Hun Sen Cup៖ ណាហ្គាវើលស្វាគមន៍ស្វាយរៀងមុនបឹងកេតប៉ះឧត្តរមានជ័យ

កីឡាជាតិ

ជាតិ

Hun Sen Cup៖ ណាហ្គាវើលស្វាគមន៍ស្វាយរៀងមុនបឹងកេតប៉ះឧត្តរមានជ័យ

24, Jun 2017 , 2:00 pm

រូបភាព

ដោយ:

ក្រុមណាហ្គាវើល បើកទ្វារពហុកីឡដ្ឋានជាតិ ស្វាគមន៍ក្រុមខេត្តស្វាយរៀង(ស្វាយរៀង)ខណៈក្រុមបឹងកេតជួបជាមួយឧត្តរមានជ័យ នាការប្រកួតជើងទី១ ដំណាក់កាលទី៤ នៃពានរង្វាន់សម្តេច ហ៊ុន សែន ឆ្នាំ២០១៧ នៅល្ងាចនេះ។

នៅពហុកីឡដ្ឋានជាតិម៉ោង៣រសៀល ថ្ងៃទី២៤ ខែមិថុនា នេះ ក្រុមកំពុងលេងក្នុងក្របខណ្ឌពានរង្វាន់លីកកំពូលកម្ពុជាណាហ្គាវើល ត្រូវជួបប្រកួតជាមួយក្រុមស្វាយរៀង ដែលឡើងមកពីវគ្គជម្រុះតាមខេត្ត ក្នុងជើងទី១ ដំណាក់កាលទី៤ នៃពានរង្វាន់សម្តេច ហ៊ុន សែន។ ណាហ្គាវើល អាចមានភាគរយខ្ពស់ជាងស្វាយរៀង សម្រាប់ការដណ្តើមជ័យជម្នះនៅល្ងាចនេះ ព្រោះក្រុមនេះ បាន និងកំពុងហ្វឹកហាត់ត្រៀមពានរង្វាន់លីកកំពូលកម្ពុជា និងពានរង្វាន់នៅប្រទេសសិង្ហបុរី។

ជាមួយគ្នានេះ នាវេលាម៉ោង៦ល្ងាច ក្រុមបឹងកេត ត្រូវតទល់ជាមួយក្រុមឧត្តរមានជ័យ នៅពហុកីឡដ្ឋានជាតិដូចគ្នា។ បឹងកេត មិនខុសពីក្រុមណាហ្គាវើលនោះទេ ពោលគឺក្រុមនេះ ក៏កំពុងហ្វឹកហាត់ ត្រៀមពានរង្វាន់ទាំងពីរខាងលើដែរ។ ដូច្នេះសម្រាប់ការប្រកួតនាល្ងាចនេះ ឧត្តរមានជ័យត្រូវការប្រឹងប្រែងបន្តិច ព្រោះជួបជាមួយក្រុមខ្លាំង៕