​បើតាម The Guardian ម្ចាស់​ក្លិប​ជនជាតិ​ចិន​លោក Tony Xia បានប្រកាស​នៅលើ​បណ្តាញ​សង្គម Twitter ថា​សូម​ស្វាគមន៍​ការមកដល់​ទីក្រុង Birmingham របស់ John Terry ដើម្បី​ចូលរួម​ជាមួយ Aston Villa នៃ​ក្របខណ្ឌ​ទី​២​អង់គ្លេស Championship នេះ​។​
 

​ខ្សែការពារ​វ័យ​៣៦​ឆ្នាំ បាន​ផុត​កិច្ចសន្យា​ជាមួយ​ម្ចាស់​ជើងឯក Premier League កាលពី​ថ្ងៃទី​៣០ ខែមិថុនា​កន្លងទៅ​។ 
 

Terry ធ្លាប់​បង្ហាញខ្លួន​ឲ្យ​ក្រុម​ជម្រើសជាតិ​អង់គ្លេស ៧៨​ដង និង​ក្រុម​តោ​ខៀវ Chelsea រហូតដល់​ទៅ ៧១៧​ប្រកួត ហើយ​ជួយ​ក្រុម​នេះ​ឈ្នះ​ជើងឯក​ពាន​ក្របខណ្ឌ​កំពូល​អង់គ្លេស ៥​សម័យកាល និង UEFA Champion League មួយ​លើក​។​
 

​សម្រាប់ Aston Villa បានបញ្ចប់​ទៅក្នុង​ចំណាត់ថ្នាក់​ទី ១៣ នៅ Championship កាលពី​រដូវ​កាល​មុន ប៉ុន្តែ​ក្រុម​របស់លោក Steve Bruce មួយ​នេះ បានដាក់​គោលដៅ​ដើម្បី​ឡើងទៅ​កាន់ Premier League វិញ​នៅរ​ដូ​ល​កាល​ក្រោយ​អោយបាន​៕

 

​