មិត្តអតីតប្រធានាធិបតីកូរ៉េខាងត្បូងត្រូវជាប់គុកបីឆ្នាំ ព្រោះប្រើឥទ្ធិពលលើសកលវិទ្យាល័យឲ្យផ្គាប់ចិត្តកូនស្រីខ្លួន

អន្តរជាតិ

មិត្តអតីតប្រធានាធិបតីកូរ៉េខាងត្បូងត្រូវជាប់គុកបីឆ្នាំ ព្រោះប្រើឥទ្ធិពលលើសកលវិទ្យាល័យឲ្យផ្គាប់ចិត្តកូនស្រីខ្លួន

24, Jun 2017 , 10:39 pm

រូបភាព

ដោយ:

មិត្តភក្តិ ជិតស្និទ្ធរបស់អតីតប្រធានាធិបតីកូរ៉េខាងត្បូងលោកស្រី Park Geun Hye គឺលោកស្រីChoi Soon-sil ត្រូវបានតុលាការកាត់ទោសឲ្យជាប់ពន្ធនាគារបីឆ្នាំ។ អ្នកស្រី Choi Soon-sil បានប្រើឥទ្ធិពលអតីតប្រធានាធិបតីលើកតម្កើងកូនស្រីរបស់ខ្លួនពេល សិក្សាក្នុងសាកលវិទ្យាល័យ Ewha Woman។

តុលាការក្រុងសេអ៊ូល បានកាត់ទោសអ្នកស្រី Choi Soon-sil ដែលមិត្តភក្តិជិតដិតរបស់អតីតប្រធានាធិបតី Park Geun Hye ឲ្យជាប់ពន្ធធនាគារបីឆ្នាំដោយសារអ្នកស្រីប្រើប្រាស់ឥទ្ធិពលខ្លួនលើ សាកលវិទ្យាល័យដើម្បីឲ្យសាលាលម្អៀងនិងលើកស្ទួយកូនស្រីខ្លួនផងដែរ នោះ។

យោងតាមទីភ្នាក់ងារព័ត៌មាន Yonhap អ្នកស្រី Choi Soon-sil បានប្រើឥទ្ធិពលក្នុងនាមជាមិត្តប្រធានាធិបតីកូរ៉េ ស្នើសកលវិទ្យាល័យ Ewha ឲ្យយកចិត្តទុកដាក់លើកូនស្រីឲ្យបានពិសេសជាងគេ។

សូមរម្លឹកបនិ្តថា លោកស្រី Park Geun Hye ក៏ត្រូវបានគេដកហូតតំណែងបន្ទាប់ពីតុលាការធម្មនុញ្ញកូរ៉េខាងត្បូង ប្រកាសថាលោកស្រីមានជាប់ពាក់ព័ន្ធអំពើពុករលួយនិងអនុញ្ញាតឲ្យ មិត្តភក្តិលូកលាន់កិច្ចការដឹកនាំប្រទេសផងដែរ។

ចំណែក Choi Soon-sil បានបដិសេធទទួលកំហុស ហើយប្រកែកថាខ្លួនមិនបានប្រព្រឹត្តអំពើស៊ីសំណូកឬស្នើឲ្យសាលា លម្អៀងរកកូនស្រីទីនោះទេ។ អ្វីដែលអ្នកស្រីធ្វើ គឺកើតឡើងពីសេចក្ដីស្រលាញ់របស់ម្ដាយដែលតែងតែចង់ឲ្យកូនស្រីបាន អ្វីៗដែលល្អបំផុតប៉ុណ្ណោះ។

នាង Chung Yoo-ra ដែលជាកូនស្រី Choi Soon-sil បានជាប់ឈ្មោះជាកីឡាករឆ្នើមនៅសាលាជំនាញខាងជិះសេះក្នុងឆ្នាំ ២០១៥ ដោយសារ ដោយសារម្តាយខ្លួនមានខ្សែដែលមានឥទ្ធិពលដែរ។

ស្ថាប័នរដ្ឋអាជ្ញាកូរ៉េខាងត្បូងចាត់ទុកទង្វើអ្នកស្រីថាជា ការបំពានច្បាប់ដោយលូកលាន់ចូលក្នុងបញ្ហាសាលានិងជួយឲ្យកូនស្រី របស់ខ្លួនទទួលបានជោគជ័យផង។ ស្ថាប័ននេះក៏បានទាមទារតុលាការកាត់ទោសអ្នកស្រីឲ្យជាប់ពន្ធនាគារ៧ ឆ្នាំឯណោះ។

ក្រៅពី Choi Soon-sil មនុស្សប្រាំមួយអ្នកទៀតក៏ជាប់ពាក់ព័ន្ធនៅក្នុងអំពើពុករលួយនេះដែរ ខ្លះត្រូវបានកាត់ទោសឲ្យជាប់ពន្ធនាគារ និងខ្លះទៀតត្រូវអាចនៅក្រៅឃុំបាន។

អតីតនាយកសាកលវិទ្យាល័យ EwHa អ្នកស្រី Choi Kyung-hee និង Namkung Gon អតីតប្រធានផ្នែកទទួលនិស្សិតឲ្យចូលសិក្សា ក៏ត្រូវបានកាត់ទោសឲ្យជាប់ពន្ធនាគារដោយម្នាកជាប់ពន្ធនាគារពីរឆ្នាំ និងម្នាក់ទៀតាជាប់ត្រឹមមួយឆ្នាំកន្លះ ។

នេះជាការសម្រេចលើកដំបូងហើយរបស់តុលាការពាក់ព័ន្ធបទចោទមួយ ក្នុងចំណោមបទចោទជាច្រើនទៀតប្រឆាំងអ្នកស្រី Choi Soon-sil ជុំវិញរឿងអាស្រូវពុករលួយ និងប្រើប្រាស់ឥទ្ធិពលមិត្តភកិ្តទាញយកប្រយោជន៍ផ្ទាល់ខ្លួនជាច្រើន កន្លងមក។ ការចោទប្រកាន់ប្រឆាំងអ្នកស្រី Choi Soon-sil រួមមានការទទួលសំណូកពីក្រុមហ៊ុន Sumsung ដែលមានតម្លៃយ៉ាងតិច ៦,៨៥ លានដុល្លារ៕