កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Everton បានចុះហត្ថលេខានាំយកខ្សែការពារ Michael Keane ពីក្រុម Burnley ក្នុងតម្លៃ ៣០លានផោន ប្រហែល ៣៨លានដុល្លារ។ ការផ្ទេនេះ Manchester United អាចទទួលបាន២៥ភាគរយនៅពេល Burnely លក់អតីតកូនក្រុម Keane ទៅឲ្យក្រុមណាមួយ ព្រោះបានចែងលក្ខខណ្ឌក្នុងកិច្ចសន្យា កាលពីឆ្នាំ២០១៥។ នេះបើតាមការចុះផ្សាយរបស់ BBC។
ខ្សែការពារដែលទើបជាប់ជម្រើសជាតិអង់គ្លេស វ័យ២៤ឆ្នាំរូបនេះ បានយល់ព្រមចុះកិច្ចសន្យារយៈពេល៥ឆ្នាំ នៅទឹកដី Goodison Park។ អតីតយុវជនរបស់ក្រុមបិសាចក្រហមនេះ ជាសមាជិកទី៥ហើយដែល Everton នាំយកមកដើម្បីពង្រឹងក្រុមក្នុងរដូវកាលថ្មីខាងមុខ ជាមួយនឹងការចំណាយទឹកប្រាក់សរុបអស់ជាង៩០លានផោន ប្រមាណ១១៦លានដុល្លារ។
Michael Keane បានចាកចេញពី Man Utd ទៅចូលរួមជាមួយ Burnely ក្នុងតម្លៃតែជាង២លានដុល្លារប៉ុណ្ណោះកាលពី២ឆ្នាំមុន អំឡុងពេលដឹកនាំរបស់លោក Louis van Gaal។ ក្រោយពីបង្ហាញខ្លួន២រដូវកាលបានយ៉ាងល្អនោះ ក៏ត្រូវបានលោក Ronald Koeman អ្នកចាត់ការទូទៅ Everton សម្រេចយកមករួមក្រុមតែម្តង។
«Keane គឺខ្លាំងក្នុងចំណោមកីឡាករដែលយើងចង់នាំយកមកទីនេះ ហើយខ្ញុំពិតជារីករាយណាស់ដែលគាត់ព្រមចូលរួមជាមួយយើង»។ នេះជាការលើកឡើងរបស់ អ្នកចាត់ការសញ្ជាតិហូឡង់ Koeman ហើយលោកបន្ថែមទៀតថា៖«យើងដឹងថានេះជាការប្រកួតប្រជែងជាមួយក្រុមដ៏ទៃ ប៉ុន្តែ Keane ជឿជាក់លើមហិច្ឆតារបស់ Everton និងអ្វីដែលក្រុមចង់ធ្វើសម្រាប់រដូវកាលថ្មីខាងមុខនេះ»៕
ខ្សែការពារដែលទើបជាប់ជម្រើសជាតិអង់គ្លេស វ័យ២៤ឆ្នាំរូបនេះ បានយល់ព្រមចុះកិច្ចសន្យារយៈពេល៥ឆ្នាំ នៅទឹកដី Goodison Park។ អតីតយុវជនរបស់ក្រុមបិសាចក្រហមនេះ ជាសមាជិកទី៥ហើយដែល Everton នាំយកមកដើម្បីពង្រឹងក្រុមក្នុងរដូវកាលថ្មីខាងមុខ ជាមួយនឹងការចំណាយទឹកប្រាក់សរុបអស់ជាង៩០លានផោន ប្រមាណ១១៦លានដុល្លារ។
Michael Keane បានចាកចេញពី Man Utd ទៅចូលរួមជាមួយ Burnely ក្នុងតម្លៃតែជាង២លានដុល្លារប៉ុណ្ណោះកាលពី២ឆ្នាំមុន អំឡុងពេលដឹកនាំរបស់លោក Louis van Gaal។ ក្រោយពីបង្ហាញខ្លួន២រដូវកាលបានយ៉ាងល្អនោះ ក៏ត្រូវបានលោក Ronald Koeman អ្នកចាត់ការទូទៅ Everton សម្រេចយកមករួមក្រុមតែម្តង។
«Keane គឺខ្លាំងក្នុងចំណោមកីឡាករដែលយើងចង់នាំយកមកទីនេះ ហើយខ្ញុំពិតជារីករាយណាស់ដែលគាត់ព្រមចូលរួមជាមួយយើង»។ នេះជាការលើកឡើងរបស់ អ្នកចាត់ការសញ្ជាតិហូឡង់ Koeman ហើយលោកបន្ថែមទៀតថា៖«យើងដឹងថានេះជាការប្រកួតប្រជែងជាមួយក្រុមដ៏ទៃ ប៉ុន្តែ Keane ជឿជាក់លើមហិច្ឆតារបស់ Everton និងអ្វីដែលក្រុមចង់ធ្វើសម្រាប់រដូវកាលថ្មីខាងមុខនេះ»៕
Tag:
បាល់ទាត់
Michael Keane
Everton
Manchester United
Burnely
© រក្សាសិទ្ធិដោយ thmeythmey.com
