កីឡាអន្តរជាតិ
អន្តរជាតិ
Barcelona ទិញខ្សែការពារម្នាក់ពីក្រុមក្នុងក្របខណ្ឌទី៣អង់គ្លេស?
× ក្លិបយក្យរបស់អេស្ប៉ាញ FC Barcelona បានទិញខ្សែការពារម្នាក់ពីក្រុម Oldham Athletic នៃក្របខណ្ឌទី៣ របស់អង់គ្លេស។ នេះជាព័ត៌មានបោកប្រាស់ក្នុងន័យលេងសើចរបស់អតីតសមាជិកក្រុម Liverpool កីឡាករ Ryan McLaughlin ប៉ុណ្ណោះ ដែលបានបង្ហោះក្នុងបណ្តាញសង្គម Twitter របស់ខ្លួន។
បើតាមការចុះផ្សាយរបស់គេហទំព័រផ្លូវការរបស់ Liverpool ខ្សែការពារក្រុម Oldham Athletic វ័យ ២២ឆ្នាំរូបនេះ បានបង្ហោះសារខ្លីមួយលើ Twitter របស់ខ្លួនថា៖« សូមថ្លែងអំណរគុណចំពោះសាររបស់អ្នកទាំងអស់គ្នា សម្រាប់ការចាប់ផ្តើមជាមួយក្លឹបធំមួយដូចជា Barcelonaនេះ។ វាជាកិត្តិយសណាស់»។ តាមពីវាជាសារបោកប្រាស់ និងកំប្លែងតែប៉ុណ្ណោះ។
ខ្សែការពារសញ្ជាតិ អៀឡង់ខាងជើងបានមកចូលរួមជាមួយហង្សក្រហមកាលពីឆ្នាំ២០១៤ ហើយត្រូវបាន Barnsley ខ្ចីជើង២រដូវកាល មុនពេលទៅចូលរួមជាមួយ Oldham នៅរដូវកាលមុន។
ក្នុងដំណើរកំសាន្តទៅកាន់ប្រទេសអេស្ប៉ាញ កាលពីថ្ងៃទី២ ខែកក្កដា McLaughlin បានបង្ហោះរូបមួយសន្លឹកដោយកាន់អាវសម្រាប់រដូវកាលថ្មីរបស់ក្រុមអ្នកមានបុណ្យក្នុងកីឡដ្ឋាន Nou Camp ហើយថែមទាំងថារូបគេត្រូវបានចុះហត្ថលេខាជាមួយ Barcelona ទៀតផង។
យ៉ាងណាក៏ដោយវាជារឿងដ៏កម្រមួយសម្រាប់កីឡាករម្នាក់ដែលហ៊ានបង្ហោះសារបែបលេងសើចដោយប្រកាសថាខ្លួនបានទៅចូលរួមជាមួយក្រុមផ្សេងទៀតបែបនេះនោះ៕
Tag:
បាល់ទាត់
Barcelona
Ryan McLaughlin
© រក្សាសិទ្ធិដោយ thmeythmey.com