លោក យ៉ាន ចាន់លី បានទៅរៀនចិញ្ចឹមរុយ នៅអ៊ីស្រាអែល

បទយកការណ៍ / បទសម្ភាសន៍

លោក យ៉ាន ចាន់លី បានទៅរៀនចិញ្ចឹមរុយ នៅអ៊ីស្រាអែល

26, Jun 2017 , 8:59 am

រូបភាព

ដោយ:

ភ្នំពេញ៖ លោក យ៉ាន ចាន់លី និស្សិតខ្មែរម្នាក់ បានទៅធ្វើការងារនៅប្រទេសអ៊ីស្រាអែលនៅក្នុងកសិដ្ឋានចិញ្ចឹមរុយ។ រយៈពេល១ឆ្នាំនៃការងាររបស់ខ្លួន ចាន់លី ទទួលបានបទពិសោធថ្មីក្នុងជីវិតរបស់ខ្លួន ដោយស្គាល់ និងយល់ដឹងយ៉ាងច្បាស់អំពីវិធីសាស្ត្រចិញ្ចឹមសត្វរុយ ដើម្បីបង្កើតជាចំណីដល់សត្វល្អិតមានប្រយោជន៍ ដែលគេយកសត្វល្អិតទាំងនោះ លក់ឲ្យទៅកសិដ្ឋានចិញ្ចឹមសត្វនានា ក្នុងតម្លៃ១៥០ដុល្លារក្នុងមួយគីឡូក្រាម។

លោក យ៉ាន ចាន់លី និស្សិតនៃសាកលវិទ្យាល័យភូមិន្ទកសិកម្ម(ចម្ការដូង) បានប្រឡងជាប់កម្មវិធី Israel Internship Program ទៅសិក្សា និងធ្វើការងារនៅប្រទេសអ៊ីស្រាអែលរយៈពេលមួយឆ្នាំ(២០១៥-២០១៦) នៅកសិដ្ឋានចិញ្ចឹមសត្វរុយ។

អង្គុយក្នុងទីធ្លាសាកលវិទ្យាល័យភូមិន្ទកសិកម្ម និស្សិតវ័យ២៣ឆ្នាំ និងមានស្រុកកំណើតនៅខេត្តបន្ទាយមានជ័យរូបនេះ បានចែករំលែកបទពិសោធនៃការងាររបស់ខ្លួននៅក្នុងកសិដ្ឋានចិញ្ចឹមរុយដោយរៀបរាប់ ថា ការចិញ្ចឹមសត្វរុយ មិនមែនដើម្បីបង្កើតសត្វរុយនោះឡើយ ប៉ុន្តែ គោលដៅនៃការចិញ្ចឹមរុយ គឺដើម្បីសម្លាប់រុយ ឬកាត់បន្ថយចំនួនរុយនៅកសិដ្ឋានចិញ្ចឹមសត្វនានា ដែលតែងតែកើតឡើងជាស្វ័យប្រវត្តិពីគំនរលាមកសត្វ។

លោកបន្តថា ការចិញ្ចឹមរុយ ធ្វើឡើងដើម្បីយកដុកឌឺរបស់រុយ សម្រាប់ជាចំណីរបស់សត្វអូម៉ាស់បារ៉ាសិត ដែលជាសត្វមានប្រយោជន៍សម្រាប់ប្រើក្នុងកសិដ្ឋានចិញ្ចឹមសត្វ ដោយប្រើវាឲ្យទៅស៊ីដុកឌឺរបស់រុយ ដើម្បីកុំឲ្យដុកឌឺរុយ ញាស់ក្លាយជាសត្វរុយពេញវ័យ។

លោកនិយាយដូច្នេះថា៖«សត្វគោ កាលណាមានការរំខានពីពពួករុយ នឹងធ្វើឲ្យកន្ទុយវាបក់ចុះឡើង ហើយទឹកដោះគោ ក៏បាត់បង់ផលិតភាពដែរ។ ដូច្នេះ គេប្រើវិធីធម្មជាតិ ដោយការចិញ្ចឹមរុយដើម្បីសម្លាប់រុយ»៕

ដើម្បីជ្រាបលម្អិត សូមអញ្ជើញស្តាប់ការពន្យល់របស់លោក យ៉ាន ចាន់លី តាមរយៈការសាកសួររបស់លោក រ៉ឹម ភារី អ្នកយកព័ត៌មានរបស់គេហទំព័រថ្មីៗ ដូចតទៅ៖