ជាតិ
សេដ្ឋកិច្ច
ពន្ធដារ ប្រកាសប្រើតែមថ្មីបិទលើកញ្ចប់បារី ដើម្បីពង្រឹងប្រសិទ្ធភាពនៃការប្រមូលពន្ធ
រូបភាពពីហ្វេសប៊ុកអគ្គនាយកដ្ឋានពន្ធដារ
×![]()
អគ្គនាយកដ្ឋានពន្ធដារ បានប្តូរប្រភេទតែមពន្ធថ្មីសម្រាប់បិទលើកញ្ចប់បារី ដើម្បីធានាប្រសិទ្ធភាពនៃប្រមូលចំណូលពន្ធ។ ការអនុវត្តន៍លើនីតិវិធីច្បាប់ នឹងចាប់ផ្តើមនៅខែសីហាខាងមុខ។ បើតាមនាយកដ្ឋានពន្ធដារ ផលិតបារីមិនបិទតែមពន្ធថ្មីនេះនៅលើកញ្ចប់ នឹងមិនអនុញ្ញាតឲ្យលក់លើទីផ្សារឡើយ ចាប់ពីខែសីហា។
ក្នុងឱកាសចុះត្រួតពិនិត្យការបិទតែមប្រភេទថ្មីបិទលើកញ្ចប់បារី នៅក្រុមហ៊ុន British American Tobacco Cambodia កាលពីថ្ងៃទី៣ ខែកក្កដា លោក គង់ វិបុល អគ្គនាយកនៃអគ្គនាយកដ្ឋានពន្ធដារ បានបញ្ជាក់ថា ការដាក់ឱ្យប្រើប្រាស់តែមថ្មីនេះ គឺដើម្បីទប់ស្កាត់ការក្លែងបន្លំសន្លឹកតែមពន្ធនៅលើទីផ្សារ ដែលនាំឲ្យបាត់បង់ចំណូលជាតិ។ នេះបើតាមទីភ្នាក់ងារសារព័ត៌មានកម្ពុជា(AKP)។
AKP បានស្រង់ប្រសាសន៍លោក គង់ វិបុល ទៀតថាតែមពន្ធថ្មីនេះមានសុវត្ថិភាព ទាំងក្រដាស ពណ៌ទឹកថ្នាំ និងមានឃ្យូ អរ កូដ (QR Code) ដែលបង្ហាញពីព័ត៌មានឈ្មោះក្រុមហ៊ុន តាមរយៈម៉ាស៊ីនអេឡិចត្រូនិក។ លោក គង់ វិបុល បញ្ជាក់ទៀតថា យន្តការថ្មីនេះ នឹងចាប់ផ្តើមអនុវត្តន៍ នៅខែសីហាខាងមុខ ហើយរដ្ឋបាលសារពើពន្ធ គ្រោងចុះពិនិត្យទៅតាមទីផ្សារដែរនៅថ្ងៃនោះដែរ ដើម្បីចុះត្រួតពិនិត្យពីការអនុវត្តប្រភេទតែមពន្ធថ្មីលើកញ្ចប់បារី។
អាជ្ញាធរនឹងរឹបអូសកញ្ចប់បារីណា ដែលនៅតែបិទតែមចាស់ ឬគ្មានការបិទតែមបង់ពន្ធ ព្រោះបារីទាំងនោះផុតកំណត់កាលបរិច្ឆេទ។ នេះបើតាមលោក គង់ វិបុល ដែលបន្តថា យន្តការថ្មីនេះ មិនត្រឹមតែពង្រឹងប្រសិទ្ធភាពនៃការបង់ពន្ធលើផលិតផលថ្នាំជក់ ប៉ុណ្ណោះទេ ក៏ពង្រឹងពីបញ្ហាសុវត្ថិភាពអ្នកប្រើប្រាស់ផលិតផលថ្នាំជក់ដែរ ដោយតម្រូវឱ្យមានការបិទសារព្រមានសុខភាព និងរូបភាពជក់បារីនាំឲ្យប៉ះពាល់ដល់សុខភាព។ ទន្ទឹមនឹងនេះ លោក ក៏ប្រាប់ឲ្យអាជីវករទាំងអស់ ដែលសល់ផលិតផលបារីមានបិទតែមចាស់ បញ្ជូនទៅឲ្យក្រុមហ៊ុនវិញ ចៀសជាងការរឹបអូស និងរងការព្រមានពីអាជ្ញាធរ៕
