កីឡាជាតិ
ជាតិ
ទៀត គឹមហេង, សេត ម៉ាន់ស៊ូត, សៀង ចន្ធា ជាកីឡាករឆ្នើមក្នុងក្រសែភ្នែកគ្រូបង្វឹក U17 វៀតណាម
× យុវជនមកពីសាលាបាល់ទាត់ជាតិបាទី ទៀត គឹមហេង, សៀង ចន្ធា និង សេត ម៉ាន់ស៊ូត បានបង្ហាញទម្រង់លេងយ៉ាងល្អក្នុងជំនួបមិត្តអន្តរជាតិរវាងក្រុមជម្រើសជាតិអាយុក្រោម១៧ឆ្នាំកម្ពុជា(U17 កម្ពុជា) ជាមួយក្រុមភ្ញៀវ U17 វៀតណាម នៅពហុកីឡដ្ឋានជាតិ។ សម្រាប់គ្រូបង្វឹក U17 វៀតណាម ពួកគេទាំង៣ជាកីឡាករលេចធ្លោរក្នុងការប្រកួត។
គ្រូបង្វឹកក្រុម U17 វៀតណាម លោក Phan The Hieu បានលើកសរសើរកីឡាករ ទៀត គឹមហេង សេត ម៉ាន់ស៊ូត និង សៀង ចន្ធា ជាកីឡាករលេចធ្លោរក្នុងក្រុម U17 កម្ពុជា។ ការចាត់ទុកបែបនេះ បន្ទាប់ពីពួកគេបានបង្ហាញទម្រង់លេងដ៏ល្អជាមួយភាពរហ័សរហួនក្នុងជំនួបមិត្តភាពអន្តរជាតិជាមួយក្រុម U17 វៀតណាម កាលពីល្ងាចថ្ងៃទី២១ មិថុនា នៅពហុកីឡដ្ឋានជាតិ។
ក្នុងសន្និសីទសារព័ត៌មានក្រោយការប្រកួតគ្រូបង្វឹកជនជាតិវៀតណាមរូបនេះបានលើកសរសើរយ៉ាងដូច្នេះថា៖«សម្រាប់កីឡាករ U17 កម្ពុជា ខ្ញុំយល់ឃើញថា មានការរីកចម្រើនខ្លាំងបើធៀបទៅនឹងឆ្នាំមុន ជាពិសេសេកីឡាករលេខ៧(ទៀត គឹមហេង), លេខ៨(សេត ម៉ាន់ស៊ូត) និងកីឡាករលេខ១១(សៀង ចន្ធា)»។
គួររំលឹកថា សម្រាប់ជំនួបមិត្តភាពដើម្បីអបអរខួប៥០ឆ្នាំនៃទំនាក់ទំនងការទូតកម្ពុជា-វៀតណាម ក្រុម U17 កម្ពុជាបានប្រកួតចាញ់ក្រុម U17 វៀតណាមក្នុងលទ្ធផល ៤-០។ តែយ៉ាងណា គ្រូបង្វឹក U17 វៀតណាមបានចាត់ទុកថា លទ្ធផលមិនអាចបញ្ជាក់អ្វីគ្រប់យ៉ាងក្នុងប្រកួតបាននោះឡើយ៕
Tag:
U17 វៀតណាម
U17 កម្ពុជា
ទៀត គឹមហេង
សេត ម៉ាន់ស៊ូត
សៀង ចន្ធា
© រក្សាសិទ្ធិដោយ thmeythmey.com