អន្តរជាតិ
ប្រធានាធិបតីកូស្តារីកាលេបឱម៉ាល់ក្នុងពេលកំពុងធ្វើបទសម្ភាស
× លោកប្រធានាធិបតីកូស្តារីកា បានធ្វើរឿងមួយដែលមិននឹកស្មានដល់។ យោងតាមឃ្លីបវីដេអូមួយដែលផ្សាយដោយសារព័ត៌មានកូស្តារីកា PZ Actual លោក Luis Guillermo Solis បានលេបសត្វឱម៉ាល់មួយក្បាលចូលពោះ នាអំឡុងនៃបទសម្ភាសមួយ។
«ខ្ញុំបានញ៉ាំវា ខ្ញុំបានញ៉ាំឱម៉ាល់»។ នេះជាការលើកឡើងរបស់ប្រមុខរដ្ឋកូស្តារីកា លោក Luis Guillermo Solis ។ នៅក្នុងឃ្លីបវីដេអូ លោកបានធ្វើបទសម្ភាសមួយដល់អ្នកសារព័ត៌មានស្រាប់តែពេលនោះ មានឱម៉ាល់មួយក្បាលហើរទៅជិតមាត់របស់គាត់ ហើយគាត់ក៏បានលេបចូលមាត់ភ្លាមៗ។
ពេលឱម៉ាល់ហើរចូលមាត់ លោកបានទំពារមួយមាត់ ហើយបន្តប្រយោគរបស់ខ្លួនក្នុងបទសម្ភាស មុននឹងសើចទៅកាន់អ្នកសារព័ត៌មាន។ លោកនិយាយបែបកំប្លែងថា៖ «អ្នកមិនអាចឃើញបែបនេះជារៀងរាល់ថ្ងៃនោះឡើយ។ អ្នកច្បាស់ជាបញ្ជូនវីដេអូនេះទៅ CNN»។
បន្ទាប់មក លោក Luis Guillermo Solis បានផឹកទឹក រួចលោកបានបន្តបទសម្ភាសរបស់ខ្លួនដូចជាគ្មានអ្វីកើតឡើង៕
© រក្សាសិទ្ធិដោយ thmeythmey.com