ជើងហោះហើរត្រង់ ពីខេត្តជាំងស៊ូ ប្រទេសចិន មកកម្ពុជា ចាប់ផ្តើមនៅថ្ងៃអាទិត្យនេះ

ជាតិ

សេដ្ឋកិច្ច

ជើងហោះហើរត្រង់ ពីខេត្តជាំងស៊ូ ប្រទេសចិន មកកម្ពុជា ចាប់ផ្តើមនៅថ្ងៃអាទិត្យនេះ

24, Jun 2017 , 9:39 pm

រូបភាព

ដោយ:

ព្រះសីហនុ៖ នៅថ្ងៃអាទិត្យ ទី២៥ ខែមិថុនានេះ កម្ពុជានឹងភ្ជាប់ការហោះហើរត្រង់ថ្មីមួយទៀត ពីទីក្រុង WUXI ខេត្តជាំងស៊ូ ប្រទេសចិន មកកាន់ព្រលានយន្តហោះអន្តរជាតិកងកេង។ ជើងហោះហើរត្រង់ថ្មីនេះ នឹងធ្វើឡើង២លើក ក្នុងមួយសប្តាហ៍ គឺនៅថ្ងៃអង្គារ និងថ្ងៃសៅរ៍។

ក្រុមហ៊ុនអាកាសចរណ៍ស្កាយអង្គរអ៊ែរឡាញ (SKY Angkor Airline) នឹងភ្ជាប់ជើងហោះហើរត្រង់ ពីទីក្រុង WUXI ខេត្តជាំងស៊ូ ប្រទេសចិន មកកាន់ខេត្តព្រះសីហនុ នៅថ្ងៃទី២៥ ខែមិថុនានេះ។ នេះបើតាមទីភ្នាក់ងារសារព័ត៌មានកម្ពុជា ដែលបានស្រង់សម្តី លោក យន្តមីន អភិបាលខេត្តព្រះសីហនុ។ លោកអភិបាលខេត្ត បានឲ្យដឹងទៀតថា នឹងមានការហោះហើរពីដងក្នុងមួយសប្តាហ៍ ពីក្រុងWUXI ខេត្តជាំងស៊ូ មកកាន់ព្រលានយន្តហោះអន្តរជាតិកងកេង នៅរៀងរាល់ថ្ងៃអង្គារ និងថ្ងៃសៅរ៍។

ក្នុងខែមិថុនានេះ មានក្រុមហ៊ុនអាកាសចរណ៍បរទេសចំនួន២ បើកការហោះហើរត្រង់ មកកាន់ខេត្តព្រះសីហនុ។ ក្រុមហ៊ុនអាកាសចរណ៍ ជេស៊ី អ៊ិនធើណេសិនណល អ៊ែឡាញ(JC International Airline) ទើបតែភ្ជាប់ជើងហោះហើរត្រង់ ពីក្រុងគូឡាឡាំពួ ប្រទេសម៉ាឡេស៊ី មកកាន់ខេត្តព្រះសីហនុ កាលពីថ្ងៃទី១៣ ខែមិថុនា ខណៈជើងហោះហើរត្រង់ពីទីក្រុង WUXI ខេត្តជាំងស៊ូ ប្រទេសចិន នឹងចាប់ផ្តើមនៅថ្ងៃទី២៥ ខែមិថុនានេះ។ នេះបើតាម លោក យន្តមីន អភិបាលខេត្តព្រះសីហនុដដែល៕