ចំណូលពីអនុផលព្រៃឈើក្នុងខែឧសភា ទទួលបានជិត២លានដុល្លារ

ជាតិ

ចំណូលពីអនុផលព្រៃឈើក្នុងខែឧសភា ទទួលបានជិត២លានដុល្លារ

27, Jun 2017 , 7:59 am

រូបភាព

ដោយ:

ភ្នំពេញ៖ ក្រសួងកសិកម្ម បានប្រកាសពីចំណូលពីអនុផលព្រៃឈើក្នុងខែឧសភា ក្នុងទឹកប្រាក់ជាង៧ពាន់លានរៀល ស្មើជិត២លានដុល្លារសហរដ្ឋអាមេរិក។

របាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានបង្ហាញតួលេខថា ក្នុងខែឧសភា ឆ្នាំ២០១៧ ចំណូលពីថ្លៃសួយសារនៃអនុផលព្រៃឈើទទួលបានចំនួន ៦,៨៧៤,៦២០,៣២១ រៀល និងសេវាសាធារណៈក្នុងវិស័យនេះ ទទួលបាន ៥៩៣,៧៤១,២៨៦ រៀល និង ៣៩,៧៣៨,៤៣ដុល្លារ ពោលបើបូកសរុបទាំងអស់ ការប្រមូលចំណូលពីវិស័យព្រៃឈើ គឺទទួលបាន ៧,៦៣០,៤៩៤,៤០១,៤ រៀលស្មើនឹង ១,៨៧០,២១៩ ដុល្លារសហរដ្ឋអាមេរិក។

បើទោះរដ្ឋទទួលបានចំណូលពីវិស័យព្រៃឈើជិត២លានដុល្លារក្នុងខែឧសភាក៏ដោយ ប៉ុន្តែរបាយការណ៍ដដែល ក៏បង្ហាញថា មានសំណុំរឿងបទល្មើសព្រៃឈើ សត្វព្រៃ និងការរានទន្ទ្រានយកដីព្រៃ បានកើតឡើងក្នុងខែឧសភា មានចំនួន៦១ករណី ដោយបញ្ជូនទៅតុលាការចំនួន២៥ករណី និងពិន័យចំនួន៣៦ករណីផងដែរ៕