កីឡាជាតិ
ស៊ីហ្គេមលើកទី២៩៖ ក្រុមបាល់ទាត់បុរសកម្ពុជា ប៉ះក្រុមខ្លាំង ថៃ វៀតណាម ហ្វីលីពីន និងឥណ្ឌូណេស៊ី
× ក្រុមបាល់ទាត់ជម្រើសជាតិកម្ពុជា ក្រោមអាយុ ២២ឆ្នាំ (U22) ផ្នែកបុរស ស្ថិតនៅពូល B មាន៦ក្រុម ត្រូវជួបក្រុមខ្លាំង ថៃ វៀតណាម ឥណ្ឌូណេស៊ី ហ្វីលីពីន និងទីម័រខាងកើត នាព្រឹត្តិការណ៍កីឡាស៊ីហ្គេមលើកទី២៩ ដែលម៉ាឡេស៊ីធ្វើជាម្ចាស់ផ្ទះ។ វិញ្ជាសាបាល់ទាត់បុរសនេះ ចែកចេញជាពីរពូល ដោយពូល A មាន៥ក្រុម ដូចជាម្ចាស់ផ្ទះ មេឡេស៊ី មីយ៉ាន់ម៉ា សិង្ហបុរី ប្រ៊ុយណេ និង ឡាវ។
ព្រឹត្តិការណ៍កីឡាប្រចាំតំបន់អាស៊ានលើកទី២៩ នឹងធ្វើពិធីបើកជាផ្លូវការនៅថ្ងៃទី១៩ខែសីហា នាទីក្រុងគូឡាឡាំពួប្រទេសម៉ាឡេស៊ី និងបិទបញ្ចប់វិញនៅថ្ងៃទី៣១សីហា ប៉ុន្តែត្រូវបានផ្លាស់ប្តូរកាលវិភាគមកបិទថ្ងៃទី៣០សីហាវិញ ដោយសារជាន់ថ្ងៃគ្នាជាមួយនឹងកម្មវិធីបុណ្យសាសនាអ៊ីស្លាម Hari Raya Haji។៕
© រក្សាសិទ្ធិដោយ thmeythmey.com