អន្តរជាតិ
×![]()
ដោយ: តន ចាន់រិទ្ធារ៉ា
ប្រមុខការពារជាតិអាមេរិក ជេមស៍ ម៉ាធីស (James Mattis) និងប្រមុខកងទ័ព ចូសេហ្វ ដាន់ហ្វត (Joseph Dunford) បានព្រមានពីគ្រោះថ្នាក់មិនអាចស្មានដល់ បើសង្គ្រាមជាមួយកូរ៉េខាងជើងផ្ទុះឡើយចៀសមិនផុត។ រដ្ឋធានីសេអ៊ូល ដែលស្ថិតនៅចម្ងាយមិនដល់មួយរយគីឡូម៉ែត្រពីបន្ទាត់ព្រំដែនជាមួយកូរ៉េខាងត្បូង ប្រាកដជាត្រូវរលាយហិនហោច ហើយជីវិតមនុស្សរាប់លាននាក់រស់នៅទីក្រុង បូកនឹងទាហានអាមេរិកក៏ប្រឈមមុខគ្រោះថ្នាក់ដែរ។
បើទោះជាការប្រឈមមុខផ្នែកយោធាជាមួយកូរ៉េខាងជើងភាពតានតឹងខ្លាំងក្ដី លទ្ធភាពដែលឈានដល់ការផ្ទុះសង្គ្រាមនៅឧបទ្វីបកូរ៉េមានកម្រិតតិចតួចនៅឡើយ។ យ៉ាងណាក្ដី មន្ត្រីជាន់ខ្ពស់ទទួលបន្ទុកកិច្ចការសន្តិសុខ និយាយថា សង្គ្រាមជាមួយកូរ៉េខាងជើង នឹងធ្វើឲ្យទីក្រុងសេអ៊ូលរលាយមិនខាន។ រដ្ឋមន្ត្រីការពារជាតិអាមេរិក ជេមស៍ ម៉ាធីស និងនាយសេនាធិការចម្រុះកងទ័ព ឧត្តមសេនីយ៍ ចូសេហ្វ ដាន់ហ្វត សុទ្ធតែបានព្រមានពីគ្រោះមហន្តរាយនៃសង្គ្រាមនេះ
ក្នុងកិច្ចប្រជុំជាមួយគណៈកម្មាធិការសភាកាលពីថ្មីៗនេះ លោក ម៉ាធីស និយាយថា សង្គ្រាមលើកនេះ នឹងមិនដូចសង្គ្រាមឆ្នាំ១៩៥០-១៩៥៣ ឡើយ ហើយអាមេរិកត្រូវតែប្រើប្រាស់គ្រប់កម្លាំងទាំងអស់ដើម្បីទប់ស្កាត់។ បើតាមសម្ដីលោក ម៉ាធីស សង្គ្រាមជាមួយកូរ៉េខាងជើង នឹងជាសង្គ្រាមដែលគ្រោះថ្នាក់ ព្រោះកូរ៉េខាងជើងមានសព្វាវុធទំនើបច្រើនៗ មិនថាមីស៊ីល ឬអាវុធនុយក្លេអ៊ែរឡើយ ហើយថែមទាំងមានឥទ្ធិពលខ្លាំងទៀតផង។
ជាការពិត កូរ៉េខាងជើងមានសមត្ថភាពខ្លាំងមិនអាចមើលស្រាលបានទេ ហើយចុងក្រោយនេះកូរ៉េខាងជើងកំពុងសម្រុកអភិវឌ្ឍមីស៊ីលអន្តរទ្វីបដែលអាចបាញ់ដល់ទឹកដីអាមេរិក។ យ៉ាងណាក្ដី ឧត្តមសេនីយ៍ ដាន់ហ្វត ដែលមានវត្តមានក្នុងកិច្ចប្រជុំដែរនោះ បានបង្ហាញការព្រួយបារម្ភខ្លាំងលើការគំរាមកំហែងអាវុធធុនស្រាលរបស់កូរ៉េខាងជើងដូចជារ៉ុក្កែតចម្ងាយឆ្ងាយដែលពង្រាយតាមព្រំដែនរវាងកូរ៉េទាំងពីរ។
ប្រមុខកងទ័ពអាមេរិករូបនេះបានប្រាប់សមាជិកសភាអាមេរិកថា ទីក្រុងសេអ៊ូលមានប្រជាជន២៥លាននាក់ និងមានជនជាតិអាមេរិកជាង៣សែននាក់ផង ស្ថិតក្នុងគោលដៅរបស់រ៉ុក្កែត កាំភ្លើងធំ និងមីស៊ីលជាច្រើនពាន់គ្រឿង ដែលពង្រាយតាមព្រំដែន។ បើទោះជារំពឹងទទួលជោគជ័យពេលសង្គ្រាមផ្ទុះឡើងក្ដី លោកបញ្ជាក់ថា ចំនួនមនុស្សស្លាប់ នឹងកើនឡើងខ្លាំងមិនដូចអ្វីដែលធ្លាប់កើតឡើងកាលពី៦០ ឬ៧០ឆ្នាំមុនឡើយ។ នេះបើតាមការផ្សាយរបស់គេហទំព័រ Military.com។
លោកឧត្តមសេនីយ៍ផ្កាយបួនរូបនេះបន្ថែមថា ប្រជាជនកូរ៉េខាងត្បូងនឹងស្លាប់គរជើងនៅរយៈពេល៥ ទៅ៧ថ្ងៃដំបូងនៃសង្គ្រាម ព្រោះប្រជជនក្នុងទីក្រុងសេអ៊ូលរស់នៅតំបន់កៀកូរ៉េខាងជើង ហើយពិបាកក្នុងទប់ស្កាត់ណាស់។ នៅពេលនេះ រដ្ឋបាលប្រធានាធិបតី ដូណាល់ ត្រាំ កំពុងស្វះស្វែងបញ្ចប់មហិច្ឆតានុយក្លេអ៊ែរកូរ៉េខាងជើងតាមគ្រប់មធ្យោបាយ និងបានសម្ពាធកាន់តែខ្លាំងលើចិនឲ្យជួយដោះស្រាយបញ្ហានេះផងដែរ៕