ប្រភព៖AKP
ក្នុងឱកាសចុះត្រួតពិនិត្យការបិទតែមប្រភេទថ្មីបិទលើកញ្ចប់បារី នៅក្រុមហ៊ុន British American Tobacco Cambodia កាលពីថ្ងៃទី៣ ខែកក្កដា លោក គង់ វិបុល អគ្គនាយកនៃអគ្គនាយកដ្ឋានពន្ធដារ បានបញ្ជាក់ថា ការដាក់ឱ្យប្រើប្រាស់តែមថ្មីនេះ គឺដើម្បីទប់ស្កាត់ការក្លែងបន្លំសន្លឹកតែមពន្ធនៅលើទីផ្សារ ដែលនាំឲ្យបាត់បង់ចំណូលជាតិ។ នេះបើតាមទីភ្នាក់ងារសារព័ត៌មានកម្ពុជា(AKP)។
AKP បានស្រង់ប្រសាសន៍លោក គង់ វិបុល ទៀតថាតែមពន្ធថ្មីនេះមានសុវត្ថិភាព ទាំងក្រដាស ពណ៌ទឹកថ្នាំ និងមានឃ្យូ អរ កូដ (QR Code) ដែលបង្ហាញពីព័ត៌មានឈ្មោះក្រុមហ៊ុន តាមរយៈម៉ាស៊ីនអេឡិចត្រូនិក។ លោក គង់ វិបុល បញ្ជាក់ទៀតថា យន្តការថ្មីនេះ នឹងចាប់ផ្តើមអនុវត្តន៍ នៅខែសីហាខាងមុខ ហើយរដ្ឋបាលសារពើពន្ធ គ្រោងចុះពិនិត្យទៅតាមទីផ្សារដែរនៅថ្ងៃនោះដែរ ដើម្បីចុះត្រួតពិនិត្យពីការអនុវត្តប្រភេទតែមពន្ធថ្មីលើកញ្ចប់បារី។
អាជ្ញាធរនឹងរឹបអូសកញ្ចប់បារីណា ដែលនៅតែបិទតែមចាស់ ឬគ្មានការបិទតែមបង់ពន្ធ ព្រោះបារីទាំងនោះផុតកំណត់កាលបរិច្ឆេទ។ នេះបើតាមលោក គង់ វិបុល ដែលបន្តថា យន្តការថ្មីនេះ មិនត្រឹមតែពង្រឹងប្រសិទ្ធភាពនៃការបង់ពន្ធលើផលិតផលថ្នាំជក់ ប៉ុណ្ណោះទេ ក៏ពង្រឹងពីបញ្ហាសុវត្ថិភាពអ្នកប្រើប្រាស់ផលិតផលថ្នាំជក់ដែរ ដោយតម្រូវឱ្យមានការបិទសារព្រមានសុខភាព និងរូបភាពជក់បារីនាំឲ្យប៉ះពាល់ដល់សុខភាព។ ទន្ទឹមនឹងនេះ លោក ក៏ប្រាប់ឲ្យអាជីវករទាំងអស់ ដែលសល់ផលិតផលបារីមានបិទតែមចាស់ បញ្ជូនទៅឲ្យក្រុមហ៊ុនវិញ ចៀសជាងការរឹបអូស និងរងការព្រមានពីអាជ្ញាធរ៕
ប្រភព៖AKP
Tag:
បារី
តែម
ពន្ធដារ
© រក្សាសិទ្ធិដោយ thmeythmey.com
