ជាតិ
បទយកការណ៍ / បទសម្ភាសន៍
ក្រោយស្វាយខ្មែរពេញនិយមក្នុងទីផ្សាអឺរ៉ុប លោក ម៉ុង ឫទ្ធី គ្រោងនាំផ្លែទុរេន និងផ្លែសាវម៉ាវ ទៅបន្ថែមទៀត
ហ្វេសប៊ុក៖ លោក ម៉ុង ឫទ្ធី ជួបជាមួយអ្នកបញ្ជាទិញនៅបារាំង កាលពីចុងខែមិថុនា
×![]()
ភ្នំពេញ៖ ក្រោយពីផ្លែស្វាយខ្មែរ បានទទួលគាំទ្រច្រើនក្នុងទីផ្សារអឺរ៉ុបនោះ ក្រុមហ៊ុន ម៉ុង ឫទ្ធី ក៏ត្រៀមបង្កើនបរិមាណផ្លែស្វាយបន្ថែមទៀត សម្រាប់ទិសដៅឆ្នាំ២០១៨ខាងមុខ ។ ក្រៅពីនាំយកផលិតផលស្វាយខ្មែរនេះ ក្រុមហ៊ុន ម៉ុង ឫទ្ធី ក៏គ្រោងនាំយកផលិតផលផ្លែទុរេន និងផ្លែសាវម៉ាវខ្មែរ ចូលទីអឺរ៉ុបផងដែរ។
ខាងក្រោមនេះជាកិច្ចសម្ភាសន៍រវាងលោក រំដួល ចិត្រា អ្នកសារព័ត៌មានថ្មីៗ ជាមួយលោក ម៉ុង ឫទ្ធី ជាសមាជិកព្រឹទ្ធសភា និងជាអគ្គនាយកក្រុមហ៊ុន ម៉ុង ឫទ្ធី ក្រុប ដូចតទៅ៖
លោក រំដួល ចិត្រា៖ លោកឧកញ៉ា ទើបតែត្រឡប់មកពីទស្សនកិច្ចនៅប្រទេសបារាំងវិញ ក្រោយពីបានជួបជាមួយអ្នកបញ្ជាទិញផ្លែស្វាយពីកម្ពុជា យកទៅចែកចាយនៅក្នុងសហគមន៍អឺរ៉ុប ។ ដូច្នេះខ្ញុំចង់ជម្រាបសួរលោកថា តើក្នុងជំនួបជាមួយអ្នកបញ្ជាទិញនោះ សម្រេចបានលទ្ធផលអ្វីបន្ថែមដែរទេ?
លោក ម៉ុង ឫទ្ធី៖ យើងបានព្រមព្រៀងគ្នាពីការបង្កើនបរិមាណផ្លែស្វាយ។ដោយសារកន្លងមក កាលពីឆ្នាំ២០១៦ ដល់២០១៧ នេះ យើងបាននាំផ្លែស្វាយចេញប្រហែលជាង៣០០តោនហើយ។ ដូច្នេះក្នុងឆ្នាំ២០១៧-២០១៨ខាងមុខនេះ គេ(អ្នកបញ្ជាទិញ)ស្នើឲ្យយើងធ្វើយ៉ាងផ្គត់ផ្គង់ស្វាយឲ្យបានលើស៥០០តោន សម្រាប់ផ្គត់ផ្គង់នៅក្នុងទីផ្សារអឺរ៉ុប។
លោក រំដួល ចិត្រា៖ តើចំនួនលើសពី៥០០តោន ដែលខាងអ្នកបញ្ជាទិញត្រូវការសម្រាប់ទីផ្សារអឺរ៉ុបនេះ ខាងក្រុមហ៊ុន ម៉ុង ឫទ្ធី ក្រុប នឹងអាចមានលទ្ធភាពផ្គត់ផ្គង់តាមតម្រូវបានដែរទេ?