បើទោះជាការប្រឈមមុខផ្នែកយោធាជាមួយកូរ៉េខាងជើងភាពតានតឹងខ្លាំងក្ដី លទ្ធភាពដែលឈានដល់ការផ្ទុះសង្គ្រាមនៅឧបទ្វីបកូរ៉េមានកម្រិតតិចតួចនៅឡើយ។ យ៉ាងណាក្ដី មន្ត្រីជាន់ខ្ពស់ទទួលបន្ទុកកិច្ចការសន្តិសុខ និយាយថា សង្គ្រាមជាមួយកូរ៉េខាងជើង នឹងធ្វើឲ្យទីក្រុងសេអ៊ូលរលាយមិនខាន។ រដ្ឋមន្ត្រីការពារជាតិអាមេរិក ជេមស៍ ម៉ាធីស និងនាយសេនាធិការចម្រុះកងទ័ព ឧត្តមសេនីយ៍ ចូសេហ្វ ដាន់ហ្វត សុទ្ធតែបានព្រមានពីគ្រោះមហន្តរាយនៃសង្គ្រាមនេះ
ក្នុងកិច្ចប្រជុំជាមួយគណៈកម្មាធិការសភាកាលពីថ្មីៗនេះ លោក ម៉ាធីស និយាយថា សង្គ្រាមលើកនេះ នឹងមិនដូចសង្គ្រាមឆ្នាំ១៩៥០-១៩៥៣ ឡើយ ហើយអាមេរិកត្រូវតែប្រើប្រាស់គ្រប់កម្លាំងទាំងអស់ដើម្បីទប់ស្កាត់។ បើតាមសម្ដីលោក ម៉ាធីស សង្គ្រាមជាមួយកូរ៉េខាងជើង នឹងជាសង្គ្រាមដែលគ្រោះថ្នាក់ ព្រោះកូរ៉េខាងជើងមានសព្វាវុធទំនើបច្រើនៗ មិនថាមីស៊ីល ឬអាវុធនុយក្លេអ៊ែរឡើយ ហើយថែមទាំងមានឥទ្ធិពលខ្លាំងទៀតផង។
ជាការពិត កូរ៉េខាងជើងមានសមត្ថភាពខ្លាំងមិនអាចមើលស្រាលបានទេ ហើយចុងក្រោយនេះកូរ៉េខាងជើងកំពុងសម្រុកអភិវឌ្ឍមីស៊ីលអន្តរទ្វីបដែលអាចបាញ់ដល់ទឹកដីអាមេរិក។ យ៉ាងណាក្ដី ឧត្តមសេនីយ៍ ដាន់ហ្វត ដែលមានវត្តមានក្នុងកិច្ចប្រជុំដែរនោះ បានបង្ហាញការព្រួយបារម្ភខ្លាំងលើការគំរាមកំហែងអាវុធធុនស្រាលរបស់កូរ៉េខាងជើងដូចជារ៉ុក្កែតចម្ងាយឆ្ងាយដែលពង្រាយតាមព្រំដែនរវាងកូរ៉េទាំងពីរ។
ប្រមុខកងទ័ពអាមេរិករូបនេះបានប្រាប់សមាជិកសភាអាមេរិកថា ទីក្រុងសេអ៊ូលមានប្រជាជន២៥លាននាក់ និងមានជនជាតិអាមេរិកជាង៣សែននាក់ផង ស្ថិតក្នុងគោលដៅរបស់រ៉ុក្កែត កាំភ្លើងធំ និងមីស៊ីលជាច្រើនពាន់គ្រឿង ដែលពង្រាយតាមព្រំដែន។ បើទោះជារំពឹងទទួលជោគជ័យពេលសង្គ្រាមផ្ទុះឡើងក្ដី លោកបញ្ជាក់ថា ចំនួនមនុស្សស្លាប់ នឹងកើនឡើងខ្លាំងមិនដូចអ្វីដែលធ្លាប់កើតឡើងកាលពី៦០ ឬ៧០ឆ្នាំមុនឡើយ។ នេះបើតាមការផ្សាយរបស់គេហទំព័រ Military.com។
លោកឧត្តមសេនីយ៍ផ្កាយបួនរូបនេះបន្ថែមថា ប្រជាជនកូរ៉េខាងត្បូងនឹងស្លាប់គរជើងនៅរយៈពេល៥ ទៅ៧ថ្ងៃដំបូងនៃសង្គ្រាម ព្រោះប្រជជនក្នុងទីក្រុងសេអ៊ូលរស់នៅតំបន់កៀកូរ៉េខាងជើង ហើយពិបាកក្នុងទប់ស្កាត់ណាស់។ នៅពេលនេះ រដ្ឋបាលប្រធានាធិបតី ដូណាល់ ត្រាំ កំពុងស្វះស្វែងបញ្ចប់មហិច្ឆតានុយក្លេអ៊ែរកូរ៉េខាងជើងតាមគ្រប់មធ្យោបាយ និងបានសម្ពាធកាន់តែខ្លាំងលើចិនឲ្យជួយដោះស្រាយបញ្ហានេះផងដែរ៕
Tag:
អាមេរិក
កូរ៉េខាងជើង
កូរ៉េខាងត្បូង
© រក្សាសិទ្ធិដោយ thmeythmey.com
