្លងមក សមាជិកអឺរ៉ុបទាំងអស់មានពេលដល់ខែកក្កដា ដើម្បីដាក់សំណើទីក្រុងរបស់ពួកគេសម្រាប់ធ្វើជាស្នាក់ការរបស់អាជ្ញាធរធនាគារអឺរ៉ុប (EBA) និងអាជ្ញាធរឱសថអឺរ៉ុប (EMA)។ គណៈកម្មការអឺរ៉ុបនឹងសម្រេចចិត្តនៅខែកញ្ញា លើបេក្ខភាពទីក្រុងសមស្របណាមួយ។ បន្ទាប់មក មេដឹកនាំអឺរ៉ុបទាំងអស់នឹងសម្រេចចិត្តដោយឯកច្ឆន្ទនៅខែតុលា មុននឹងការបោះឆ្នោតចុងក្រោយ។
នៅមុននេះ ទស្សនាវដ្តីអាល្លឺម៉ង់មួយផ្សាយថា បារាំង និងអាល្លឺម៉ង់កំពុងចែកគ្នាធ្វើជាម្ចាស់ស្ថាប័ននេះម្នាក់មួយ ដោយ EBA នឹងត្រូវតាំងនៅ Frankfurt ឯ EMA មានស្នាក់ការនៅ Lille ។ ប៉ុន្តែបារាំង និងអាល្លឺម៉ង់ បានទាតចោលការផ្សាយនេះហើយ។ គេមានឃើញមានបេក្ខភាពជាច្រើនសម្រាប់ការធ្វើម្ចាស់ផ្ទះ EMA ដូចជា Barcelona របស់អេស្ប៉ាញ, Milan របស់អ៊ីតាលី, Copenhagen របស់ដាណឺម៉ា និង Dublin របស់អៀឡង់។
ចំណែកឯ ការប្រជែងសម្រាប់ធ្វើជាទីស្នាក់ការរបស់ EBA ក៏មានច្រើនដែរ។ បេក្ខភាពសំខាន់ៗមានទីក្រុងអាល្លឺម៉ង់ Frankfurt ហើយបារាំងមានបីទីក្រុងដូចជា រដ្ឋធានី Paris ទីក្រុងLyon និងStrasbourg ឯហូឡង់មានទីក្រុង Amsterdam ខណៈអូទ្រីសមានទីក្រុង Vienna ។ យ៉ាងណាក្ដី មិនមែនឲ្យជាទីក្រុងធំសុទ្ធតែអាចធ្វើជាស្នាក់ការបានឡើយ តែត្រូវបំពេញលក្ខខណ្ឌផ្សេងដូចជាហេដ្ឋរចនាសម្ព័ន្ធទីក្រុង ប្រព័ន្ធដឹកជញ្ជូន និងការងារជាដើម៕
Tag:
អឺរ៉ុប
Brexit
អង់គ្លេស
ថេរ៉េសា ម៉េយ៍
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