លោក ម៉ុង ឫទ្ធី៖ ស្វាយយើងមានច្រើនលើសពីតម្រូវការនេះច្រើនដងណាស់។ ប៉ុន្តែសំខាន់លើគុណភាព ការវេចខ្ចប់ ការថែទាំ និងសុវត្ថិភាពចំណីអាហារ សំខាន់ជារឿងចំបងសម្រាប់ទីផ្សារអឺរ៉ុប។ ប៉ុន្តែបើតាមខ្ញុំមើលវាប្រហែលជាអាចផ្គត់ផ្គង់បានចំនួនប៉ុណ្ណឹង វាដូចអត់មានបញ្ហាអ្វីទេ។
លោក រំដួល ចិត្រា៖ ក្រោយពីផលិតផលស្វាយខ្មែរទទួលបានការគាំទ្រច្រើនហើយ ឃើញថាអ្នកបញ្ជាទិញនៅបារាំងនោះ ក៏ចង់ឲ្យក្រុមហ៊ុន ម៉ុង ឫទ្ធី ក្រុប នាំចូលនូវកសិផលផ្លែទុរេន និងផ្លែសាវម៉ាវបន្ថែមទៀតដែរ។ នេះបើតាមលោកឧកញ៉ា បានសរសេរលើហ្វេសប៊ុក។ ដូច្នេះតើក្រុមហ៊ុន ម៉ុង ឫទ្ធី នឹងត្រៀមខ្លួនបែបណាដែរ សម្រាប់ការនាំយកផលិតផលខ្មែរនេះ ចូលក្នុងទីផ្សារអឺរ៉ុបទៀតនោះ? តើនឹងចាប់ផ្ដើមដំណើការនៅពេលណាដែរ?
លោក ម៉ុង ឫទ្ធី៖ តាមពិតទៅយើងបានសិក្សាជាមួយគ្នា(អ្នកបញ្ជាទិញ) ទៅវិញទៅមកជាច្រើនលើកច្រើនសារទៅហើយ អ្នកបញ្ជាទិញមកមើលផ្ទាល់តែម្ដងលើកសិផលផ្លែទុរេន និងសាវម៉ាវ។ ហើយមិនមែនតែរបស់ខ្ញុំទេ កុំឲ្យច្រឡំ។ ផ្លែទុរេន និងសាវម៉ាវ គឺជារបស់កសិករយើង ហើយកសិផលរបស់ខ្ញុំគ្រាន់តែមានខ្លះទេ។ ដូច្នេះកសិផលរបស់កសិករយើង គេបានមកសិក្សាហើយមើលទៅវាអាចចាប់ផ្ដើមទៅបាន ហើយនឹងដំណើការគឺនៅឆ្នាំ២០១៧-២០១៨។
លោក រំដួល ចិត្រា៖ ដូចនេះបានន័យថា ក្នុងឆ្នាំ២១០៧-២០១៨នេះ ក្រុមហ៊ុន ម៉ុងឫទ្ធី ក្រុប នឹងនាំចេញទាំងផ្លែស្វាយផង ទាំងទុរេន និងសាវម៉ាវ ផង។
លោក ម៉ុង ឫទ្ធី៖ បាទ! ប៉ុន្តែផ្លែសាវម៉ាវ និងទុរេន យើងនាំចេញមិនបានច្រើនទេ តែយើងត្រូវធ្វើម៉េចចាប់ផ្តើមនាំចេញសិន។ ហើយខាងគេ(អ្នកបញ្ជាទិញ)នោះ ទោះបីជាយើងមានប៉ុន្មានតោនក៏គេទទួលយកដែរ ព្រោះទីផ្សារគេធំណាស់ ហើយគេត្រូវការផលិតផលដែលមានគុណភាពល្អ (គ្មានជាតិគីមី)។ ហើយសំខាន់ទាល់តែយើងព្រមព្រៀងគ្នាហើយ គេនឹងមកបង្រៀនយើង ថាយើងត្រូវរៀបចំធ្វើយ៉ាងម៉េចសិន។ ដូចជាការវេចខ្ចប់បិតតែមត្រឹមត្រូវ ។ ចំណែកផ្លែសាវម៉ាវ យើងអាចនាំយកទាំងសំបកទៅបាន ហើយផ្លែទុរេនទាល់តែយើងត្រូវបកសំបកដាក់ប្រអប់វិញខ្ចប់តាមរបៀបគេសិន។ នេះហើយជាការចាប់ផ្ដើម។ បើយើងមិនចាប់ផ្ដើមវាក៏អត់មានជំហានទី១ ទី២ និងទី៣ដែរ ដូច្នេះទាល់តែយើងត្រូវបោះជំហានទី១ ទី២ និងទី៣ទៅមុខ។
លោក រំដួល ចិត្រា៖ តើក្រុមហ៊ុន ម៉ុង ឫទ្ធី ក្រុប នឹងចាប់ផ្ដើមសហការជាមួយប្រជាកសិករនៅក្នុងតំបន់ណាខ្លះ ដើម្បីអាចប្រមូលផ្លែទុរេន និងផ្លែសាវម៉ាវ សម្រាប់នាំយកទៅផ្គត់ផ្គង់ក្នុងទីផ្សារអឺរ៉ុបនេះ?
