គួរដឹង! ឃុំឈ្មោះ «សំរោង» មាន១០ ដោយ CPP ឈ្នះ៧ CNRP ឈ្នះ៣

ជាតិ

នយោបាយជាតិ

គួរដឹង! ឃុំឈ្មោះ «សំរោង» មាន១០ ដោយ CPP ឈ្នះ៧ CNRP ឈ្នះ៣

27, Jun 2017 , 6:09 pm

រូបភាព

ដោយ: រួបរួម

នៅកម្ពុជា ឃុំឈ្មោះ «សំរោង» មានចំនួន១០ ។ យោងតាមលទ្ធផលនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ កាលពីថ្ងៃទី៤ ខែមិថុនា គណបក្សប្រជាជនកម្ពុជា បានឈ្នះចំនួន៧ឃុំ រីឯគណបក្សសង្គ្រោះជាតិបាន៣ឃុំ។

ឃុំសំរោងដែលគណបក្សប្រជាជនកម្ពុជា បានឈ្នះចំនួន៧ឃុំ ក្នុងនោះមាននៅស្រុកអូរជ្រៅ ខេត្តបន្ទាយមានជ័យ ក្នុងខណ្ឌព្រែកភ្នៅ រាជធានីភ្នំពេញ ក្នុងស្រុកក្រវាញ ខេត្តពោធ៍សាត់ ក្នុងស្រុកចន្ទ្រា ខេត្តស្វាយរៀង ក្នុងស្រុកសំរោង ខេត្តឧត្តរមានជ័យ ក្នុងស្រុកសំរោង និងស្រុកត្រាំកក់ ខេត្តតាកែវ។

ដោយឡែក ឃុំសំរោង៣ផ្សេងទៀតដែលគណបក្សសង្គ្រោះជាតិបានឈ្នះមាន ឃុំសំរោងក្នុងស្រុកព្រៃឈរ ខេត្តកំពង់ចាម ឃុំសំរោងក្នុងស្វាយអន្ទរ ខេត្តព្រៃវែង និងឃុំសំរោងក្នុងស្រុកសូទ្រនិគម ខេត្តសៀមរាប។

យោងតាមលទ្ធផលផ្លូវការដែលចេញផ្សាយដោយគណៈកម្មាធិការជាតិរៀបចំការបោះឆ្នោត (គ.ជ.ប) មានតែគណបក្សប្រជាជនកម្ពុជា និងគណបក្សសង្គ្រោះជាតិប៉ុណ្ណោះដែលទទួលបានអាសនៈនៅឃុំដែលមានឈ្មោះថា «សំរោង»។

១-ឃុំសំរោង ស្រុកអូរជ្រៅ ខេត្តបន្ទាយមានជ័យ៖ CPP ៥ CNRP ២
២.ឃុំសំរោង ស្រុកព្រៃឈរ ខេត្តកំពង់ចាម៖ CPP ៣ CNRP ៤
៣. សង្កាត់សំរោង ខណ្ឌព្រែកព្នៅ រាជធានីភ្នំពេញ៖ CPP ៤ CNRP ៣
៤. ឃុំសំរោង ស្រុកស្វាយអន្ទរ ខេត្តព្រៃវែង៖ CPP ៣ CNRP ៤
៥. ឃុំសំរោង ស្រុកក្រវាញ ខេត្តពោធិ៍សាត់៖ CPP ៦ CNRP ៣
៦. ឃុំសំរោង ស្រុកសូទ្រនិគម ខេត្តសៀមរាប៖ CPP ៣ CNRP ៤
៧. ឃុំសំរោង ស្រុកចន្ទ្រា ខេត្តស្វាយរៀង៖ CPP ៣ CNRP ២
៨. ឃុំសំរោង ស្រុកសំរោង ខេត្តតាកែវ៖ CPP ៤ CNRP ៣
៩. ឃុំសំរោង ស្រុកត្រាំកក់ ខេត្តតាកែវ៖ CPP ៣ CNRP ២
១០. សង្កាត់សំរោង ក្រុងសំរោង ខេត្តឧត្តរមាជ័យ៖ CPP ៧ CNRP ៤

ក្នុងចំណោមឃុំដែលមានឈ្មោះ «សំរោង» ទាំង១០ គណបក្សដែលឈ្នះឆ្នោត សុទ្ធតែទទួលបានតំណែងមេឃុំ និងជំទប់ទីមួយ រីឯគណបក្សបន្ទាប់ បានតំណែងជំទប់ទីពីរ។

ឃុំផ្សេងទៀត ដែលភ្ជាប់ជាមួយពាក្យសំរោងផងដែរនោះ មានដូចជា ចំការសំរោង សំរោងក្នុង កោះសំរោង សំរោងសែន តាំងសំរោង សំរោងទង សំរោងលើ សំរោងក្រោម ស្រែសំរោង កំពង់សំរោង សំរោងធំ សំរោងយា ជាដើម៕