ជាតិ
តំបន់ប្រាសាទសំបូរព្រៃគុកដែលមានអាយុជាង ១ ពាន់ឆ្នាំ ត្រូវបានចុះបញ្ជីជាសម្បត្តិបេតិកភណ្ឌពិភពលោក
រូបប្រាសាទសំបូរព្រៃគុក ពីហ្វេសប៊ុកក្រសួងទេសចរណ៍
×![]()
ដោយ: ថ្មីៗ
ភ្នំពេញ៖ តំបន់ប្រាសាទសំបូរព្រៃគុករបស់កម្ពុជា ត្រូវបានចុះបញ្ជីជាផ្លូវការនៅអង្គការ យូនីស្កូ(UNESCO) នៅថ្ងៃទី៨ខែកក្កដា ម្សិលមិញនេះ។ នេះបើតាមព័ត៌មានដែលផ្សព្វផ្សាយនៅលើទំព័រហ្វេសប៊ុករបស់ សម្ដេចនាយករដ្ឋមន្ត្រី ហ៊ុន សែន ។
ការសម្រេចបញ្ចូលតំបន់ប្រាសាទសំបូរព្រៃគុកក្នុងបញ្ជីបេតិកភណ្ឌនេះ ត្រូវបានធ្វើឡើងនៅក្នុងកិច្ចប្រជុំកំពូលលើកទី៤១ នៃគណៈកម្មាធិការបេតិកភណ្ឌពិភពលោកនៃអង្គការយូនីស្កូដែលប្រារព្ធធ្វើពីថ្ងៃទី២ ដល់ថ្ងៃទី១២ខែកក្កដាឆ្នាំនេះ។ សមាជិកគណៈកម្មាធិការនេះចំនួន ១៩៣ ប្រទេស ហើយដែល ២១ ប្រទេសជាគណៈកម្មាធិការអចិន្ត្រៃយ៍ បានអនុម័តចុះបញ្ជីប្រាសាទសំបូរព្រៃគុកនេះ នៅយប់ថ្ងៃទី៨ខែកក្កដា នៅក្នុងទីក្រុង KRAKOW នៅក្នុងប្រទេសប៉ូឡូញ ម្សិលមិញ។
ជាមួយគ្នានេះ សម្ដេច ហ៊ុន សែន នៅលើទំព័រហ្វេសប៊ុករបស់ខ្លួន បានថ្លែងអំណរគុណដល់ក្រសួងវប្បធម៌ និងវិចិត្រសិល្បៈ និងស្ថាប័នពាក់ព័ន្ធ ដែលបានចូលរួមខិតខំលើកិច្ចការថែរក្សាការពារអភិរក្ស និងបញ្ចូលប្រាសាទសំបូរព្រៃគុកជាសម្បត្តិបេតិកភណ្ឌពិភពលោក។
ប្រតិភូរបស់កម្ពុជា ដែលបានចូលរួមនៅក្នុងកិច្ចប្រជុំគណៈកម្មកាធិការបេតិភណ្ឌពិភពលោក ដឹកនាំដោយលោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ។
ប្រាសាទសំបូរព្រៃគុក កសាងឡើងនៅក្នុងសតវត្សរ៍ទី ៧ ក្នុងរជ្ជកាលស្តេច ឥសានវរ្ម័ន ក្នុងសម័យចេនឡា។ បច្ចុប្បន្ន តំបន់ប្រាសាទនេះ ក្លាយជារមណីយដ្ឋានវប្បធម៌ ប្រវត្តិសាស្ត្រ ដែលស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ មានចម្ងាយប្រមាណ៣៧គីឡូម៉ែត្រ ពីទីរួមខេត្តកំពង់ធំ៕
ប្រតិភូរបស់កម្ពុជា ដែលបានចូលរួមនៅក្នុងកិច្ចប្រជុំគណៈកម្មកាធិការបេតិភណ្ឌពិភពលោក ដឹកនាំដោយលោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ។
ប្រាសាទសំបូរព្រៃគុក កសាងឡើងនៅក្នុងសតវត្សរ៍ទី ៧ ក្នុងរជ្ជកាលស្តេច ឥសានវរ្ម័ន ក្នុងសម័យចេនឡា។ បច្ចុប្បន្ន តំបន់ប្រាសាទនេះ ក្លាយជារមណីយដ្ឋានវប្បធម៌ ប្រវត្តិសាស្ត្រ ដែលស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ មានចម្ងាយប្រមាណ៣៧គីឡូម៉ែត្រ ពីទីរួមខេត្តកំពង់ធំ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