លោក ម៉ុង ឫទ្ធី៖ ផ្លែទុរេន និងផ្លែសាវម៉ាវ គឺមានតែតំបន់ខេត្តជាប់ឆ្នេរដូចជាកំពង់សោម កំពត ដែលសំបូរផ្លែសាវម៉ាវច្រើន ហើយមកខាងកោះកុង ក៏មានផ្លែសាវម៉ាវ និងទុរេនច្រើនដែរ។ ប៉ុន្តែបើសិនជាតម្លៃនៃការវេចខ្ចប់ផ្លែទុរេន និងសាវម៉ាវ មានតម្លៃល្អ យើងនឹងបង្កើនការដាំដុះផ្លែទុរេន និងសាវម៉ាវ នៅទីនោះបន្ថែមទៀត។
លោក រំដួល ចិត្រា៖ តាមរយៈការនាំចេញផលិតផលកសិកម្មខ្មែរ ចូលទីផ្សារអឺរ៉ុបនេះ តើលោកឧកញ៉ា សង្កេតឃើញពីកម្រិតជីវភាពប្រជាកសិករ ដែលបានសហការជាមួយក្រុមហ៊ុន ម៉ុង ឫទ្ធី ក្រុបកន្លងមកនេះ ទទួលបានកម្រិតជីវភាពយ៉ាងដូចម្ដេចដែរ?
លោក ម៉ុង ឫទ្ធី៖ អត់មានបញ្ហាអ្វីទេ។ ព្រោះកន្លងមកដំណើរការល្អ ហើយកសិករ គាត់សប្បាយទាំងពីតម្លៃកសិកម្ម និងការទទួលបានការបង្រៀនចេះថែទាំដំណាំឲ្យមានគុណភាពនេះ គាត់ក៏សប្បាយចិត្តព្រោះពីមុនមកគាត់គ្មានលទ្ធភាព។
លោក រំដួល ចិត្រា៖ ជាចុងក្រោយ តើលោកឧកញ៉ា មានសុទិដ្ឋិនិយមដូចម្ដេចដែរ ចំពោះផលិតផលកសិកម្មខ្មែរ ដែលមានឈ្មោះនៅក្នុងទីផ្សារអឺរ៉ុបនេះ?
លោក ម៉ុង ឫទ្ធី៖ ការពិតទៅខ្ញុំលះបង់កម្លាំងកាយចិត្ត ពេលវេលា និងថវិកាទាំងអស់ គឺដើម្បីជួយឲ្យកសិករខ្មែរយើង បាននាំយកកសិផលរបស់គាត់ ទៅឲ្យទីផ្សារសហគមន៍អឺរ៉ុបបានស្គាល់ ហើយក៏បានដាក់ឈ្មោះជា កសិផលរបស់ខ្មែរយើង។ ដូចនេះវាជាមោទនភាពរបស់ខ្ញុំ ដែលខ្ញុំអាចធ្វើបាន៕
ខាងក្រោមនេះជាកិច្ចសម្ភាសន៍រវាងលោក រំដួល ចិត្រា អ្នកសារព័ត៌មានថ្មីៗ ជាមួយលោក ម៉ុង ឫទ្ធី ជាសមាជិកព្រឹទ្ធសភា និងជាអគ្គនាយកក្រុមហ៊ុន ម៉ុង ឫទ្ធី ក្រុប ដូចតទៅ៖
លោក រំដួល ចិត្រា៖ លោកឧកញ៉ា ទើបតែត្រឡប់មកពីទស្សនកិច្ចនៅប្រទេសបារាំងវិញ ក្រោយពីបានជួបជាមួយអ្នកបញ្ជាទិញផ្លែស្វាយពីកម្ពុជា យកទៅចែកចាយនៅក្នុងសហគមន៍អឺរ៉ុប ។ ដូច្នេះខ្ញុំចង់ជម្រាបសួរលោកថា តើក្នុងជំនួបជាមួយអ្នកបញ្ជាទិញនោះ សម្រេចបានលទ្ធផលអ្វីបន្ថែមដែរទេ?
