ពីនេះ ពីនោះ
ប្រយ័ត្នប្រើពាក្យ «រាជ» និង «រាជ្យ» ច្រឡំអត្ថន័យគ្នា!
× សធារណជនភាគច្រើនសរសេរពាក្យ «រាជ» និង «រាជ្យ» ច្រឡំអត្ថន័យគ្នា ដែលពួកគេមិនច្បាស់ថា ពាក្យមួយណាត្រូវប្រើក្នុងន័យណាមួយឡើយ។ វចនានុក្រមខ្មែរសម្តេច ជួនណាត បានពន្យល់សព្ទទាំងពីរនេះយ៉ាងដូច្នេះថា៖
ពាក្យ «រាជ» ជានាម បើដាក់រៀងពីខាងដើមសព្ទដទៃ ដូចជា៖ រាជទូត, រាជធានី, រាជបុត្រ, រាជបម្រើ, រាជប្រកាស ជាដើម។ បើរៀងពីខាងចុងសព្ទដទៃ ដូចជា៖ នាគរាជ, ប្រទេសរាជ, មហារាជ, អធិរាជ, ឯករាជ ជាដើម។
រីឯពាក្យ «រាជ្យ» ជានាម មានន័យថា ភាវៈជាព្រះរាជា; សម្បត្តិសម្រាប់ផែនដី, ស្រុកទេសដែលជាសម្បត្តិរបស់ព្រះរាជា; ការគ្រប់គ្រងផែនដី។ ឧទាហរណ៍៖ សោយរាជ្យ, ដណ្ដើមរាជ្យ, ក្សត្រិយ៍ទ្រង់រាជ្យ, ប្រាំរាជ្យមកហើយ។ល៕
© រក្សាសិទ្ធិដោយ thmeythmey.com