លោក ម៉ុង ឫទ្ធី៖ យើងបានព្រមព្រៀងគ្នាពីការបង្កើនបរិមាណផ្លែស្វាយ។ដោយសារកន្លងមក កាលពីឆ្នាំ២០១៦ ដល់២០១៧ នេះ យើងបាននាំផ្លែស្វាយចេញប្រហែលជាង៣០០តោនហើយ។ ដូច្នេះក្នុងឆ្នាំ២០១៧-២០១៨ខាងមុខនេះ គេ(អ្នកបញ្ជាទិញ)ស្នើឲ្យយើងធ្វើយ៉ាងផ្គត់ផ្គង់ស្វាយឲ្យបានលើស៥០០តោន សម្រាប់ផ្គត់ផ្គង់នៅក្នុងទីផ្សារអឺរ៉ុប។
លោក រំដួល ចិត្រា៖ តើចំនួនលើសពី៥០០តោន ដែលខាងអ្នកបញ្ជាទិញត្រូវការសម្រាប់ទីផ្សារអឺរ៉ុបនេះ ខាងក្រុមហ៊ុន ម៉ុង ឫទ្ធី ក្រុប នឹងអាចមានលទ្ធភាពផ្គត់ផ្គង់តាមតម្រូវបានដែរទេ?
លោក ម៉ុង ឫទ្ធី៖ ស្វាយយើងមានច្រើនលើសពីតម្រូវការនេះច្រើនដងណាស់។ ប៉ុន្តែសំខាន់លើគុណភាព ការវេចខ្ចប់ ការថែទាំ និងសុវត្ថិភាពចំណីអាហារ សំខាន់ជារឿងចំបងសម្រាប់ទីផ្សារអឺរ៉ុប។ ប៉ុន្តែបើតាមខ្ញុំមើលវាប្រហែលជាអាចផ្គត់ផ្គង់បានចំនួនប៉ុណ្ណឹង វាដូចអត់មានបញ្ហាអ្វីទេ។
លោក រំដួល ចិត្រា៖ ក្រោយពីផលិតផលស្វាយខ្មែរទទួលបានការគាំទ្រច្រើនហើយ ឃើញថាអ្នកបញ្ជាទិញនៅបារាំងនោះ ក៏ចង់ឲ្យក្រុមហ៊ុន ម៉ុង ឫទ្ធី ក្រុប នាំចូលនូវកសិផលផ្លែទុរេន និងផ្លែសាវម៉ាវបន្ថែមទៀតដែរ។ នេះបើតាមលោកឧកញ៉ា បានសរសេរលើហ្វេសប៊ុក។ ដូច្នេះតើក្រុមហ៊ុន ម៉ុង ឫទ្ធី នឹងត្រៀមខ្លួនបែបណាដែរ សម្រាប់ការនាំយកផលិតផលខ្មែរនេះ ចូលក្នុងទីផ្សារអឺរ៉ុបទៀតនោះ? តើនឹងចាប់ផ្ដើមដំណើការនៅពេលណាដែរ?
លោក ម៉ុង ឫទ្ធី៖ តាមពិតទៅយើងបានសិក្សាជាមួយគ្នា(អ្នកបញ្ជាទិញ) ទៅវិញទៅមកជាច្រើនលើកច្រើនសារទៅហើយ អ្នកបញ្ជាទិញមកមើលផ្ទាល់តែម្ដងលើកសិផលផ្លែទុរេន និងសាវម៉ាវ។ ហើយមិនមែនតែរបស់ខ្ញុំទេ កុំឲ្យច្រឡំ។ ផ្លែទុរេន និងសាវម៉ាវ គឺជារបស់កសិករយើង ហើយកសិផលរបស់ខ្ញុំគ្រាន់តែមានខ្លះទេ។ ដូច្នេះកសិផលរបស់កសិករយើង គេបានមកសិក្សាហើយមើលទៅវាអាចចាប់ផ្ដើមទៅបាន ហើយនឹងដំណើការគឺនៅឆ្នាំ២០១៧-២០១៨។
លោក រំដួល ចិត្រា៖ ដូចនេះបានន័យថា ក្នុងឆ្នាំ២១០៧-២០១៨នេះ ក្រុមហ៊ុន ម៉ុងឫទ្ធី ក្រុប នឹងនាំចេញទាំងផ្លែស្វាយផង ទាំងទុរេន និងសាវម៉ាវ ផង។
លោក ម៉ុង ឫទ្ធី៖ បាទ! ប៉ុន្តែផ្លែសាវម៉ាវ និងទុរេន យើងនាំចេញមិនបានច្រើនទេ តែយើងត្រូវធ្វើម៉េចចាប់ផ្តើមនាំចេញសិន។ ហើយខាងគេ(អ្នកបញ្ជាទិញ)នោះ ទោះបីជាយើងមានប៉ុន្មានតោនក៏គេទទួលយកដែរ ព្រោះទីផ្សារគេធំណាស់ ហើយគេត្រូវការផលិតផលដែលមានគុណភាពល្អ (គ្មានជាតិគីមី)។ ហើយសំខាន់ទាល់តែយើងព្រមព្រៀងគ្នាហើយ គេនឹងមកបង្រៀនយើង ថាយើងត្រូវរៀបចំធ្វើយ៉ាងម៉េចសិន។ ដូចជាការវេចខ្ចប់បិតតែមត្រឹមត្រូវ ។ ចំណែកផ្លែសាវម៉ាវ យើងអាចនាំយកទាំងសំបកទៅបាន ហើយផ្លែទុរេនទាល់តែយើងត្រូវបកសំបកដាក់ប្រអប់វិញខ្ចប់តាមរបៀបគេសិន។ នេះហើយជាការចាប់ផ្ដើម។ បើយើងមិនចាប់ផ្ដើមវាក៏អត់មានជំហានទី១ ទី២ និងទី៣ដែរ ដូច្នេះទាល់តែយើងត្រូវបោះជំហានទី១ ទី២ និងទី៣ទៅមុខ។
លោក រំដួល ចិត្រា៖ តើក្រុមហ៊ុន ម៉ុង ឫទ្ធី ក្រុប នឹងចាប់ផ្ដើមសហការជាមួយប្រជាកសិករនៅក្នុងតំបន់ណាខ្លះ ដើម្បីអាចប្រមូលផ្លែទុរេន និងផ្លែសាវម៉ាវ សម្រាប់នាំយកទៅផ្គត់ផ្គង់ក្នុងទីផ្សារអឺរ៉ុបនេះ?
លោក ម៉ុង ឫទ្ធី៖ ផ្លែទុរេន និងផ្លែសាវម៉ាវ គឺមានតែតំបន់ខេត្តជាប់ឆ្នេរដូចជាកំពង់សោម កំពត ដែលសំបូរផ្លែសាវម៉ាវច្រើន ហើយមកខាងកោះកុង ក៏មានផ្លែសាវម៉ាវ និងទុរេនច្រើនដែរ។ ប៉ុន្តែបើសិនជាតម្លៃនៃការវេចខ្ចប់ផ្លែទុរេន និងសាវម៉ាវ មានតម្លៃល្អ យើងនឹងបង្កើនការដាំដុះផ្លែទុរេន និងសាវម៉ាវ នៅទីនោះបន្ថែមទៀត។
លោក រំដួល ចិត្រា៖ តាមរយៈការនាំចេញផលិតផលកសិកម្មខ្មែរ ចូលទីផ្សារអឺរ៉ុបនេះ តើលោកឧកញ៉ា សង្កេតឃើញពីកម្រិតជីវភាពប្រជាកសិករ ដែលបានសហការជាមួយក្រុមហ៊ុន ម៉ុង ឫទ្ធី ក្រុបកន្លងមកនេះ ទទួលបានកម្រិតជីវភាពយ៉ាងដូចម្ដេចដែរ?
លោក ម៉ុង ឫទ្ធី៖ អត់មានបញ្ហាអ្វីទេ។ ព្រោះកន្លងមកដំណើរការល្អ ហើយកសិករ គាត់សប្បាយទាំងពីតម្លៃកសិកម្ម និងការទទួលបានការបង្រៀនចេះថែទាំដំណាំឲ្យមានគុណភាពនេះ គាត់ក៏សប្បាយចិត្តព្រោះពីមុនមកគាត់គ្មានលទ្ធភាព។
លោក រំដួល ចិត្រា៖ ជាចុងក្រោយ តើលោកឧកញ៉ា មានសុទិដ្ឋិនិយមដូចម្ដេចដែរ ចំពោះផលិតផលកសិកម្មខ្មែរ ដែលមានឈ្មោះនៅក្នុងទីផ្សារអឺរ៉ុបនេះ?
លោក ម៉ុង ឫទ្ធី៖ ការពិតទៅខ្ញុំលះបង់កម្លាំងកាយចិត្ត ពេលវេលា និងថវិកាទាំងអស់ គឺដើម្បីជួយឲ្យកសិករខ្មែរយើង បាននាំយកកសិផលរបស់គាត់ ទៅឲ្យទីផ្សារសហគមន៍អឺរ៉ុបបានស្គាល់ ហើយក៏បានដាក់ឈ្មោះជា កសិផលរបស់ខ្មែរយើង។ ដូចនេះវាជាមោទនភាពរបស់ខ្ញុំ ដែលខ្ញុំអាចធ្វើបាន៕
Tag:
ម៉ុង ឫទ្ធី
កសិកម្ម
© រក្សាសិទ្ធិដោយ thmeythmey.com
